यर्मिया 44:18 - नेवाः बाइबल

¹⁸ तर गुबलय् निसें जिमिसं स्‍वर्गयाम्‍ह रानी द्यःमय्‌जुयात धुपाँय् च्‍याकेगु व त्‍वँसाबलि छायेगु त्‍वःताः, उबलय् निसें जिमित फुक्‍क खँया मगाःमचाः जुया वयाच्‍वंगु दु, जिमि मनूत तरवार व अनिकालं सीगु दु।”

यर्मिया 44:18 ပူးပေါင်းရင်းမြစ်များ

यर्मिया 40:12

अले सकलें यहूदी मनूत, गन गन इपिं छ्यालब्‍याल जूगु खः, व थासं लिहां वयाः यहूदा देशया मिस्‍पाय् गदल्‍याहयाथाय् वल। अले इमिसं यक्‍व हे दाख व तांन्‍वःबलय्‌या फल मुंकल।

२ इतिहास 28:23

वं थःत बुकूपिं दमस्‍कसयापिं द्यःतय्‌त बलि छाल, छाय्‌धाःसा वं थथे बिचाः यात, “अरामया जुजुपिनि द्यःतय्‌सं इमित ग्‍वाहालि यात। उकिं इमिसं जितः नं ग्‍वाहालि यायेमा धकाः जिं नं इमित बलि छाये।” तर इपिं वयागु व फुक्‍क इस्राएलया नाशया कारण जुल।

यर्मिया 19:13

यरूशलेमया छेँत व यहूदाया जुजुपिनिगु दरबार, गुकियागु कःसिइ कःसिइ आकाशया फुक्‍क नगुया लागि धुपाँय् च्‍याकल, अले मेपिं द्यःतय्‌गु निंतिं त्‍वँसाबलि छाल, उपिं फुक्‍क तोपेत थें अशुद्ध जुइ।’”

होशे 2:5

इमि मां विश्‍वास याये बहःम्‍ह मजुल, इपिं सुयागु प्‍वाथय् दुगु खः, वं मछालापुस्‍से च्‍वंगु ज्‍या याःगु दु। वं धाल, ‘जितः मरि, लः, ऊन, वसः, जैतूनया चिकं व दाखमद्य बीपिं थः प्रेमीतय्‌गु ल्‍यूल्‍यू जि वने।’