यर्मिया 42:16 - नेवाः बाइबल

¹⁶ गुगु तरवार खनाः छिपिं ग्‍याःगु खः, व हे तरवारं छिमित लिनाः मिश्र देशय् नापलाकी, अले छिपिं गुगु अनिकाल खनाः ग्‍याःगु खः, व मिश्र देशय् छिमिगु ल्‍युने ल्‍युने वइ, अले छिपिं अन हे सी।

यर्मिया 42:16 ပူးပေါင်းရင်းမြစ်များ

हितोपदेश 13:21

पापीतय्‌सं दुःखकष्‍ट फयेमाली, धर्मीतय्‌सं सिरपाःकथं आशिष काइ।

यर्मिया 27:8

“‘“अय्‌नं छुं जाति वा देशं बेबिलोनयाम्‍ह जुजुया सेवा मयात धाःसा वा वया जुवाया क्‍वय् थःगु ककु मतल धाःसा जिं उगु जातियात वयागु ल्‍हातं नाश मयाःतले तरवार, अनिकाल व महामारीं सजाँय बी, जि, परमप्रभुं धाये।

यर्मिया 41:18

इपिं बेबिलोनीत खनाः ग्‍याःगु खः, छाय्‌धाःसा बेबिलोनयाम्‍ह जुजुं देशया बडाहाकिम ल्‍यःम्‍ह अहीकामया काय् गदल्‍याहयात नतन्‍याहया काय् इश्‍माएलं स्‍याःगु खः।

यर्मिया 42:13

“अय्‌नं छिमिसं परमप्रभु छिमि परमेश्‍वरया आज्ञा पालन मयासें ‘जिपिं थ्‍व देशय् च्‍वने मखु,

यर्मिया 44:27

छाय्‌धाःसा जिं इमित भिंया लागि मखु तर मभिंया लागि स्‍वयाच्‍वनागु दु, मिश्र देशय् दुपिं सकलें यहूदाया मनूत नाश मजुतले तरवार व अनिकालं सी।

इजकिएल 11:8

छिपिं तरवार खनाः ग्‍याः तर जिं छिमिगु विरोधय् तरवार हये, जि, परमप्रभु परमेश्‍वर न्‍ववानागु दु।

जकरिया 1:6

अय्‌नं जिं थः दास अगमवक्तातय्‌पाखें छिमि पुर्खातय्‌त बियागु वचन व ख्‍याच्‍वः इमिके पूरा जुल। “अले इमिसं पस्‍ताय् चायाः धाल, ‘दक्‍व शक्ति दुम्‍ह परमप्रभुं झीगु पहःचहः व ज्‍याकथं झीलिसें छु यायेगु क्‍वःछिनादीगु खः व वय्‌कलं झीपिंलिसे यानादिल।’”

यूहन्‍ना 11:48

थथे हे याका तल धाःसा फुक्‍कसिनं हे वयात विश्‍वास याइ। अले रोमीत वयाः झीगु देगः व झीगु जातियात हे नाश यानाछ्वइ।”

व्‍यवस्‍था 28:15

अय्‌नं छिमिसं परमप्रभु छिमि परमेश्‍वरया खँ मन्‍यंसा अले थौं जिं छिमित बियागु वय्‌कःयागु फुक्‍क आज्ञा व विधि बांलाक मानय् मयाःसा थुपिं फुक्‍क सराः छिमित लाइ।

व्‍यवस्‍था 28:22

परमप्रभुं छिमित सुकूगनावनीगु ल्‍वचं काय्‌कादी अले छिपिं ज्‍वर व मनावइगु ल्‍वचं दने फइ मखु। छिमिगु अन्‍न बाली नाश यानाछ्वयेत वय्‌कलं वा मवइगु ई व तसकं क्‍वाःगु फय् छ्वयाहयादी। वय्‌कलं क्‍वःगु व फ्‍वसा वःगुलिं कय्‌कादी, अले म्‍वातले छिमिके थुपिं आपत विपत वया हे च्‍वनी।

व्‍यवस्‍था 28:45

थुपिं फुक्‍क सराः छिमित लाइ। परमप्रभु छिमि परमेश्‍वरं छिमित बियादीगु आज्ञा व विधि मानय् मयाःगुलिं अले वय्‌कःया खँ मन्‍यंगुलिं छिपिं नाश मजुतले थुपिं सराः छिमिथाय् दयाच्‍वनी।