यर्मिया 40:8 - नेवाः बाइबल

⁸ अले इपिं मिस्‍पाय् गदल्‍याहयाथाय् वल। इपिं थथे दु – नतन्‍याहया काय् इश्‍माएल, कारेहया निम्‍ह काय्‌पिं योहानान व जोनाथन, तन्‍हूमेतया काय् सरायाह, नतोपाती एफैया काय्‌पिं, माकातीया काय् याजन्‍याह व थुमि सकलें मनूत।

यर्मिया 40:8 ပူးပေါင်းရင်းမြစ်များ

२ शमूएल 10:6

आः जिपिं दाऊदया निंतिं मिखां स्‍वये मयःपिं मनूत जुइ धुंकल धकाः अम्‍मोनीतय्‌सं सिल। उकिं इमिसं बेथ-रहोब व सोबा शहरं निइद्वः न्‍यासि वनीपिं अरामी सिपाइँत थःपिन्‍त ग्‍वाहालिया निंतिं बालं कयाः हल। इमिसं माकाया जुजुनापं वया सेनात द्वःछि व तोबपाखें झिंनिद्वः मनूत बालं कयाहल।

२ शमूएल 10:8

अम्‍मोनीत वयाः शहरया मू ध्‍वाखाया न्‍ह्यःने लडाइँ यायेत तयार जुयाच्‍वन। अले सोबा व रहोबाया अरामी व तोब व माकाया मनूत चक्‍कंगु ख्‍यलय् लडाइँया निंतिं थथःगु थाय् काल।

२ शमूएल 23:34

माकाती आहसबैया काय् एलीपेलेत, गीलोनी अहीतोपेलया काय् एलीआम,

२ राजा 25:23

बेबिलोनयाम्‍ह जुजुं गदल्‍याहयात बडाहाकिम ल्‍यःगु खँ न्‍यनाः सेनाया फुक्‍क कप्‍तानत व इमि मनूत मिस्‍पाय् गदल्‍याहयाथाय् वल। थुपिं सेनापतित नतन्‍याहया काय् इश्‍माएल, कारेहया काय् योहानान, नतोपाती तन्‍हूमेतया काय् सरायाह व माकातीया काय् याजन्‍याह खः।

२ राजा 25:25

तर न्‍हय्‌ला दुबलय् जुजु खलःयाम्‍ह, एलीशामाया छय् व नतन्‍याहया काय् इश्‍माएलं झिम्‍ह मनूतय्‌त ज्‍वनावयाः गदल्‍याह व वलिसें मिस्‍पाय् दुपिं यहूदा व बेबिलोनयापिं मनूतय्‌त स्‍यानाबिल।

१ इतिहास 11:30

नतोपाती महरै, नतोपाती बानया काय् हेलेद,

१ इतिहास 2:48

कालेबया मेम्‍ह मथ्‍याःम्‍ह कलाःया नां माका खः। माका शेबेर व तिर्हानाया मां खः।

१ इतिहास 2:54

सल्‍माया सन्‍तान बेथलेहेमयापिं मनूत, नतोपातीत, अत्रोतबेथ-योआब, बच्‍छि मानहतीत व सोरीत अले

एज्रा 2:2

इमि नायःत थुपिं खः – यरूबाबेल, येशूअ, नहेम्‍याह, सरायाह, रेलयाह, मोर्दकै, बिल्‍शान, मिस्‍पार, बिग्‍वै, रेहूम व बानाहा। लिहांवःपिं इस्राएली मिजंतय्‌गु नां धलः थथे दु –

एज्रा 2:22

नतोपाया मनूत ५६ म्‍ह

नहेम्‍याह 7:26

बेथलेहेम व नतोपायापिं मनूत १८८ म्‍ह

यर्मिया 37:15

हाकिमत यर्मिया खनाः तंचाल, अले वयात दाये फक्‍व दायाः छ्यान्‍जे जोनाथनया छेँय् कुनातल। छाय्‌धाःसा इमिसं उगु छेँयात झ्‍यालखाना दय्‌कूगु खः।

यर्मिया 37:20

तर आः हे जिमि प्रभु महाराज, जिगु बिन्‍ति स्‍वीकार यानादिसँ। जितः जोनाथनया छेँय् हाकनं छ्वयादी मते। मखुसा जि अन सी।”

यर्मिया 38:26

छं इमित थथे धा, ‘जितः जोनाथनया छेँय् सीत छ्वयादी मते धकाः जिं जुजुयात बिन्‍ति जक यानाच्‍वनागु खः।’”

