यर्मिया 4:4 - नेवाः बाइबल

⁴ हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

यर्मिया 4:4 ပူးပေါင်းရင်းမြစ်များ

२ इतिहास 34:25

इमिसं जितः त्‍वःतूगु दु, मेपिं द्यःतय्‌गु निंतिं धुपाँय् च्‍याकल, इमिसं थःगु हे ल्‍हातं दय्‌कूगु मूर्तितपाखें जितः तंचाय्‌कूगु दु। उकिं जिं थ्‍व थासय् जिगु तं प्‍वंके। व क्‍वलाइ मखु।’”

यशैया 10:17

इस्राएलया जः, पवित्र परमेश्‍वरया तच्‍वकं च्‍याःगु मि खः। अले छन्‍हुं हे इमिगु कंमा व झाःतय्‌त वय्‌कःया तच्‍वकं च्‍याःगु मिं भस्‍म यानाबी।

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यशैया 51:17

अय् यरूशलेम, दनाः वा, छ गुम्‍हय्‌सिनं परमप्रभुया ल्‍हाःपाखें वय्‌कःया तंया ख्‍वलां त्‍वंगु दु, अले धेधेचुइकीगु ख्‍वलापाखें सुचुक्‍क त्‍वंगु दु, न्‍ह्यलं चाय्‌कि, न्‍ह्यलं चाय्‌कि!

यर्मिया 15:14

जिं छिमित छिमिसं म्‍हमस्‍यूगु देशय् छिमि शत्रुतय्‌गु दास यानाबी। छाय्‌धाःसा जिगु तमं छगू मि च्‍याकी, गुगु छंगु विरोधय् च्‍याइ।”

यर्मिया 21:12

अय् दाऊदया घराना, परमप्रभुं थथे धयादी, “‘सुथ पतिकं न्‍याय या, सुयातं लुतय् याःगु खः वयात अत्‍याचार याःम्‍हय्‌सिगु ल्‍हातं त्‍वःतकि। मखुसा छिमिगु मभिंगु ज्‍यां यानाः जिगु तं मि थें ह्वानाह्वाना च्‍याइ। सुनानं उकियात क्‍वलाके फइ मखु।

यर्मिया 21:5

ल्‍हाः ल्‍ह्वनाः बल्‍लाःगु लप्‍पां जि थः हे तच्‍वःगु तम्‍वय् व क्रोधय् छिपिंलिसें ल्‍वाये।

यर्मिया 23:19

स्‍व, तम्‍वय् परमप्रभुयागु ग्‍वःफय् मुयावइ, दुष्‍टतय्‌गु छेनय् व न्‍याइ।

यर्मिया 36:7

सके इमिसं परमप्रभुयात प्रार्थना याइ ला। सकसिनं थथःगु मभिंगु पहःचहः त्‍वःती ला, छाय्‌धाःसा परमप्रभुं थ्‍व जातिया विरोधय् हये धयादीगु तं तःधं।”

यर्मिया 44:22

छिमिसं याःगु मभिंगु ज्‍या व घच्‍चाइपुगु ज्‍या परमप्रभुं यक्‍व अप्‍वः सह यानादी मफुत। अले छिमिगु देश झिजांमिजां दंगु, मनू मदुगु सुनसान थाय् जुल। अले मनूतय्‌सं छिमिगु नां कयाः सराः बियेगु यानावयाच्‍वंगु दु, थौं नं अथे जुयाच्‍वंगु दु।

यर्मिया 9:25

परमप्रभुं थथे धयादी, “छगू ई वयाच्‍वंगु दु उबलय् जिं म्‍हय् जक चिं तःपिं आत्‍माय् धाःसा चिं मतःपिं सकलें मनूतय्‌त सजाँय बी।

यर्मिया 9:26

थुपिं मनूत मिश्रीत, एदोमीत, अम्‍मोनीत, मोआबीत, मरुभूमिइ ताताःपाःगु थासय् च्‍वंपिं मनूत खः। जिं यहूदायापिं मनूतय्‌त तकं सजाँय बी। थुपिं विदेशी जातितय्‌के थें इस्राएलया घरानायाके नं चिं मतःगु नुगः दु।”

विलाप 4:11

तर आः परमप्रभुया तं क्‍वलात, वय्‌कलं थःगु च्‍याःगु तं प्‍वंकादिल। वय्‌कलं सियोनय् मि च्‍याकादिल, अथे जुयाः वयागु जगत दक्‍वं भज्‍यंक नाश जुल।

इजकिएल 16:38

व्‍यभिचार याइपिं मिसात व मनू स्‍याइपिं मिस्‍तय्‌त बीगु थें हे सजाँय जिं छन्‍त बी, जिं छंके जिगु दाहायागु तंया हि प्‍वंके।

इजकिएल 18:31

छिमिसं यानाच्‍वनागु फुक्‍क अपराध त्‍वःति, न्‍हूगु नुगः व न्‍हूगु आत्‍मा का, अय् इस्राएलया घराना, छिपिं छाय् सीगु?

