यर्मिया 44:7 - नेवाः बाइबल

⁷ “आः दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – यहूदापाखें मिजंपिं, मिस्‍त, चीधिकःपिं मस्‍त व ह्याउँमस्‍त नाश याकाः सुं छम्‍ह हे ल्‍यं मदय्‌क छिमिसं थःपिन्‍के थज्‍याःगु विपत्ति छाय् हयेगु?

यर्मिया 44:7 ပူးပေါင်းရင်းမြစ်များ

हितोपदेश 1:18

थुमिसं ला थःगु जाः थःम्‍हं हे ग्‍वयाच्‍वंगु दु। थुमिसं थःम्‍हं थःत हे स्‍यायेत स्‍वयाच्‍वंगु दु।

हितोपदेश 15:32

अनुशासनयात च्‍यूताः मतइपिन्‍सं थःत हे स्‍यंकी, थःगु द्वं भिंकीम्‍ह मनू बुद्धिमान खः।

हितोपदेश 5:22

दुष्‍ट मनू थःगु मभिंगु ज्‍यां थःगु हे जालय् क्‍यनी। वयागु पापया खिपतं वयात हे ची।

हितोपदेश 8:36

सुनां जितः मालेत स्‍वइ मखु, वं थःत थःम्‍हं हे स्‍यंकी। सुनां जितः घृणा याइ, वं मृत्‍युयात यय्‌की।”

यर्मिया 25:6

विदेशी द्यःतय्‌गु ल्‍यू वनाः इमित सेवा नं याये मते, पुजा नं याये मते। थःगु ल्‍हाःया ज्‍यां जितः तं चाय्‌के मते। अले जिं छिमिगु छुं स्‍यंके मखु।’”

यर्मिया 25:7

परमप्रभुं धयादी “अय्‌नं छिमिसं जिगु खँ मन्‍यंसे थःगु ल्‍हातं दय्‌कूगु मूर्तिं जितः तंचाय्‌कल गुकिं यानाः छिमिगु हे मभिं जुल।”

यर्मिया 26:19

“छु! यहूदाया जुजु हिजकिया वा यहूदाया मेपिं सुनानं वयात स्‍यात ला? छु! जुजुं परमप्रभुयागु भय मकाः ला? परमप्रभुयाके दया मफ्‍वं ला? अले इमित नाश यायेत दय्‌कादीगु योजनायात वय्‌कलं पूरा यानाः मदिल। तर आः झीसं ला थःके तःधंगु सर्वनाश हयेत्‍यनागु मदु ला?”

यर्मिया 3:24

तर झी ल्‍याय्‌म्‍हबलय् निसें हे उपिं मछालापुसे च्‍वंपिं द्यःतय्‌सं झी पुर्खातय्‌सं कमय् याःगु अर्थात इमि फै-च्‍वलय्, सा द्वहं व इमि काय् म्‍ह्याय्‌पिन्‍त क्‍वाप्‍प नयाबिल।

यर्मिया 38:17

अले यर्मियां सिदकियाहयात धाल, “दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, ‘छि बेबिलोनयाम्‍ह जुजुया हाकिमतय्‌थाय् वन धाःसा बचय् जुइ अले थ्‍व शहरयात छ्वय्‌काबी मखु, छि व छिगु परिवार बचय् जुइ।

यर्मिया 42:20

छिमिसं जितः परमप्रभु छिमि परमेश्‍वरयाथाय् छ्वयाः ‘जिमिगु निंतिं परमप्रभु झी परमेश्‍वरयात प्रार्थना यानादिसँ, जिमित वय्‌कलं धयादीगु छता छता खँ धयादिसँ, जिमिसं व याये’ धयाः छिमिसं थःम्‍हं थःत ध्‍वंलाःगु दु।

यर्मिया 44:14

मिश्र देशय् च्‍वंवंपिं यहूदाया ल्‍यनाच्‍वंपिं छम्‍ह नं म्‍वानाच्‍वनी मखु, न बचय् जुइ। इमिसं यहूदा देशय् हे लिहां वयाः अन च्‍वने मास्‍ति वय्‌कूसां छुं शरण काःवपिं बाहेक इपिं छम्‍ह नं लिहां वयेखनी मखु।”

यर्मिया 44:8

छिपिं च्‍वंवःगु थ्‍व मिश्र देशय् मेपिं द्यःतय्‌त धुपाँय् च्‍याकाः जितः छाय् तं चाय्‌कागु? थथे यानाः छिमिसं थःत हे नाश याइ अले पृथ्‍वीया फुक्‍क जातिया मनूतय्‌सं छिमित हेस्‍याइ अले छिमिगु नां कयाः सराः बी।

यर्मिया 51:22

छपाखें जिं मिजं व मिसायात चुंचुं याये। छपाखें जिं बुरापिं व ल्‍याय्‌म्‍हपिन्‍त चुंचुं याये। छपाखें जिं ल्‍याय्‌म्‍हपिं व ल्‍यासेपिन्‍त चुंचुं याये।

यर्मिया 7:19

छु इमिसं जितः हे हाय्‌काच्‍वंगु खः ला?” परमप्रभुं धयादी। “मखु, तर इमिसं थःत हे लज्‍या चाय्‌केत थःत हे स्‍यंकाच्‍वंगु, मदु ला?”

