यर्मिया 40:10 - नेवाः बाइबल

¹⁰ जि धाःसा झीथाय् वइपिं बेबिलोनीतय् न्‍ह्यःने छिमि न्‍ह्यलुवाः जुयाः मिस्‍पाय् हे च्‍वने। छिमिसं धाःसा दाखमद्य, तांन्‍वःबलय्‌या फल व चिकं थथःगु थलय् मुंकाः ति, अले छिपिं छिमिसं काःगु शहरय् च्‍वँ।”

यर्मिया 40:10 ပူးပေါင်းရင်းမြစ်များ

२ शमूएल 16:1

दाऊद वनापं दुपिं मनूत डाँडाया च्‍वकां भचा तापाक्‍क थ्‍यंबलय् दाऊदं मपीबोशेतया च्‍यः सीबायात नापलात। वं निम्‍ह गधालय् निसःपाः मरि, सछिज्‍वाँय् किसमिस, नेभाराया फल सछिज्‍वाँय् व छगू छेंगूया म्‍हिचाय् न्‍हूगु दाखमद्य काठी चिनाः हःगु दु।

१ राजा 10:8

धन्‍य खः छिकपिनि मनूत! न्‍हियान्‍हिथं छिगु न्‍ह्यःने च्‍वनाः छिगु बुद्धिया खँ न्‍यनीपिं छिकपिनि थुपिं हाकिमत धन्‍य खः।

हितोपदेश 22:29

छिमिसं थःगु ज्‍याय् जाःम्‍ह मनूयात खं ला? वं लाःलाःपिं मनूतय्‌गु ज्‍या यायेगु स्‍वयाः जुजुयागु ज्‍या याइ।

हितोपदेश 27:25

घाँय्‌म्‍वः लये धुंकाः न्‍हूगु घाँय् बुया वइ, उबलय् तकं गुँच्‍वय् च्‍वंगु घँजा मुनी।

यशैया 16:9

अथे जुयाः जि सिब्‍माया दाखमाया निंतिं याजेर ख्‍व थें ख्‍वये। हे हेश्‍बोन, हे एलाले, जिगु ख्‍वबिं छन्‍त प्‍याकाबी। छंगु पाकय् जूगु फलत व बालीया लसताया सः मवये धुंकल।

यर्मिया 35:19

उकिं दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, ‘जिगु सेवा यायेत रेकाबया काय् योनादाबया वंशय् न्‍ह्याबलें मनू दया हे च्‍वनी।’”

यर्मिया 39:10

तर छुं नं मदुपिं सुं गरीब मनूतय्‌त जुजुया सेनापति नबूजरदानं यहूदा देशय् त्‍वःताथकल, इमित वं दाखक्‍यब व बुँ बिल।

यर्मिया 40:12

अले सकलें यहूदी मनूत, गन गन इपिं छ्यालब्‍याल जूगु खः, व थासं लिहां वयाः यहूदा देशया मिस्‍पाय् गदल्‍याहयाथाय् वल। अले इमिसं यक्‍व हे दाख व तांन्‍वःबलय्‌या फल मुंकल।

यर्मिया 40:6

उकिं यर्मिया मिस्‍पाय् अहीकामया काय् गदल्‍याहयाथाय् वन, अले वलिसें देशय् त्‍वःताथकूपिंनापं च्‍वन।

यर्मिया 43:5

उकिया पलेसा न्‍हापां जःलाखःला देशय् बिस्‍युं वंपिं हाकनं यहूदाय् च्‍वनेत लिहांवःपिन्‍त कारेहया काय् योहानान व सेनाया फुक्‍क कप्‍तानतय्‌सं यंकल –

यर्मिया 48:32

हे सिब्‍माया दाखमात, याजेर ख्‍वः थें जि छंगु लागि ख्‍वये। छंगु कचात समुद्र तक थ्‍यन, उपिं याजेरया समुद्र तक हे थ्‍यंगु दु। छंगु सये धुंकूगु फल व छंगु दाखय् नाश याइम्‍ह वःगु दु।

मीका 7:1

जितः गज्‍याःगु कष्‍ट वःगु दु! जिं थःत फल खायेगु सिधय् धुंकाः फल खायेत वनीम्‍ह मनू थें तायेका, गुम्‍हय्‌सिनं नयेगु निंतिं छुं नं लुइके मफु। थःगु नयेपित्‍यागु लंकेत दाखया झुप्‍पा वा न्‍हापांयागु छगः यःमरि नं लुइके मफु।

लूका 21:36

अय्‌जूगुलिं होश‍ यानाच्‍वँ। व दिनय् जू वइगु फुक्‍क खं बचय् जुइत व मनूया काय्‌या न्‍ह्यःने दने फय्‌केत छिमिसं न्‍ह्याबलें प्रार्थना याना च्‍वँ।”

व्‍यवस्‍था 1:38

अय्‌नं छन्‍त ग्‍वाहालि याइम्‍ह नूनया काय् यहोशू अन दुहां वनी। छं वयात हःपाः ब्‍यु, छाय्‌धाःसा वं हे इस्राएलया न्‍ह्यलुवाः जुयाः व देशयात इमिगु अधिकारय् हइ।

व्‍यवस्‍था 16:13

थःगु खला व दाख तिसीगु थासं फुक्‍क मुंके धुंकाः छिमिसं न्‍हय्‌न्‍हु तक बल्‍चाबाय्‌या नखः हनेगु या।