यर्मिया 4:13 - नेवाः बाइबल

¹³ स्‍व, व सुपाँय् थें हथासं वयाच्‍वंगु दु। वयागु रथ ग्‍वःफय् थें व वयागु सल इमा स्‍वयाः तसकं ब्‍वाँय् वनी। आः गथे याये! जिपिं नाश जुइ धुंकल।

यर्मिया 4:13 ပူးပေါင်းရင်းမြစ်များ

२ शमूएल 1:23

“शाऊल व जोनाथन म्‍वानाच्‍वंबलय् मनूतय् यःपिं व मनूतय्‌त तसकं दयामाया याइपिं खः। सी धुंकाः नं इपिं थ्‍वपाखें अलग मजू। इपिं इमा स्‍वयाः नं अप्‍वः ब्‍वाँय् वनीपिं खः, अले इपिं सिंहत स्‍वयाः नं तसकं बल्‍लाःपिं खः।”

यशैया 13:5

इपिं पृथ्‍वीया दक्‍वसिबय् लिपांगु देशं वयाच्‍वंगु दु, थःगु क्रोधं देय् छगुलिंयात नाश यायेत परमप्रभु झायाच्‍वंगु दु।

यशैया 19:1

मिश्रया बारे परमप्रभुया अगमवाणी– स्‍व, परमप्रभु तसकं ब्‍वयावनीगु सुपाँचय् च्‍वनाः याकनं हे मिश्रय् झायेत्‍यंगु दु। वय्‌कःया न्‍ह्यःने मिश्रया मूर्तित थरथर खाइ, अले मनूतय्‌गु हंसं थाय् त्‍वःति।

यशैया 3:8

धात्‍थें, यरूशलेम छ्यालब्‍याल जुइ, अले यहूदा तनावनी, इमिसं ल्‍हाना जूगु खँ व याना जूगु ज्‍या परमप्रभुया विरोधय् जुइ। इमिसं परमप्रभुया महिमायात हेला याइ।

यशैया 5:28

इमिगु तीर तसकं च्‍वामु अले व धनुलय् तया कय्‌केत मिलय् याना तइ। इमिगु सलया तुतिख्‍वः च्‍वल्‍वहं थें छाः अले रथया घःचात ग्‍वःफय् वःगु थें चाःहिलीगु खः।

यशैया 66:15

स्‍व, परमप्रभु मिनापं झायादी, अले वय्‌कःया रथत ग्‍वःफय् थें खः। वय्‌कलं तच्‍वःगु तमं पलेसा कयादी, अले मिप्‍वालं सजाँय बियादी।

यर्मिया 10:19

जिगु घाःया निंतिं जितः धिक्‍कार दु! जिगु घाः मलनीगु घाः खः। अय्‌नं जिं थःम्‍हं थःत धया, “थ्‍व ला जिगु ल्‍वय् खः, थुकियात जिं सह याये हे माः।”

यर्मिया 4:12

तर जिगु आज्ञां तसकं फय् वइ। आः जिं इमित सजाँयया आज्ञा बी।”

यर्मिया 4:31

मचाबू ब्‍यथा जूम्‍ह मिसायागु थें हाःसः, न्‍हापांम्‍ह मचा बुइकूम्‍ह मिसायागु थें ख्‍वःसः जिं ताल। स्‍वाँ स्‍वाँ यानाः थःगु ल्‍हाः फयाः बांलाःम्‍ह यरूशलेमं थथे धयाच्‍वंगु जिं ताल, “जि बेहोश जुयाच्‍वंगु दु, आः जि गथे याये! इपिं जितः स्‍यायेत वयाच्‍वंगु दु।”

यर्मिया 46:18

“धात्‍थें जि म्‍वाःम्‍ह खः थें” जुजुं धयादी, गुम्‍हय्‌सिगु नां दक्‍व शक्ति दुम्‍ह परमप्रभु खः, “पहाडत मध्‍ये तबोर थें छम्‍ह वइ, समुद्र सिथया कर्मेल थें व वइ।

यर्मिया 48:40

परमप्रभुं थथे धयादी, “स्‍व, छम्‍ह इमा मोआबया च्‍वय् थःगु पपू चक्‍कंकाः हथासं ब्‍वयाः वयाच्‍वंगु दु।

यर्मिया 49:22

स्‍व! छम्‍ह इमा हथासं ब्‍वयावइ, बोज्राया च्‍वय् वं थःगु पपू चक्‍कंकी। उखुन्‍हु एदोमया सिपाइँतय्‌गु मन मचाबू ब्‍यथा जूम्‍ह मिसायागु थें जुइ।

यर्मिया 6:23

इमिसं धनु व भाला घानातःगु दु। इपिं नुगः छाःपिं खः, अले इमिके दयामाया धयागु मदु। इपिं सल गया वइबलय् इमिगु सः समुद्रयागु गर्जन थें च्‍वं। हे बांलाःम्‍ह यरूशलेम, छन्‍त हमला यायेत इपिं लडाइँया लागिं झ्‍वःलिंक मनूत वः थें वइ।”

यर्मिया 9:19

सियोनयापिं ख्‍वयाच्‍वंगु सः ताये दयाच्‍वंगु दु, ‘जिपिं गय् यानाः नाश जुल। जिमित तसकं बेइज्‍जत याःगु दु, जिमिसं थःगु देश त्‍वःते हे माः, छाय्‌धाःसा इमिसं जिमिगु छेँ नाश यानाब्‍यूगु दु।’”

