यर्मिया 41:2 - नेवाः बाइबल

² नतन्‍याहया काय् इश्‍माएल व झिम्‍ह मनूतय्‌सं दनाः बेबिलोनयाम्‍ह जुजुं उगु देशया बडाहाकिम ल्‍यःम्‍ह शापानया छय्, अहीकामया काय् गदल्‍याहयात तरवारं पालाः स्‍यानाबिल।

यर्मिया 41:2 ပူးပေါင်းရင်းမြစ်များ

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

२ राजा 25:25

तर न्‍हय्‌ला दुबलय् जुजु खलःयाम्‍ह, एलीशामाया छय् व नतन्‍याहया काय् इश्‍माएलं झिम्‍ह मनूतय्‌त ज्‍वनावयाः गदल्‍याह व वलिसें मिस्‍पाय् दुपिं यहूदा व बेबिलोनयापिं मनूतय्‌त स्‍यानाबिल।

भजनसंग्रहया सफू 109:5

जिं यानागु भिंया पलेसा इमिसं जितः मभिं याइगु अले माया यानागुया पलेसा जितः मयय्‌कीगु।

भजनसंग्रहया सफू 41:9

छपाः हे भुइ नयाम्‍ह जिमि छम्‍ह स्‍याःन्‍याःम्‍ह पासा तकं जिगु विरोधय् वन। वयात जिं तसकं विश्‍वास यानातयागु खः।

यर्मिया 40:14

इमिसं वयात थथे धाल, “छितः स्‍यायेत अम्‍मोनीतय् जुजु बालीसं नतन्‍याहया काय् इश्‍माएलयात छ्वयाहःगु दु।” तर अहीकामया काय् गदल्‍याहं व खँ पत्‍याः मयात।

यर्मिया 40:16

तर अहीकामया काय् गदल्‍याहं कारेहया काय् योहानानयात धाल, “छं थज्‍याःगु ज्‍या याये मते! छाय्‌धाःसा छं इश्‍माएलया बारे धाःगु खँ सत्‍य मखु।”

यर्मिया 40:5

अय्‌नं यर्मिया वनेत्‍यंबलय् नबूजरदानं लिफः स्‍वयाः धाल, “शापानया छय्, अहीकामया काय् गदल्‍याहयाथाय् हुँ! वयात बेबिलोनयाम्‍ह जुजुं यहूदाया शहरया बडाहाकिम ल्‍यःगु दु। अन वनापं मेपिं मनूतलिसें च्‍वँ, अथवा छन्‍त गन वने मंदु अन हुँ!” सेनापतिं वयात नयेगु सामान व कोसेलि बियाः त्‍वःताबिल।

यर्मिया 40:7

बेबिलोनयाम्‍ह जुजुं अहीकामया काय् गदल्‍याहयात देशया बडाहाकिम ल्‍यःगु दु अले ज्‍वनाः बेबिलोनय् मयंकूपिं देशयापिं दकलय् गरीबपिं मिजं, मिस्‍त व मस्‍त फुक्‍क वयागु ल्‍हातय् ब्‍यूगु दु धयागु खँ सेनायापिं सकलें कप्‍तानत व बस्‍ती बस्‍तीइ दुपिं सिपाइँतय्‌सं न्‍यन।

यर्मिया 40:8

अले इपिं मिस्‍पाय् गदल्‍याहयाथाय् वल। इपिं थथे दु – नतन्‍याहया काय् इश्‍माएल, कारेहया निम्‍ह काय्‌पिं योहानान व जोनाथन, तन्‍हूमेतया काय् सरायाह, नतोपाती एफैया काय्‌पिं, माकातीया काय् याजन्‍याह व थुमि सकलें मनूत।

यर्मिया 41:3

इश्‍माएलं मिस्‍पाय् गदल्‍याहनापं दुपिं सकलें यहूदाया मनूतय्‌त व अन दुपिं बेबिलोनी सिपाइँतय्‌त नं स्‍यानाबिल।

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।