यर्मिया 4:31 - नेवाः बाइबल

³¹ मचाबू ब्‍यथा जूम्‍ह मिसायागु थें हाःसः, न्‍हापांम्‍ह मचा बुइकूम्‍ह मिसायागु थें ख्‍वःसः जिं ताल। स्‍वाँ स्‍वाँ यानाः थःगु ल्‍हाः फयाः बांलाःम्‍ह यरूशलेमं थथे धयाच्‍वंगु जिं ताल, “जि बेहोश जुयाच्‍वंगु दु, आः जि गथे याये! इपिं जितः स्‍यायेत वयाच्‍वंगु दु।”

यर्मिया 4:31 ပူးပေါင်းရင်းမြစ်များ

उत्‍पत्ति 27:46

अले रिबेकां इसहाकयात धाल, “थनच्‍वंपिं हित्ती मिसातय्‌सं यानाः जि हीमी चायेधुन। याकूबं नं हित्ती मिसा हे ब्‍याहा यात धाःसा ला जि सीसां जिल।”

अय्‍यूब 10:1

“जितः थःगु जीवन हे घच्‍चाये धुंकल। उकिं जिं थःगु दुःख पना मतसें प्‍वंके, जिं थःगु नुगःयागु पीर कने।

भजनसंग्रहया सफू 120:5

धिक्‍कार दु जितः, छाय्‌धाःसा जि मेशेकय् परदेशी जुयाः च्‍वनेमाली, अले केदारया पालतय्‌गु दथुइ च्‍वनेमाःगु दु।

यशैया 1:15

छिमिसं प्रार्थनाय् ल्‍हाः ल्‍ह्वनीबलय् जिं छिमित स्‍वये मखु। छिमिसं न्‍ह्याक्‍व प्रार्थना याःसां जिं न्‍यने मखु छाय्‌धाःसा छिमिगु ल्‍हाः हिया हिं जाःगु दु।

यशैया 13:8

मिसातय्‌त मचाबू ब्‍यथा जू थें इमित कष्‍ट व भय जुइ। ग्‍यानाः इपिं छम्‍हय्‌सिनं मेम्‍हय्‌सित छक्‍क जुया स्‍वइ अले इमिगु ख्‍वाः मि च्‍याःथें ह्याउँसे च्‍वनी।

यशैया 21:3

अनंलि जिगु म्‍ह तसकं कष्‍टं जायावल। व दुःखकष्‍ट मचाबू ब्‍यथा जूम्‍ह मिसायागु थें च्‍वं। जिं छु न्‍यना उकिं जिगु छ्यं क्‍वछुल जिं छु खनाः उकिं जिगु नुगः क्‍वतुन,

यशैया 26:17

हे परमप्रभु, गथे मचाबू बेथा जूम्‍ह मिसा सास्‍ती जुयाः तसकं हाला हइ, जिपिं नं छिगु न्‍ह्यःने अथे हे खः।

यशैया 42:14

“जि ताःई तक ला सुम्‍क च्‍वना, जि सुम्‍क च्‍वना अले थःम्‍हं थःत पनातया। तर आः जि मचाबू ब्‍यथा जूम्‍ह मिसा थें जि हाले, जितः स्‍वाँ स्‍वाँ वइ अले जिं सासः पिकाये।

यशैया 6:5

अले जिं धया, “धिक्‍कार जितः! जि नाश जुइन। छाय्‌धाःसा जिगु म्‍हुतुं पिहां वःगु फुक्‍क खँ अशुद्ध खः। अले जि अशुद्ध म्‍हुतु दुपिं मनूतलिसें च्‍वंच्‍वनागु दु। तर जिं थःगु हे मिखां दक्‍व शक्ति दुम्‍ह परमप्रभु जुजुयात खनागु दु।”

यर्मिया 10:19

जिगु घाःया निंतिं जितः धिक्‍कार दु! जिगु घाः मलनीगु घाः खः। अय्‌नं जिं थःम्‍हं थःत धया, “थ्‍व ला जिगु ल्‍वय् खः, थुकियात जिं सह याये हे माः।”

यर्मिया 13:21

वय्‌कलं छं थःम्‍हं हे स्‍यंपिं छिमि न्‍हापायापिं पासापिन्‍त हे छंगु च्‍वय्‌यागु थासय् तयादीबलय् छं छु धायेगु? मचा बुइकेत्‍यंम्‍ह मिसायात मचाबू ब्‍यथा जूगु थें छन्‍त मजुइ ला?

