यर्मिया 4:3 - नेवाः बाइबल

³ यहूदा व यरूशलेमयापिं मनूतय्‌त परमप्रभुं थथे धयादी, “छिमिसं थःगु नुगःया छाःगु बुँ पा। कंया दथुइ पुसा ह्वले मते।

यर्मिया 4:3 ပူးပေါင်းရင်းမြစ်များ

उत्‍पत्ति 3:18

वं छंगु लागि कंमा व न्‍हाय्‌कं सय्‌की। अय्‌सां छं धाःसा अन्‍न व वाउँचा नयेखनी।

प्रस्‍थान 23:11

अले न्‍हय्‌दँय् दिपाः कयाः छुं नं पी मते। अन अथें बुयावःगु छिमिथाय् च्‍वंपिं चीमिपिं मनूतय्‌सं नइ। इमिसं नयाः ल्‍यं दुगु गुँपशुतय्‌सं नइ। छिमिसं थःपिनिगु दाखया क्‍यब व जैतूनया ख्‍यःयात नं अथे हे या।

होशे 10:12

थःगु निंतिं धार्मिकताया पुसात प्‍यु, न्‍ह्याबलें दयाच्‍वनीगु दयामायाया फल मुंकी। छिमिसं बाझः तयातःगु छाःगु बुँ पा, छाय्‌धाःसा परमप्रभुयात मालेगु ई थ्‍व हे खः, गुकिं यानाः वय्‌कः झायाः छिमित धार्मिकताया आशिष प्‍वंकादीमा।

मत्ती 13:22

परमेश्‍वरयागु वचन न्‍यनाः नं धन सम्‍पत्तियागु माया कयाजुइपिं व संसारयागु खँय् च्‍यूताः तया जुइपिं मनूत कंमा दुथाय् लाःगु पुसा थें खः। थुमिसं परमेश्‍वरयागु वचनयात गुम्‍से यानाबी। अले थुकिं अन्‍न सय्‌की मखु।

मत्ती 13:7

अले हानं गुलिं पुसा कंमा दुथाय् लात। कंमा तःमा जुया वःबलय् अन लाःगु पुसा थाहां वये मफुत।

मर्कूस 4:7

अले हानं गुलिं पुसा कंमा दुथाय् लात। कंमा तःमा जुया वःबलय् अन लाःगु पुसा थाहां वये मफुत, अन्‍न मसल।

लूका 8:14

कंमाय् लाःगु पुसा इपिं खः सुनां परमेश्‍वरयागु वचन न्‍यनाः नं धन सम्‍पत्तियागु माया कयाजुइ व संसारयागु खँय् च्‍यूताः तया जुइ। थुकथं इमिसं विश्‍वास याये फइ मखु।

लूका 8:7

अले हानं गुलिं पुसा कंमा दुथाय् लात। कंमा तःमा जुया वःबलय् अन लाःगु पुसा थाहां वये मफुत।