7 झिन्हु लिपा परमप्रभुया वचन यर्मियायाथाय् वल।
परमप्रभुयागु लँ स्वयाच्वँ। साहस या, थःगु नुगः बल्लाकि। परमप्रभुयागु लँ स्वयाच्वँ।
अथे जुयाः परमप्रभुं धयादी, “स्व, जिं सियोनय् छग्वः ल्वहं तयागु दु, जाँचय् यानातःगु छग्वः ल्वहं, तसकं बल्लाःगु जगया निंतिं मदय्कं मगाःगु मू ल्वहं। थुकी विश्वास याइपिं सुनानं लज्या चाय् माली मखु।
अय्नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्कः दनादी, छाय्धाःसा परमप्रभु न्याय यानादीम्ह परमेश्वर खः। वय्कःयात लं च्वनीम्ह धन्य खः।
जुजुया सेनापति नबूजरदानं यर्मियायात सिखलं चिनाः बेबिलोनय् यंकेत्यंपिं यरूशलेमयापिं व यहूदायापिं मेपिं कैदीतनापं लुइकूगु खः। वं वयात रामाय् त्वःता ब्यूबलय् परमप्रभुपाखें यर्मियायाथाय् वःगु वचन थ्व हे खः।
उकिं वं कारेहया काय् योहानान अले वनापं दुपिं सकलें सेनाया कप्तानतय्त अले चीधिकःपिंनिसें तःधिकःपिं सकलें मनूतय्त सःतल।
न्हय्न्हु लिपा परमप्रभुया वचन जिथाय् वल,
थ्व दर्शन लिपाया निंतिं खः। थुकिं लिपा जुइगु खँ धाइ, अले थ्व मखुगु खँ जुइ मखु। थ्व खँ पूवनेगु लिपा लाःसां थ्वयात पियाच्वनी, छाय्धाःसा थ्व धात्थें हे पूवनी, अले लिपालाइ मखु।