यर्मिया 14:18

ख्‍यलय् वनेबलय् जिं लडाइँलय् सीपिं मनूतय्‌गु सीम्‍ह खनीगु। शहरय् वनेबलय् जिं अनिकाल जुयाः नये मखनाच्‍वंपिं खनीगु। अगमवक्तात व पुजाहारीत निखलः हे थःम्‍हं म्‍हमस्‍यूगु देशय् वंगु दु।’”

यर्मिया 15:18

जितः छाय् दुःख जुया तुं च्‍वंगु? जिगु घाःपाः छाय् तसकं स्‍याःगु व मलंगु? छु छि जिगु लागि धोखा बीगु खुसिचा थें व लः मदुगु मुहान थें खः ला?

यर्मिया 18:21

उकिं आः इमि काय्‌म्‍ह्याय्‌पिं नये मखंक सीमा! इमित तरवारं स्‍याके बियादिसँ! इमि कलाःपिं मस्‍त मदुपिं व भाःत मदुपिं जुइमा! इमि मिजंतय्‌त नं स्‍यायेमा! इमि ल्‍याय्‌म्‍हपिन्‍त नं लडाइँलय् तरवारं स्‍यायेमा!

यर्मिया 22:23

छिपिं लेबनानय् च्‍वनीपिं, छिपिं देवदारुया दथुइ थःत याउँक तइपिं, छिमित मचाबू ब्‍यथा थें सास्‍ती जुइबलय् छिपिं गुलि पिच्‍यानाः हाली।”

यर्मिया 30:6

छकः न्‍यनाः ला स्‍व! सुं मिजंम्‍हय्‌सिनं मचा बुइके फइ ला? छाय् जिं सकलें मिजंतय्‌सं मचाबू ब्‍यथा जूम्‍ह मिसां थें थःगु प्‍वाथय् ल्‍हाः तःगु खना? छाय् सकसिगु ख्‍वाः सीम्‍ह थें म्‍हासुसे च्‍वंगु?

यर्मिया 45:2

“बारूक, परमप्रभु, इस्राएलया परमेश्‍वरं छन्‍त थथे धयादी –

यर्मिया 48:41

किर्योतयात कब्‍जा याइ, अले किल्‍लात अधिकार याइ। उखुन्‍हु मोआबया सिपाइँतय्‌गु नुगः मचाबू ब्‍यथा जूम्‍ह मिसाया नुगः थें जुइ।

यर्मिया 49:22

स्‍व! छम्‍ह इमा हथासं ब्‍वयावइ, बोज्राया च्‍वय् वं थःगु पपू चक्‍कंकी। उखुन्‍हु एदोमया सिपाइँतय्‌गु मन मचाबू ब्‍यथा जूम्‍ह मिसायागु थें जुइ।

यर्मिया 49:24

दमस्‍कस कमजोर जूगु दु। व बिस्‍युं वनेत्‍यंगु दु। भयनं वयात ज्‍वंगु दु। मचाबू ब्‍यथा जूम्‍ह मिसायात थें च्‍यूताः व सास्‍तीं वयात ज्‍वंगु दु।

यर्मिया 50:43

बेबिलोनयाम्‍ह जुजुं इमिगु बारे न्‍यन, वयागु ल्‍हाः याग्‍लाप्‍याग्‍ला जुल। मचाबू ब्‍यथा जूम्‍ह मिसा थें वयात धन्‍दा जुल।

