यर्मिया 40:15 - नेवाः बाइबल

¹⁵ अले कारेहया काय् योहानानं मिस्‍पाय् गदल्‍याहयात सुं मदुगु थासय् थथे धाल, “जि वनाः नतन्‍याहया काय् इश्‍माएलयात स्‍याये ला? थ्‍व खँ सुनानं सी मखु। छिगु प्‍येखेरं मुंवःपिं यहूदाया मनूतय्‌त छ्यालब्‍याल जुइके बीत, अले यहूदाया ल्‍यनाच्‍वंपिं नाश जुइके बीत वयात छाय् छिगु ज्‍यान काय्‌के बीगु?”

यर्मिया 40:15 ပူးပေါင်းရင်းမြစ်များ

२ शमूएल 18:3

तर मनूतय्‌सं धाल, “मखु, छसपोल झायादी म्‍वाः। छुं जुयाः जिपिं बिस्‍युं वये माःसा जिमित सुनानं वास्‍ता याइ मखु। जिपिं बच्‍छि हे सीसां नं इमिसं वास्‍ता याइ मखु। तर छसपोल ला जिपिं झिद्वःति हे ग्‍यं। अथे जुयाः छपिं शहरय् हे च्‍वनाः जिमित ग्‍वाहालि यानादीसा बांलाइ।”

२ शमूएल 21:17

उबलय् सरूयाहया काय् अबीशै दाऊदयात ग्‍वाहालि यायेत वल। वं व पलिश्‍तीयात कय्‌काः स्‍यात। अनंलि दाऊदया मनूतय्‌सं इस्राएलया जः हे तनावनी धकाः ग्‍यानाः दाऊद इपिं नापं लडाइँलय् गुबलें वनी मखु धकाः वयागु न्‍ह्यःने पाफल।

अय्‍यूब 31:31

जि च्‍यःतय्‌सं गुबलें थथे धाःगु मदु, ‘वं मेपिन्‍त नयेपित्‍याकाः वनेबिल।’

यर्मिया 40:8

अले इपिं मिस्‍पाय् गदल्‍याहयाथाय् वल। इपिं थथे दु – नतन्‍याहया काय् इश्‍माएल, कारेहया निम्‍ह काय्‌पिं योहानान व जोनाथन, तन्‍हूमेतया काय् सरायाह, नतोपाती एफैया काय्‌पिं, माकातीया काय् याजन्‍याह व थुमि सकलें मनूत।

यर्मिया 42:2

अले इमिसं वयात धाल, “जिमिगु बिन्‍ति न्‍यनादिसँ, जिपिं बचय् जूपिनिगु निंतिं परमप्रभु छिकपिनि परमेश्‍वरयात प्रार्थना यानादिसँ। छाय्‌धाःसा न्‍हापा यक्‍व दुपिं जिपिं आः कम हे जक ल्‍यनाच्‍वंगु छिं खँ हे खं।

यूहन्‍ना 11:50

देशय् च्‍वंपिं दक्‍व मनूत नाश जुइगु स्‍वयाः छम्‍ह मनू सीगु हे भिं जुइ धकाः छिमिसं मस्‍यू ला?”

१ शमूएल 24:4

दाऊदया मनूतय्‌सं वयात धाल, “थ्‍व व हे न्‍हि खः गुकिया बारे परमप्रभुं धयादिल। वय्‌कलं छि शत्रुत छिगु ल्‍हातय् लःल्‍हानादी, अले इमित छिं छु याये यः याये फु।” शाऊलं मचाय्‌क दाऊदं चिसकं क्‍वछुनाः वनाः वय्‌कःया गाया च्‍वः चानाबिल।

१ शमूएल 26:8

अबीशैनं दाऊदयात धाल, “थौं छिकपिनि शत्रुयात परमेश्‍वरं छिगु ल्‍हातय् लःल्‍हानादीगु जुयाच्‍वन। जितः उजं बियादिसँ, भालां सुयाः छक्‍कलं हे वयात बँय् तियाबी। जिं निक्‍वः सुइ हे माली मखु।”