यर्मिया 42:21 - नेवाः बाइबल

²¹ जिं थौं छिमित व धयागु दु। तर वय्‌कलं जितः छिमित धा धकाः धयादीगु फुक्‍क खँय् छिमिसं परमप्रभु छिमि परमेश्‍वरया आज्ञा पालन याःगु मदु।

यर्मिया 42:21 ပူးပေါင်းရင်းမြစ်များ

भजनसंग्रहया सफू 81:12

उकिं जिं इमित इमि यत्‍थे जुइमा धकाः त्‍वःताबिया। जिं इमित इमि जिराहा इच्‍छा कथं याकेबिया।

यर्मिया 43:1

परमप्रभु इमि परमेश्‍वरं गुलि खँ धायेत यर्मियायात छ्वयाहःगु खः, व फुक्‍क खँ यर्मियां इमित धाये धुंकाः

यर्मिया 43:4

उकिं कारेहया काय् योहानान व सेनाया फुक्‍क कप्‍तानत व मेपिं सकलें मनूतय्‌सं “यहूदा देशय् हे च्‍वँ!” धयागु परमप्रभुया आज्ञा पालन मयात।

यर्मिया 43:7

थुकथं परमप्रभुया आज्ञा पालन मयासें इपिं मिश्र देशय् वन, इपिं तहपनेसय् थ्‍यन।

इजकिएल 2:7

छं इमित जिगु वचन धा, इमिसं चाहे न्‍यनेमा वा मन्‍यनेमा छाय्‌धाःसा इपिं विद्रोही खः।

इजकिएल 3:17

“अय् सीमानिम्‍ह मनू, जिं छन्‍त इस्राएलया घरानाया पिवाः यानागु दु। उकिं जिं आः धयाच्‍वनागु खँ न्‍यँ, अले इमित जिगुपाखें ख्‍याच्‍वः ब्‍यु!

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

इजकिएल 33:32

छ इमिगु लागि बांलाःगु सः दुम्‍ह वा बांलाक बाजं थायेसःम्‍ह मनू स्‍वयाः अप्‍वः छुं नं मखु। छं धाःगु खँ ला इमिसं न्‍यनी तर छं धाःथें याइ मखु।

प्रेरित 20:20

जिं छेँय् छेँय् वनाः मनूतय्‌गु न्‍ह्यःने भिंगु खँ न्‍यंका जुयाबलय् छिकपिनिगु भिं जुइगु छुं हे खँ मल्‍यंका।

व्‍यवस्‍था 29:19

थ्‍व बाचाया वचन व सुवाः न्‍यंपिं मनूतय् दथुइ “जि जिद्दी जुयाः थःगु हे लँपुइ वनाच्‍वंसां नं बचय् जुयाच्‍वनी” धकाः बिचाः याइम्‍ह सुं मनू मदयेमाः। थज्‍याःगु बिचारं लखं लाःगु जमिनय् व गंगु जमिनय् विपत्ति हइ।

व्‍यवस्‍था 30:15

थौं जिं छिमिगु न्‍ह्यःने जीवन व भिं अले मृत्‍यु व मभिं तयागु दु।

व्‍यवस्‍था 30:19

जिं छिमिगु न्‍ह्यःने जीवन व मृत्‍यु, सुवाः व सराः तयागु दु धकाः थौं स्‍वर्ग व पृथ्‍वीयात छिमिगु न्‍ह्यःने साक्षी तये। अथे जुयाः जीवन हे ल्‍य, अले छिपिं व छिमि काय्‌म्‍ह्याय्‌पिं म्‍वाइ।