यर्मिया 43:13 - नेवाः बाइबल

¹³ वं मिश्र देशय् दुगु सूर्यया देगःया थांत स्‍यंकाबी, अले मिश्र देशया द्यःतय् देगःत मिं नकाबी।’”

यर्मिया 43:13 ပူးပေါင်းရင်းမြစ်များ

उत्‍पत्ति 41:45

फारों वयागु नां सापनत-पानेह तयाबिल। वयागु ब्‍याहा ओनय् च्‍वंम्‍ह पुजाहारी पोतीपेराया म्‍ह्याय् आसनतलिसे यानाबिल। अनंलि योसेफ मिश्र देशन्‍यंक चाःहिल।

यशैया 19:1

मिश्रया बारे परमप्रभुया अगमवाणी– स्‍व, परमप्रभु तसकं ब्‍वयावनीगु सुपाँचय् च्‍वनाः याकनं हे मिश्रय् झायेत्‍यंगु दु। वय्‌कःया न्‍ह्यःने मिश्रया मूर्तित थरथर खाइ, अले मनूतय्‌गु हंसं थाय् त्‍वःति।

यशैया 19:18

व दिंखुन्‍हु मिश्र देशया न्‍यागू शहरं कनान देशया भाय् ल्‍हाइ, अले दक्‍व शक्ति दुम्‍ह परमप्रभुयाके भक्तिया पा फइ। उपिं मध्‍ये छगूया नां धाःसा सूर्यया शहर धाइ।

यशैया 46:2

द्यःत क्‍वछुइ अले नापं भ्‍वसुली। द्यःतय्‌सं थःत बचय् याये फइ मखु। इपिं द्यःतय्‌त कब्‍जा यानाः यंकी।

यर्मिया 10:11

“छं इमित थथे धा, ‘थुपिं द्यःतय्‌सं आकाश व पृथ्‍वी दय्‌कूगु मखु। थुपिं द्यःत पृथ्‍वीं व आकाशया क्‍वय्‌नं नाश जुयावनी।’”

यर्मिया 25:19

जिं मिश्रयाम्‍ह जुजु फारो व वया भारदारत, व फुक्‍क प्रजायात,

यर्मिया 43:12

वं मिश्र देशया द्यःतय्‌गु देगलय् मिं नकाबी। वं इमिगु देगःत छ्वय्‌काबी, अले द्यःतय्‌त ज्‍वना यंकी। गथे फैजवाःतय्‌सं थःगु वसतय् च्‍वंगु ससि फुक्‍क लिकाइ, अथे हे वं मिश्र देशय् च्‍वंगु फुक्‍क लिकया छ्वइ अले व अनं छुं हे हानि मजुसें लिहां वइ।

यर्मिया 44:1

मिश्र देशया उत्तरय् च्‍वंगु शहरत मिग्‍दोल, तहपनेस, नोप व मिश्रय् दच्‍छिनपाखे च्‍वंपिं सकलें यहूदाया मनूतय्‌गु बारे परमप्रभुयागु थ्‍व वचन यर्मियायाथाय् वल।

यर्मिया 46:25

दक्‍व शक्ति दुम्‍ह परमप्रभु, इस्राएलया परमेश्‍वरं धयादी, “स्‍व, जिं थःम्‍हं हे नो शहरया अमोन द्यः, फारो, मिश्र देश व वया द्यःत अले जुजुपिं धकाः फारोयात भरोसा याइपिन्‍के सजाँय हयेत्‍यनागु दु।

इजकिएल 26:11

वया सलया ख्‍वलं छंगु फुक्‍क लँयात न्‍हुत्तुन्‍हुइ। वं छिमि मनूतय्‌त तरवारं स्‍याइ, छंगु बबलाःगु थनातःगु ल्‍वहंत बँय् क्‍वःदली।

इजकिएल 30:13

“‘परमप्रभु परमेश्‍वरं थथे धयादी – “‘जिं मूर्तितय्‌त नाश यानाबी। नोपय् दुगु झ्‍वातात मदय्‌काबी। मिश्र देशय् हाकनं गुबलें शासक दइ मखु, थुकथं जिं थ्‍व देशय् आतंक थ्‍यंकाबी।

इजकिएल 30:17

हेलीओपोलिस व बुबास्‍तीसयापिं ल्‍याय्‌म्‍हपिन्‍त तरवारं स्‍याइ, अले फुक्‍क शहरयात ज्‍वना यंकी।

दानिएल 11:8

वं इमि नँयागु द्यःया मूर्तित, लुँ व वहःयागु थीके-थीकेगु थलबल लाकाकयाः मिश्रय् यंकी। छुं दँ तक वं उत्तरयाम्‍ह जुजुयात हमला याइ मखु।