विलाप 4:19

जिमित लित्तुलिपिं आकाशय् ब्‍वइपिं इमा स्‍वयाः नं याकनं ब्‍वांवनी। इमिसं जिमित पहाडय् लित्तुलिल, जिमित हमला यायेत इपिं मरुभूमिइ सुलाच्‍वन।

इजकिएल 26:10

वया सलत यक्‍व अप्‍वः दइ, वया सलतय्‌सं ब्‍वय्‌कूगु धुलं छन्‍त त्‍वपुइ। पःखाः दुंगु शहरय् मनूत दुहां वंगु थें व छंगु मू ध्‍वाखां दुहां वनीबलय् लडाइँया सलत, गाडात व रथतय्‌गु सलं छंगु शहरया पःखाःत लिगिलिगि सनी।

इजकिएल 38:9

छ ला फय् थें हथासं न्‍ह्यांवनी, छ व छंगु फुक्‍क सेना, अले छनापं दुपिं यक्‍व जाति जातित सुपाँय् थें च्‍वय् थाहां वनी। छ देशयात त्‍वपुइगु सुपाँय् थें जुइ।

दानिएल 11:40

“अन्‍तया इलय् दच्‍छिन देशयाम्‍ह जुजुं वलिसें लडाइँ याइ अले उत्तरयाम्‍ह जुजु नं बाः वःगु खुसि थें रथ, सलगइपिं मनूत व यक्‍व लः जहाजत ज्‍वनाः हमला याःवइ। थुकथं व यक्‍व देशय् न्‍यनावनी, अले उपिं देश जुयावनी।

दानिएल 7:4

“न्‍हापां पिहांवःम्‍ह सिंह थें च्‍वंम्‍ह जन्‍तु खना, तर वयाके इमायाके थें पपू दु। जिं स्‍वयाच्‍वनाबलय् हे वयागु पपू पुल। अले व जन्‍तुयात मनू थें निपु तुतिं थनाबिल अले वयात मनूयागु मन बिल।

होशे 8:1

“तुरही पु! छम्‍ह इमा परमप्रभुया देगलय् च्‍वय् ब्‍वयाच्‍वंगु दु, छाय्‌धाःसा मनूतय्‌सं जिगु बाचा त्‍वथूगु दु, अले जिगु व्‍यवस्‍थाया विरोधय् विद्रोही जूगु दु।

मीका 2:4

उगु दिनय् मनूतय्‌सं छिमित हेस्‍याइ अले छिमित लाय्‌बुयाः थ्‍व बिलापया म्‍ये हाली, ‘जिपिं भज्‍यंक नाश जुल, जिमि मनूतय्‌गु सम्‍पत्ति इनाब्‍यूगु दु, वय्‌कलं थ्‍व जिपाखें लाकाकयादी। वय्‌कलं जिमिगु बुँ जिमित ध्‍वं लाइपिन्‍त इनाबियादी।’”

नहूम 1:3

परमप्रभु तं चाय्‌त लिबाकादीम्‍ह व तसकं शक्ति दुम्‍ह खः। दोषीतय्‌त परमप्रभुं सजाँय मब्‍यूसें त्‍वःती मखु। ग्‍वःफय् व वाफय् वय्‌कःया लँपु खः अले सुपाँय् धाःसा वय्‌कःया तुतिया धू खः।

हबकूक 1:8

इमि सलत चितुवा स्‍वयाः नं तसकं ब्‍वाँय् वनी अले सन्‍ध्‍याकाः इलय् पिहां वइम्‍ह गुँखिचात स्‍वयाः नं तसकं ग्‍यानापुस्‍से च्‍वं। इमि सल गया वइपिं सिपाइँत तातापाकंनिसें तसकं ब्‍वाँय् वइ। सलत गिद्धं शिकारयात तसकं ब्‍वाँय्‌ वयाः झम्‍ते याः थें वइ।

जकरिया 6:1

हाकनं जि थस्‍वयाः थुबलय् जिं कँय्‌यागु निगू पहाडया दथुं प्‍यंगः रथ वयाच्‍वंगु खना।

मत्ती 24:30

“थुलि जुइ धुंकाः आकाशय् मनूया काय् वइगु चिं खने दइ। अले मनूया काय्‌यात तःधंगु शक्ति ज्‍वनाः झःझः धाय्‌क सुपाँचय् वयाच्‍वंगु खनी। थ्‍व खनाः संसारय् च्‍वंपिं फुक्‍क कुलयापिं मनूत ह्वाँय्‌ह्वाँय् ख्‍वइ।

व्‍यवस्‍था 28:49

तःधिकःम्‍ह इमा स्‍वात्त क्‍वय् कुहां वइगु थें हे परमप्रभुं छिमिगु विरोधय् तापाकं पृथ्‍वीयागु कुन्‍चानिसें छिमिसं मथूगु भाय् ल्‍हाइपिं छगू जाति हयादी।

प्रकाश 1:7

“स्‍व, वय्‌कः सुपाँचय् झायादी तिनि, फुक्‍कसिगु मिखां खनीतिनि, वय्‌कःयात भालां सूपिन्‍सं नं खनी। अले संसारय् च्‍वंपिं फुक्‍क जातियापिं मनूत वय्‌कःयात खनाः नुगः दादां ख्‍वये मालीतिनि। थथे ला जु हे जुइ। आमेन!”