यर्मिया 42:8 - नेवाः बाइबल

⁸ उकिं वं कारेहया काय् योहानान अले वनापं दुपिं सकलें सेनाया कप्‍तानतय्‌त अले चीधिकःपिंनिसें तःधिकःपिं सकलें मनूतय्‌त सःतल।

यर्मिया 42:8 ပူးပေါင်းရင်းမြစ်များ

यर्मिया 40:13

कारेहया काय् योहानान व बस्‍ती बस्‍तीइ दुपिं सेनाया सकलें कप्‍तानत मिस्‍पाय् गदल्‍याहयाथाय् वल।

यर्मिया 40:8

अले इपिं मिस्‍पाय् गदल्‍याहयाथाय् वल। इपिं थथे दु – नतन्‍याहया काय् इश्‍माएल, कारेहया निम्‍ह काय्‌पिं योहानान व जोनाथन, तन्‍हूमेतया काय् सरायाह, नतोपाती एफैया काय्‌पिं, माकातीया काय् याजन्‍याह व थुमि सकलें मनूत।

यर्मिया 42:1

सेनाया सकलें कप्‍तानत, कारेहया काय् योहानान व होशयाहया काय् येजन्‍याह, चिधंपिंनिसें ततःधंपिं सकलें मनूत यर्मिया अगमवक्तायात नापलाः वल।

यर्मिया 42:7

झिन्‍हु लिपा परमप्रभुया वचन यर्मियायाथाय् वल।

यर्मिया 42:9

यर्मियां इमित धाल, “परमप्रभु, इस्राएलया परमेश्‍वर, गुम्‍हय्‌सिथाय् छिमिसं जितः थःगु बिन्‍ति देछायेत छ्वःगु खः, थथे धयादी,