यर्मिया 40:9 - नेवाः बाइबल

⁹ शापानया छय्, अहीकामया काय् गदल्‍याहं इपिं व इमि मनूतय्‌त साहस बीत पाफयाः थथे धाल, “बेबिलोनीतय्‌गु सेवा यायेत ग्‍याये मते। देशय् च्‍वनाः बेबिलोनयाम्‍ह जुजुया सेवा या! छिमिगु भिं जुइ।

यर्मिया 40:9 ပူးပေါင်းရင်းမြစ်များ

उत्‍पत्ति 49:15

झासु लनेत बांलाःगु थाय् लुयेवं, अले झःझः धाःगु देश खनेवं, वं कु क्‍वबीत थःगु ब्‍वह क्‍वछुकी अले दास थें ज्‍या याइपिं ज्‍यामि जुइ।

२ राजा 25:24

गदल्‍याहं इपिं व इमि मनूतय्‌त पाफयाः धाल, “बेबिलोनी सिपाइँत खनाः ग्‍याये मते। देशय् च्‍वनाः बेबिलोनयाम्‍ह जुजुया सेवा या, छिमिगु भिं जुइ।”

भजनसंग्रहया सफू 128:2

छं थःगु कमाइ नइबलय् छ लय्‌ताइ अले छन्‍त भिं जुइ।

भजनसंग्रहया सफू 37:3

परमप्रभुयात विश्‍वास या, अले भिंगु या अले परमेश्‍वरं बियादीगु देशय् च्‍वनाः सुरक्षित जुयाच्‍वँ।

यर्मिया 27:11

तर छुं जातिं बेबिलोनयाम्‍ह जुजुया जुवा थःगु ककुइ तयाः वयागु सेवा याइ, जिं उगु जातियात वयागु थःगु हे देशय् बुँज्‍या याकेबी अले च्‍वनेबी,”’” परमप्रभुं धयादी।

विलाप 1:1

न्‍हापा ग्‍वाः ग्‍वाः मनूत दुगु यरूशलेम, आः गुलि झिजांमिजां दंगु दु! आः व भाःत सी धुंकूम्‍ह थें जूगु दु। छगू इलय् व जाति जातितय्‌गु दथुइ तःधंगु, प्रान्‍त प्रान्‍तय् राजकुमारी थें खः, तर आः व दासी जूगु दु।

विलाप 5:9

गांगामय् दुगु तरवारं यानाः जिमिसं थःगु ज्‍यान पानाः नयेत्‍वनेगु माला हया।