यर्मिया 6:2

जिं सियोनया बांलाःम्‍ह व नाइसे च्‍वंम्‍ह म्‍ह्याय्‌यात नाश यानाबी।

विलाप 1:17

सियोनं बिन्‍ति यायेत थःगु ल्‍हाः फल, अय्‌नं वयात ह्ययेकीपिं सुं हे मदु। परमप्रभुं याकूबया विरोधय् वयाः जःलाखःलात वया शत्रु जुइमा धकाः हुकुम यानादीगु दु। इमिगु दथुइ यरूशलेम अपवित्र जूगु दु।

विलाप 1:20

“हे परमप्रभु स्‍वयादिसँ, जि दुःखय् लाःगु दु। जिगु नुगः ख्‍वःगु दु, अले जिगु मन थातय् मला, छाय्‌धाःसा जि विद्रोही जुयागु दु। लँय् लँय् स्‍याये पाले जूगु दु, छेँय् दुने नं सीगु दु।

विलाप 2:21

“ल्‍याय्‌म्‍ह व बुरातय्‌गु सीम्‍ह गल्‍लि गल्‍लिइ धुलय् अथें लानाच्‍वंगु दु। जिमि ल्‍यासेपिं व ल्‍याय्‌म्‍हपिं मनूतय्‌त तरवारं स्‍यानाः क्‍वथला तःगु दु। थःगु तंया दिनय् छिं छुं हे दयामाया मयासें इमित पालाः स्‍यानादीगु दु।

होशे 13:13

मचा बुइकीबलय् मिसायात जूगु थें कष्‍ट वयाके वइ, व बुद्धि मदुम्‍ह मचा थें खः, गुम्‍ह बुइत मानय् जुइ मखु, बुइगु ई जुइ धुंकल तर व कोखय् च्‍वनाच्‍वनी।

मीका 4:10

हे म्‍ह्याय् सियोन, मचाबू ब्‍यथा जूम्‍ह मिसा थें सास्‍तीं छतपते जु, छाय्‌धाःसा आः छं थ्‍व शहर त्‍वःते हे माः अले मैदानय् पाल ग्‍वयाच्‍वनेमाः। आः छ बेबिलोनय् वनेमाली। अन हे छन्‍त त्‍वःतकीगु जुइ। अन हे परमप्रभुं छन्‍त शत्रुतय्‌गु ल्‍हातं त्‍वःतकादी।

मीका 4:9

हे यरूशलेम! आ छ छाय् ख्‍वयाच्‍वनागु? छंगु जुजु मदु ला? छन्‍त सल्‍लाह बीम्‍ह नाश जुल ला? छन्‍त मचाबू ब्‍यथा जूम्‍ह मिसायात थें दुःख जूगु दु ला?

मीका 7:1

जितः गज्‍याःगु कष्‍ट वःगु दु! जिं थःत फल खायेगु सिधय् धुंकाः फल खायेत वनीम्‍ह मनू थें तायेका, गुम्‍हय्‌सिनं नयेगु निंतिं छुं नं लुइके मफु। थःगु नयेपित्‍यागु लंकेत दाखया झुप्‍पा वा न्‍हापांयागु छगः यःमरि नं लुइके मफु।

मत्ती 21:5

“सियोनया मनूतय्‌त धा – ‘स्‍व, छिमि जुजु छिमिथाय् झायाच्‍वंगु दु। वय्‌कः क्‍वमिलुम्‍ह जुयाः गधा गयादिल, गधाया मचा गयाः झायादीगु दु।’”

१ कोरिन्‍थी 9:16

जिं थथे भिंगु खँ न्‍यंकाच्‍वनागु दु धकाः तःधंछुइ माःगु मदु। थ्‍व ला जिं याये हे माःगु ज्‍या खः। जिं थ्‍व भिंगु खँ मन्‍यंकल धाःसा जितः धिक्‍कार दु।

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।