यर्मिया 42:6 - नेवाः बाइबल

⁶ व जिमित यःगु जुइमा वा मयःगु जुइमा, जिमिसं परमप्रभु जिमि परमेश्‍वरया आज्ञा पालन याये, गुम्‍हय्‌सिथाय् जिमिसं छितः छ्वयेत्‍यनागु दु। जिमित बां हे लायेमा, छाय्‌धाःसा जिमिसं परमप्रभु जिमि परमेश्‍वरयागु आज्ञा पालन याये।”

यर्मिया 42:6 ပူးပေါင်းရင်းမြစ်များ

भजनसंग्रहया सफू 128:2

छं थःगु कमाइ नइबलय् छ लय्‌ताइ अले छन्‍त भिं जुइ।

भजनसंग्रहया सफू 78:36

तर इमिसं वय्‌कःयात म्‍हुतुं जक तःधंकाच्‍वंगु खः, दुनुगलंनिसें मखु।

प्रस्‍थान 24:7

वया लिपा वं बाचाया सफू कयाः मनूतय्‌गु न्‍ह्यःने ब्‍वन। इमिसं लिसः बिल, “परमप्रभुं धयादीगु फुक्‍क खँ जिमिसं याये, अले वय्‌कःया आज्ञायात मानय् याये।”

यशैया 3:10

धर्मी मनूतय्‌त धा, “छिमित भिं हे जुइ, छिमिसं थःम्‍हं याःगु ज्‍याया सिरपाः कायेखनी।”

यर्मिया 22:15

“छु यक्‍व देवदारु दयां छ जुजु जुइ ला? छु छिमि अबुयाके नयेगु व त्‍वनेगु गाक्‍क मदुगु खः ला? वं खःगु व पाय्‌छिगु ज्‍या हे यात। अथे जुयाः वयागु भिं हे जुल।

यर्मिया 43:4

उकिं कारेहया काय् योहानान व सेनाया फुक्‍क कप्‍तानत व मेपिं सकलें मनूतय्‌सं “यहूदा देशय् हे च्‍वँ!” धयागु परमप्रभुया आज्ञा पालन मयात।

यर्मिया 7:23

तर जिं इमित थ्‍व आज्ञा बियागु खः, ‘जिगु खँ न्‍यँ, अले जि छिमि परमेश्‍वर जुये, छिपिं जिमि प्रजा जुइ, जिं धाःथें फुक्‍क यात धाःसा छिमित भिं जुइ।’

रोमी 7:13

अय्‌सा थज्‍याःगु भिंगुलिं हे जितः स्‍यानाबिल ला? थथे ला गुब्‍सं नं मजुइमा। पापं यानाः दुनें दुनें मभिं जुयाः जितः स्‍याःगुलिं जिं पापयात म्‍हसीके फत। अले हानं आज्ञां यानाः नं पाप झन ग्‍यानापुसे च्‍वन।

रोमी 7:7

अय्‌सा झीसं आः छु धायेगु? छु व्‍यवस्‍था पाप खः ला? थ्‍व ला जुइ हे फइ मखु। अय्‌नं व्‍यवस्‍था मदुगु जूसा जिं पाप म्‍हसीके फइ मखुगु। व्‍यवस्‍थायागु सफुलिइ “छं लोभ याये मते” धकाः च्‍वयामतःगु जूसा जिं लोभ छु खः धयागु हे सी मखुगु।

रोमी 8:7

शरीरयात यःथें यानाजुइपिं परमेश्‍वरया शत्रु खः, छाय्‌धाःसा थज्‍याःपिं मनूतय्‌सं परमेश्‍वरयागु व्‍यवस्‍था मानय् याइ मखु, अले हानं मानय् याये फइ नं मखु।

व्‍यवस्‍था 5:27

छि थः हे न्‍ह्यःने झासँ अले परमप्रभु झी परमेश्‍वरं धयादीगु फुक्‍क खँ जिमित धयादिसँ अले जिमिसं न्‍यने।”

व्‍यवस्‍था 5:29

जिगु भय काइगु व न्‍ह्याबलें जिगु आज्ञा मानय् याइगु इमिगु मन जूगु जूसा इपिं व इमि सन्‍तानतय्‌गु न्‍ह्याबलें भिं जुइ।

व्‍यवस्‍था 5:33

परमप्रभु छिमि परमेश्‍वरं छिमित बियादीगु आज्ञाकथं फुक्‍क लँपुइ हुँ। अले छिमिसं अधिकार यायेगु देशय् छिपिं म्‍वानाच्‍वनी व छिमिगु भिं जुइ, अले छिपिं ताःई तक म्‍वाइ।

यहोशू 24:24

अले मनूतय्‌सं यहोशूयात धाल, “जिमिसं परमप्रभु झी परमेश्‍वरयागु हे सेवा याये अले वय्‌कःया खँ न्‍यने।”