यर्मिया 4:30 - नेवाः बाइबल

³⁰ हे नाश जूम्‍ह यरूशलेम! छं छु यानाच्‍वनागु? छाय् छं बांलाःगु वसः फिनागु? छाय् छं लुँयागु तिसा तियागु? छाय् थःगु मिखाय् अजः तयागु? सुयागु निंतिं मफतय् छं थःत बांलाकागु? छं प्रेमीपिन्‍सं छन्‍त त्‍वःतूगु दु, इमिसं छन्‍त स्‍यायेत स्‍वःगु दु।

यर्मिया 4:30 ပူးပေါင်းရင်းမြစ်များ

२ राजा 9:30

येहू यिजरेलय् वन। ईजेबेलं वयागु बारे न्‍यनाः थःगु मिखाय् अजः तल, अले सँ छ्यनाः झ्‍यालं क्‍वय् स्‍वल।

हितोपदेश 6:25

इमिगु हिसिइ थःत तंके मते, अले इमिगु मिखाय् झुमिं वने मते।

हितोपदेश 7:10

व मिसां वयात नापालात। वं वेश्‍यां फीगु थें लं फिनातःगु दु। अले दाउ स्‍वयाच्‍वंगु दु।

यशैया 10:3

सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

यशैया 20:6

व दिंखुन्‍हु समुद्रया सिथय् च्‍वंपिं फुक्‍क मनूतय्‌सं धाइ, ‘स्‍व, अश्‍शूरया जुजुपाखें बचय् जुइत सुयाके सुयाके झीसं भलसा तयागु खः व गुम्‍हय्‌सिथाय् ग्‍वाहालिया निंतिं झीपिं बिस्‍युं वयागु खः, इमिगु हे हालत थथे धाःसा झीपिं गुकथं बिस्‍युं वने फइ?’”

यशैया 33:14

सियोनय् च्‍वंपिं पापीत ग्‍याःगु दु। परमप्रभु मदु धकाः धयाजुइपिं थरथर खानाः ग्‍याःगु दु। इमिसं धाइ, “भस्‍म याइगु मिनापं झीपिं सु जक च्‍वने फइ? सदां च्‍यानाच्‍वनीगु मिनापं झीपिं सु जक च्‍वने फइ?”

यर्मिया 13:21

वय्‌कलं छं थःम्‍हं हे स्‍यंपिं छिमि न्‍हापायापिं पासापिन्‍त हे छंगु च्‍वय्‌यागु थासय् तयादीबलय् छं छु धायेगु? मचा बुइकेत्‍यंम्‍ह मिसायात मचाबू ब्‍यथा जूगु थें छन्‍त मजुइ ला?

यर्मिया 22:23

छिपिं लेबनानय् च्‍वनीपिं, छिपिं देवदारुया दथुइ थःत याउँक तइपिं, छिमित मचाबू ब्‍यथा थें सास्‍ती जुइबलय् छिपिं गुलि पिच्‍यानाः हाली।”

यर्मिया 30:14

छं फुक्‍क पासापिन्‍सं छन्‍त ल्‍वःमंके धुंकल। इमिसं छन्‍त वास्‍ता मयाः। छं तःधंगु अपराध याःगुलिं व यक्‍व पाप याःगुलिं जिं छन्‍त शत्रु थें कय्‌कागु दु। अले दयामाया मदुम्‍हय्‌सिनं थें छन्‍त सजाँय बियागु दु।

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

विलाप 1:19

“जिं थः प्रेमीतय्‌त सःता, तर इमिसं जितः धोखा बिल। थःत म्‍वाकातयेत नयेगु नसा माःजूबलय् शहरय् जिम्‍ह पुजाहारीत व न्‍ह्यलुवाः नाश जुल।

विलाप 1:2

चान्‍हय् व ह्वाँय्‌ह्वाँय् ख्‍वइगु, वयागु नेतालय् ख्‍वबि वयाच्‍वनीगु, वया प्रेमीत मध्‍ये वयात ह्यय्‌कीम्‍ह सुं नं मदु। वया दक्‍वं पासापिन्‍सं वयात विश्‍वासघात याःगु दु, आः इपिं वया शत्रु जूगु दु।

विलाप 4:17

ग्‍वाहालिया निंतिं मफतय् लँपु स्‍वस्‍वं­ जिमिगु मिखा बुलुइ धुंकल। सुरक्षाया निंतिं छगू जातिया लँपु स्‍वयाच्‍वना, अय्‌नं इमिसं जिमित बचय् याये मफुत।

इजकिएल 28:13

छ ला परमेश्‍वरया क्‍यब अदनय् दुम्‍ह खः, छन्‍त फुक्‍क मू वंगु थीनं बांलाकःगु दु – कार्नेलेन, पुखराज, पन्‍ना, पुष्‍पराज, आनिक्‍स, बिल्‍लौर, नीलम, यू व फिरोजां, छ बांलाकाच्‍वंगु दु। छंगु मणिक्‍ययात लुं हिनातःगु दु। छन्‍त दय्‌कू खुन्‍हु हे उमित तयार याःगु खः।

इजकिएल 28:9

छु छन्‍त स्‍याइपिनिगु न्‍ह्यःने छं अज्‍ज नं “जि द्यः खः” धकाः धायेगु ला? छन्‍त स्‍याइपिनिगु ल्‍हातय् छ द्यः मखु, मनू जक जुइ।

ओबदिया 1:7

छनापं मिले जूगु देशं छन्‍त छंगु देय्‌या सिमाना तक पितिनाछ्वइ, छिमि पासापिन्‍सं छन्‍त धोखा बियाः क्‍वत्‍यली। अले छंगु मरि नइपिन्‍सं हे छंगु निंतिं जाः ह्वली, तर थ्‍व खँया बारे छं छुं हे सिइ मखु।

हिब्रू 2:3

थपाय् मछिधंगु मुक्तियात झीसं च्‍यूताः मतल धाःसा झीत सजाँय बियामदी ला? प्रभु थःम्‍हय्‌सिनं हे दकलय् न्‍हापालाक थ्‍व मुक्तियागु खँ न्‍यंकादिल। न्‍यंपिन्‍सं थ्‍व खँ सत्‍य खः धकाः झीत क्‍यनाबिल।

प्रकाश 17:13

थुपिं फुक्‍कसिनं छप्‍पँ जुयाः थःपिनिगु अधिकार व शक्ति व पशुयात बी।

प्रकाश 17:2

व हे नाप संसारयापिं जुजुपिन्‍सं व्‍यभिचार याना जूगु खः। सारा पृथ्‍वीइ च्‍वंपिं मनूतय्‌सं व नाप भाःपी हे मफय्‌क व्‍यभिचार याना जुल।”

प्रकाश 17:4

व मिसां तसकं थिकेगु ह्याउँसे, वँचुसे च्‍वंगु वसतं पुनातःगु दु। वं लुँ, हिरा, मोतीया तिसां म्‍ह छम्‍हं तिया तःगु दु। वयागु व्‍यभिचार याःगु घच्‍चायापुसे च्‍वंगु व मभिंगु खं जाःगु छगः लुँयागु ख्‍वल्‍चा वं ल्‍हातय् कयातःगु दु।