यर्मिया 40:11

बेबिलोनयाम्‍ह जुजुं यहूदाया मनूतय् छुं मनूत त्‍वःताथकूगु दु व शापानया छय्, अहीकामया काय् गदल्‍याहयात बडाहाकिम ल्‍यःगु दु धयागु खँ मोआबय्, अम्‍मोनय्, एदोमय् व मेमेगु देशय् दुपिं यहूदीतय्‌सं न्‍यन।

यर्मिया 40:13

कारेहया काय् योहानान व बस्‍ती बस्‍तीइ दुपिं सेनाया सकलें कप्‍तानत मिस्‍पाय् गदल्‍याहयाथाय् वल।

यर्मिया 40:14

इमिसं वयात थथे धाल, “छितः स्‍यायेत अम्‍मोनीतय् जुजु बालीसं नतन्‍याहया काय् इश्‍माएलयात छ्वयाहःगु दु।” तर अहीकामया काय् गदल्‍याहं व खँ पत्‍याः मयात।

यर्मिया 40:15

अले कारेहया काय् योहानानं मिस्‍पाय् गदल्‍याहयात सुं मदुगु थासय् थथे धाल, “जि वनाः नतन्‍याहया काय् इश्‍माएलयात स्‍याये ला? थ्‍व खँ सुनानं सी मखु। छिगु प्‍येखेरं मुंवःपिं यहूदाया मनूतय्‌त छ्यालब्‍याल जुइके बीत, अले यहूदाया ल्‍यनाच्‍वंपिं नाश जुइके बीत वयात छाय् छिगु ज्‍यान काय्‌के बीगु?”

यर्मिया 40:6

उकिं यर्मिया मिस्‍पाय् अहीकामया काय् गदल्‍याहयाथाय् वन, अले वलिसें देशय् त्‍वःताथकूपिंनापं च्‍वन।

यर्मिया 41:1

न्‍हय्‌गूगु लाय् एलीशामाया छय्, नतन्‍याहया काय् जुजु खलःयाम्‍ह व जुजुया हाकिमत मध्‍ये छम्‍ह इश्‍माएल झिम्‍ह मनूत ज्‍वनाः मिस्‍पाय् अहीकामया काय् गदल्‍याहयाथाय् वल। इपिंनापं च्‍वनाः नयाच्‍वंबलय्,

यर्मिया 41:11

कारेहया काय् योहानान व वलिसें दुपिं सकलें कप्‍तानतय्‌सं नतन्‍याहया काय् इश्‍माएलं याःगु फुक्‍क अपराधया बारे न्‍यन।

यर्मिया 41:2

नतन्‍याहया काय् इश्‍माएल व झिम्‍ह मनूतय्‌सं दनाः बेबिलोनयाम्‍ह जुजुं उगु देशया बडाहाकिम ल्‍यःम्‍ह शापानया छय्, अहीकामया काय् गदल्‍याहयात तरवारं पालाः स्‍यानाबिल।

यर्मिया 42:1

सेनाया सकलें कप्‍तानत, कारेहया काय् योहानान व होशयाहया काय् येजन्‍याह, चिधंपिंनिसें ततःधंपिं सकलें मनूत यर्मिया अगमवक्तायात नापलाः वल।

यर्मिया 42:8

उकिं वं कारेहया काय् योहानान अले वनापं दुपिं सकलें सेनाया कप्‍तानतय्‌त अले चीधिकःपिंनिसें तःधिकःपिं सकलें मनूतय्‌त सःतल।

यर्मिया 43:2

होशयाहया काय् अजर्याह व कारेहया काय् योहानान व मेपिं फुक्‍क जिराहा मनूतय्‌सं यर्मियायात धाल, “छं मखुगु खँ ल्‍हानाच्‍वंगु दु! ‘छिपिं मिश्र देशय् च्‍वंवने हे मते’ धकाः धायेत परमप्रभु झी परमेश्‍वरं छन्‍त छ्वयाहयादीगु मखु।

यर्मिया 43:5

उकिया पलेसा न्‍हापां जःलाखःला देशय् बिस्‍युं वंपिं हाकनं यहूदाय् च्‍वनेत लिहांवःपिन्‍त कारेहया काय् योहानान व सेनाया फुक्‍क कप्‍तानतय्‌सं यंकल –

व्‍यवस्‍था 3:14

मनश्‍शेया सन्‍तान याईरं गशूरीतय्‌गु व माकातीतय्‌गु सिमाना तक अर्गोबया फुक्‍क लागा कयाः उकियात थःगु हे नां बिल। अथे जुयाः थौं तक नं बाशानयात हब्‍बात-याईर धाइगु।

यहोशू 12:5

वं हेर्मोन पर्वत, सलका व फुक्‍क बाशानय् गशूरीत व माकातीतय् सिमाना तक व हेश्‍बोनया जुजु सीहोनयागु सिमाना तक व बच्‍छि गिलादय् राज्‍य याःगु खः।