यर्मिया 44:1 - नेवाः बाइबल

¹ मिश्र देशया उत्तरय् च्‍वंगु शहरत मिग्‍दोल, तहपनेस, नोप व मिश्रय् दच्‍छिनपाखे च्‍वंपिं सकलें यहूदाया मनूतय्‌गु बारे परमप्रभुयागु थ्‍व वचन यर्मियायाथाय् वल।

यर्मिया 44:1 ပူးပေါင်းရင်းမြစ်များ

उत्‍पत्ति 10:14

पत्रुसी, कस्‍लूही व कप्‍तोरी खः। कस्‍लूहीपाखें पलिश्‍तीत पिहां वल।

प्रस्‍थान 14:2

“इस्राएलीतय्‌त थथे धा, थ्‍व हे लं फस्‍वयाः मिग्‍दोलपाखे हुँ। अले मिग्‍दोल व लाल समुद्रया दथुइ पी-हहीरोत सतिक्‍क, अले बाल-सेफोनया चुलिंचू लाकाः समुद्र सिथय् पाल ग्‍वयाः च्‍वँ।

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 19:13

सोअनया हाकिमत मूर्ख जुइ धुंकल। नोपया नायःतय्‌सं धोखा नयेधुंकल। इपिं थः मनूतय् मू ल्‍वहं थें जुयाः मिश्र देय्‌या मनूतय्‌त मखुगु लँय् यंकूगु दु।

यर्मिया 2:16

अज्‍ज नोप व तहपनेशयापिं मनूत वयाः छिमिगु छ्यंया मुकुटयात तछ्याना ब्‍यूगु दु।

यर्मिया 24:8

“‘तर व नये तकं मज्‍यूगु थें च्‍वंगु तसकं बांमलाःगु यःमरितय्‌त थें जिं यहूदाया जुजु सिदकियाह, वया भारदारत व यरूशलेमयापिं ल्‍यनाच्‍वंपिन्‍त व्‍यवहार याये, इपिं चाहे थ्‍व हे देशय् च्‍वनाच्‍वंगु जुइमा वा मिश्रय् वंगु जुइमा,’ परमप्रभुं धयादी।

यर्मिया 43:13

वं मिश्र देशय् दुगु सूर्यया देगःया थांत स्‍यंकाबी, अले मिश्र देशया द्यःतय् देगःत मिं नकाबी।’”

यर्मिया 44:15

अले उगु महासभाय् दुपिं मिजंतय्‌सं, थः कलाःपिन्‍सं मेपिं द्यःतय्‌गु लागि धुपाँय् च्‍याकूगु स्‍यूपिं मनूतय्‌सं व अन दनाच्‍वंपिं मेपिं सकलें मिसातय्‌सं अले मिश्रया उत्तरपाखे व दच्‍छिनपाखेयापिं सकलें यहूदाया मनूतय्‌सं यर्मियायात धाल,

यर्मिया 46:14

“मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’

यर्मिया 46:19

हे मिश्र देशय् च्‍वंपिं, कैदी जुयाः वनेत थःगु सामान प्‍वःच्‍यु, छाय्‌धाःसा नोप नाश जुइ, मनू मदयाः व झिजांमिजां जुइ।

इजकिएल 29:10

उकिं जि छ व छंगु खुसिचातय्‌गु विरोधय् दु, उत्तरय् मिग्‍दोलंनिसें दच्‍छिनय् आश्‍वान तक व कूश देशया सिमाना तक जिं मिश्र देशयात झिजांमिजां व नाश यानाबी।

इजकिएल 29:14

अले इमिगु लसता व शान्‍ति नं लित हयाबी। अले जिं इमित इमि पुर्खातय्‌गु देश, दच्‍छिन मिश्रय् हये। अन इपिं छगू चिधंगु राज्‍य जुयाच्‍वनी।

इजकिएल 30:13

“‘परमप्रभु परमेश्‍वरं थथे धयादी – “‘जिं मूर्तितय्‌त नाश यानाबी। नोपय् दुगु झ्‍वातात मदय्‌काबी। मिश्र देशय् हाकनं गुबलें शासक दइ मखु, थुकथं जिं थ्‍व देशय् आतंक थ्‍यंकाबी।

इजकिएल 30:14

दच्‍छिन मिश्रयात जिं तहसनहस यानाबी, सोअनय् मि तयाबी, थेबेस शहरयात जिं सजाँय बी।

इजकिएल 30:16

जिं मिश्र देशय् मि तयाबी, अले पेलुसियम स्‍याः चायाः वाथा वाथा कनी। थेबेस शहरया पःखाःया छुं भाग दुनी, नोप धाःसा मदिक्‍क आपतय् लानाच्‍वनी।

इजकिएल 30:18

तहपनेसय् जिं मिश्रीतय्‌गु जुवा त्‍वथुलाबीबलय् अन न्‍हिनय् हे खिउँसे च्‍वनी, वं घमण्‍ड याइगु वयागु शक्तिया नाश जुइ। वयात सुपाँचं त्‍वपुइ, वया गांतय्‌त ज्‍वना यंकी।

होशे 9:6

इपिं आपत बिपतपाखें बिस्‍युं वःसां मिश्र देशय् च्‍वंपिन्‍सं इमिगु सीम्‍ह मुंकी अले नोपय् इमित थुनाबी। इमिगु वहःया धुकुतिइ, अले न्‍हापा इमिगु छेँ दुगु थासय् घाँय्‌घिइ व कंया झाः बुया वइ।