इजकिएल 20:33

गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, जिं छिमित बल्‍लाःगु ल्‍हातं, अले चक्‍कंगु लपुं तं प्‍वंकूं प्‍वंकूं राज्‍य याये।

इजकिएल 21:17

जिं नं ल्‍हातं ल्‍हातय् दाये, अले जिगु तं क्‍वलाइ। जि परमप्रभुं हे धयागु खः।”

इजकिएल 24:13

“‘हे यरूशलेम, छं याःगु याये मत्‍यःगु ज्‍याखं छन्‍त अशुद्ध याःगु दु। जितः ला छन्‍त शुद्ध याये मास्‍ति वःगु खः, तर छ शुद्ध मजू। अथे जुयाः छंगु विरोधय् जिगु तं क्‍वमलाःतले छ हाकनं शुद्ध जुइ मखु।

इजकिएल 24:8

अथे जुयाः जिगु तंयात ग्‍वाकाः बदला कायेत वयागु हि त्‍वःमपुइमा धकाः जिं व नांगागु ल्‍वहंधिकय् तयागु दु।

इजकिएल 44:7

छिमिगु फुक्‍क घच्‍चाइपुगु व्‍यवहार बाहेक छिमिसं मन व म्‍हय् चिं मतःपिं विदेशीतय्‌त जिगु पवित्र थासय् दुने हयाः छिमिसं नसा, दाः व हि जिगु लागि छाःबलय् उकियात अशुद्ध यात, अले जिगु बाचा त्‍वाथल।

इजकिएल 6:12

तापाक दुपिं महामारीं सी। सतिक दुपिं तरवारं सी अले ल्‍यनाच्‍वंपिं व घेराय् लाःपिं धाःसा नये मखना सी। थुकथं जिं थःगु तं इमिके प्‍वंके।

इजकिएल 8:18

उकिं जिं नं इपिंलिसें तंमय्‌ ज्‍या याये। जिं इमित भचा नं दया याये मखु, त्‍वःते नं मखु। जिगु न्‍हाय्‌पनय् चिल्‍लाय् दनाः हाःसां जिं इमिगु खँ न्‍यने मखु।”

लेवी 26:28

जि तंचायाः छिमिगु विरोधय् वने, अले छिमिगु पापया लागिं जिं छिमित हानं न्‍हय्‌दुगं अप्‍वः सजाँय बी।

लेवी 26:41

इमिगु विरोधय् वनाः जिं इमित शत्रुतय्‌गु देशय् हःगु खः धकाः इमिसं छाःगु नुगःयात क्‍वमिलु यानाः पापया मू पुल धाःसा

आमोस 5:6

परमप्रभुयात माला स्‍व, अले बचय् जुइ, मखुसा वय्‌कः योसेफया कुलपिंके मि थें जुयावनी, अले उकिं इमित भस्‍म याइ, बेथेलय् व मि स्‍याइम्‍ह सुं नं दइ मखु।

सपन्‍याह 2:2

न्‍याय शुरु जुइ न्‍ह्यः, छिपिं पस्‍ताय् चायेगु ई छ्वसः थें ब्‍वय्‌का यंके न्‍ह्यः, परमप्रभुयागु ग्‍यानपुस्‍से च्‍वंगु तं छिमिथाय् वये न्‍ह्यः, अले वय्‌कःयागु तंया दिं छिमिथाय् वये न्‍ह्यः।

रोमी 2:25

छिमिसं व्‍यवस्‍था मानय् याःसा छिमिसं म्‍हय् चिं तय्‌कूगु नं बां हे लात। व्‍यवस्‍थाय् च्‍वयातःगु खँ फुक्‍कं मानय् याये मफुत धाःसा छिमिसं म्‍हय् चिं तःगु जूसां चिं मतःगु थें जुइ।

व्‍यवस्‍था 10:16

अथे जुयाः थथःगु मन हीकि, आवंलि जिराहा जुइ मते।

व्‍यवस्‍था 30:6

गुकिं यानाः छिपिं म्‍वानाच्‍वनेत छिमिसं परमप्रभु थः परमेश्‍वरयात दुनुगलंनिसें व थःगु फुक्‍क प्राणं वय्‌कःयागु माया याये फयेमा, वय्‌कलं छिमिगु व छिमि सन्‍तानतय्‌गु नुगः हीकादी।

व्‍यवस्‍था 32:22

जिगु तं आः मि च्‍याःथें च्‍याये धुंकल। थुकिं पृथ्‍वीइ च्‍वंगु फुक्‍कं भस्‍म यानाबी। थ्‍व पातालय्‌ तक न्‍यनावनी, अले पहाडया हा तकं च्‍याकाबी।

कलस्‍सी 2:11

छिमिसं ख्रीष्‍टयात विश्‍वास यानाच्‍वंगु हे धात्‍थें म्‍हय् चिं तःगु खः। थ्‍व चिं मनूतय्‌गु ल्‍हातं तःगु मखु, बरु पापं लिफ्‍याइगु ख्रीष्‍टयागु हे चिं खः।