यर्मिया 42:5 - नेवाः बाइबल

⁵ अले इमिसं यर्मियायात धाल, “परमप्रभु छिकपिनि परमेश्‍वरं छिपाखें जिमिथाय् छुं खबर छ्वयाहयादिल धाःसा अले जिमिसं वय्‌कःया वचनकथं मयात धाःसा परमप्रभु हे जिमिगु विरोधय् खःम्‍ह व विश्‍वास याये बहःम्‍ह साक्षी जुयादीमा।

यर्मिया 42:5 ပူးပေါင်းရင်းမြစ်များ

उत्‍पत्ति 31:50

लाबानं हाकनं धाल, “छं जिमि म्‍ह्याय्‌पिन्‍त मभिंकल, अले मेपिं मिसात ब्‍याहा याना हल धाःसां झीगु दथुइ सुं मदुसां होश या, परमेश्‍वर छंगु व जिगु साक्षी दु।”

प्रस्‍थान 20:19

मोशायात धाल, “छिं हे जिमित धयादिसँ, अले जिमिसं न्‍यने। परमेश्‍वर थः हे जिपिंलिसें खँ ल्‍हानादीसा जिपिं सी।”

प्रस्‍थान 20:7

“जिगु नां कयाः मखुगु पाफयाः थः परमेश्‍वरया नां क्‍वह्यंके मते। म्‍वाय्‌कं म्‍वाय्‌कं वय्‌कःया नां काइम्‍हय्‌सित वय्‌कलं सजाँय बियादी।

यर्मिया 42:20

छिमिसं जितः परमप्रभु छिमि परमेश्‍वरयाथाय् छ्वयाः ‘जिमिगु निंतिं परमप्रभु झी परमेश्‍वरयात प्रार्थना यानादिसँ, जिमित वय्‌कलं धयादीगु छता छता खँ धयादिसँ, जिमिसं व याये’ धयाः छिमिसं थःम्‍हं थःत ध्‍वंलाःगु दु।

यर्मिया 43:2

होशयाहया काय् अजर्याह व कारेहया काय् योहानान व मेपिं फुक्‍क जिराहा मनूतय्‌सं यर्मियायात धाल, “छं मखुगु खँ ल्‍हानाच्‍वंगु दु! ‘छिपिं मिश्र देशय् च्‍वंवने हे मते’ धकाः धायेत परमप्रभु झी परमेश्‍वरं छन्‍त छ्वयाहयादीगु मखु।

यर्मिया 43:4

उकिं कारेहया काय् योहानान व सेनाया फुक्‍क कप्‍तानत व मेपिं सकलें मनूतय्‌सं “यहूदा देशय् हे च्‍वँ!” धयागु परमप्रभुया आज्ञा पालन मयात।

यर्मिया 5:2

अनच्‍वंपिं मनूतय्‌सं ‘धात्‍थें परमप्रभु म्‍वाःम्‍ह खः’ धया पाफःसां इमिसं मखुगु खँ ल्‍हानाच्‍वंगु दु।”

मीका 1:2

हे जात जातियापिं सकलें मनूत, थ्‍व खँ न्‍यँ। हे पृथ्‍वी व अन च्‍वंपिं फुक्‍क मनूत, ध्‍यान बियाः न्‍यँ। परमप्रभु परमेश्‍वरं छिमिगु विरोधय् साक्षी बियादी। न्‍यँ, वय्‌कलं थःगु पवित्र देगलं न्‍ववानादी।

मलाकी 2:14

छिमिसं न्‍यनी, “छाय्?” छाय्‌धाःसा परमप्रभुं छिपिं व छिमि ल्‍याय्‌म्‍हबलय्‌या कलाः दथुइया साक्षीया ज्‍या यानाच्‍वनादीगु दु। छं वलिसें विश्‍वासघात यात, खः ला व छिमि जीवनया पासा व व्‍याहाया बाचाय् चिनातःम्‍ह कलाः खः।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

रोमी 1:9

जिं प्रार्थना यायेबलय् छिमित गुबलें हे नं ल्‍वःमंकागु मदु धकाः जिं मानय् यानाच्‍वनाम्‍ह परमेश्‍वरं स्‍यू। वय्‌कःया काय्‌यागु भिंगु खँ न्‍यंकाः जिं दुनुगलंनिसें वय्‌कःया सेवा यानाच्‍वनागु दु।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।

न्‍यायकर्ता 11:10

गिलादया थकालितय्‌सं हाकनं यिप्‍तायात धाल, “परमप्रभु झीगु दथुइ साक्षी जुल, जिमिसं धात्‍थें हे छिं धयादीगु थें हे याये।”

१ शमूएल 12:5

अले शमूएलं इमित धाल, “छिकपिन्‍सं जिगु ल्‍हातय् छुं दोष खंगु मदु धकाः परमप्रभु व वय्‌कलं अभिषेक यानादीम्‍ह जुजु थौं साक्षी दु।” अले इमिसं लिसः बिल, “खः, परमप्रभु हे साक्षी खः।”

१ शमूएल 20:42

अनंलि जोनाथनं दाऊदयात धाल, “याउँक हुँ, छ व जि अले छिकपिनि सन्‍तान व जिमि सन्‍तानया दथुइ सदां साक्षी जुयादीम्‍ह परमप्रभुया नामं झीसं बाचा चिनागु दु।” अले दाऊद याकनं हे अनं वन, जोनाथन धाःसा शहरय् तुं लिहां वन।