यर्मिया 4:21 - नेवाः बाइबल

²¹ जिं लडाइँया झण्‍डा गुबलय् तक स्‍वयेमाली? इमिगु तुरहीया सः गुबलय् तक न्‍यनेमाली?

यर्मिया 4:21 ပူးပေါင်းရင်းမြစ်များ

२ इतिहास 35:25

अगमवक्ता यर्मियां नं योशियाहया निंतिं सीम्‍येत च्‍वल। म्‍ये हालीपिं फुक्‍क मिजं व मिस्‍तय्‌सं थौं तक नं थुपिं सीम्‍येलय् योशियाहयात लुमंकी। थुपिं सीम्‍येत इस्राएलय् छगू परम्‍परा जूगु दु। थुपिं सीम्‍येत बिलापया म्‍येलय् नं च्‍वयातःगु दु।

२ इतिहास 36:10

बसन्‍तया इलय् नबूकदनेसर जुजुं यहोयाकीनयात ज्‍वनाः देगःया मू वंगु सामाननापं बेबिलोनय् यंकल। अले नबूकदनेसरं वया कका सिदकियाहयात यरूशलेमया व यहूदाया मेगु फुक्‍क थाय्‌या जुजु दय्‌कल।

२ इतिहास 36:17

अथे जुयाः परमप्रभुं इमित हमला यायेत बेबिलोनयाम्‍ह जुजुयात हयादिल। व जुजुं यहूदाया ल्‍याय्‌म्‍हपिं मिजंतय्‌त देगः दुने तरवारं स्‍यात। वं ल्‍याय्‌म्‍हपिं, ल्‍यास्‍यपिं, बुरापिं, मिसा मिजं, कमजोरपिं सुयातं नं बाकि मतः। इपिं सकसितं परमेश्‍वरं वयागु ल्‍हातय् बियादिल।

२ इतिहास 36:3

मिश्रयाम्‍ह जुजु निकों वयात ज्‍वनः अले यहूदायात ३,४०० किलोग्राम वहः व ३४ किलोग्राम लुँ कर पुइकल।

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

यर्मिया 4:20

छगू विपत्तिया लिपा मेगु विपत्ति वइ। छाय्‌धाःसा देश नाश जुइ धुंकूगु दु। आकाझाकां जिगु पाल नाश जुल, जि शरण कायेगु थाय् पलखं हे नाश जुल।

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

यर्मिया 42:14

तर जिपिं मिश्र देशय् हे च्‍वंवने, छाय्‌धाःसा अन जिमिसं लडाइँ स्‍वयेमाली मखु, तुरहीया सः न्‍यनेमाली मखु, मरि नये मखंकाः च्‍वनेमाली नं मखु’ धाल धाःसा,

यर्मिया 6:1

“हे बेन्‍यामीन कुलयापिं मनूत, बचय् जुइत बिस्‍युं हुँ! यरूशलेम शहरं बिस्‍युं हुँ! तको शहरय् तुरही पु! बेथहक्‍केरेमय् झण्‍डा धस्‍वाकि! छाय्‌धाःसा उत्तरपाखें विपत्ति व छगू तःधंगु नाश वयाच्‍वंगु दु।