यर्मिया 9:21

छाय्‌धाःसा लँय् लँय् काय् म्‍ह्याय्‌पिन्‍त नाश यायेत व चुक चुकय् ल्‍याय्‌म्‍हपिन्‍त नाश यायेत मृत्‍यु झीगु झ्‍यालं, झीगु किल्‍लाय् दुने दुहां वःगु दु।

विलाप 2:11

ख्‍वख्‍वं ख्‍वबिं हे जिगु मिखा न्‍यलय् धुंकल। जिगु नुगः क्‍वतुन। जिमि मनूत नाश जूगुलिं, जिमि मस्‍त व दुरु त्‍वंपिं मस्‍त शहर शहरय् व गल्‍लि गल्‍लिइ मूर्च्‍छा जूगुलिं जिगु नुगः तसकं ख्‍वःगु दु।

विलाप 2:22

“नखःबलय् मनूत मुं थें, छिं जिगु प्‍यखेरं आतंक मुंकादिल। परमप्रभुया तंया दिनय् सुं छम्‍ह न बिस्‍युं वने फत न बचय् जुल। जिं हे ब्‍वलंका तःधिक यानातयापिन्‍त जिमि शत्रुं सिधय्‌का बिल।”

इजकिएल 33:11

उकिं छं इमित थथे धा, ‘गथे जि धात्‍थें म्‍वाःम्‍ह खः, जि, परमप्रभु परमेश्‍वर न्‍ववानागु दु, मभिंपिं मनूत सीगु खनाः जि लय्‌ताय् मखु, तर इमिसं थःगु मभिंगु पहःचहः त्‍वःताः इपिं म्‍वाःगु जितः स्‍वयेमास्‍ति वः। थःगु मभिंगु पहःचहः त्‍वःति! अय् इस्राएलया घराना छिपिं छाय् सीगु?’

इजकिएल 9:6

बुरापिं मनूत, ल्‍याय्‌म्‍हपिं ल्‍यासेपिं, मिस्‍त व मस्‍त सकसितं स्‍यानाछ्व! तर कपालय् व चिं दुपिं सुयातं नं थी मते! जिगु पवित्रगु थासं हे शुरु या।” उकिं इमिसं देगःया न्‍ह्यःने दुपिं धर्म गुरुतपाखें हे थ्‍व ज्‍या शुरु यात।

हबकूक 2:10

छं यक्‍व मनूतय्‌त नाश यायेगु ग्‍वःसा ग्‍वःगु दु। छं थःगु छेँयात मछालापुइका थःगु जीवनयात त्‍वःतल।

गन्‍ती 16:38

पाप यानाः थःगु हे प्राणयात स्‍यंकूपिनिगु गुँगू थनेगु मकःतय्‌त मुगलं दादां वेदीइ हिनेगु पाता दय्‌कि। छाय्‌धाःसा उपिं परमप्रभुया न्‍ह्यःने देछाःगु जुयाः पबित्रगु खः। उपिं पाता धाःसा इस्राएलीतय्‌गु निंतिं चिं जुइमा।”

व्‍यवस्‍था 32:25

तरवारं इमित लँय् लँय् मस्‍त मदुपिं यानाबी, छेँय् छेँय् इपिं ग्‍यानाः च्‍वनेमाली, ल्‍याय्‌म्‍ह-ल्‍यासे, अले दुरु त्‍वनीम्‍ह मचांनिसें बुरा बुरीपिं तकं न्‍हनावनी।

यहोशू 6:21

इमिसं शहर परमप्रभुयात देछाल, अले व शहरय् दुपिं मिसा, मिजं, ल्‍याय्‌म्‍ह, बुरा व सा द्वहं, फै व गधा फुक्‍कसित तरवारं नाश यानाबिल।

न्‍यायकर्ता 21:11

छिमिसं याबेश-गिलादय् दुपिं मिजंत व मिस्‍तलिसें लसपस याये धुंकूपिं सकलें मिस्‍तय्‌त स्‍या। तर कुमारीतय्‌त म्‍वाकाति।”

१ शमूएल 15:3

आः छिं अमालेकीतय्‌त हमला या हुँ अले इमिके दुगु फुक्‍क छुं नं ल्‍यंमदय्‌कः भज्‍यंक नाश यानाब्‍यु। इमि फुक्‍क मनूत, मिसात, ल्‍याय्‌म्‍ह ल्‍यासेपिं, मचात, दुरु त्‍वंपिं मचात, सा द्वहं, फै-च्‍वलय्, ऊँट व गधा फुक्‍कं नाश या।’”

१ शमूएल 22:19

अनंलि वं पुजाहारीया शहर नोबया फुक्‍क प्राणीतय्‌त स्‍यानाबिल, गथेकि, मिजंपिं, मिसात, मचात, दुरु त्‍वंपिं मचात, सा द्वहं, गधा, फै-च्‍वलय् फुक्‍कं स्‍यानाबिल।