यर्मिया 39:4 - नेवाः बाइबल

⁴ इमित खनाः यहूदाया जुजु सिदकियाह व सकलें सिपाइँत चान्‍हय् हे क्‍यबया लँपुं निगू पःखाःया दथुइ दुगु लुखा जुयाः शहरं पिने बिस्‍युं वन। इपिं यर्दन खुसिया ब्‍यासिपाखे वन।

यर्मिया 39:4 ပူးပေါင်းရင်းမြစ်များ

२ इतिहास 32:5

जुजुं साहस पिकयाः शहरया पखाः गन गन दुंगु खः, अन अन ल्‍ह्वन, अले उकी धरहरात दय्‌कल। पखाःया पिनेपाखे वं मेगु पखाः दय्‌कल। अले दाऊदया शहरया तिबः बीगु तगिंत बल्‍लाकल। वं यक्‍व ल्‍वाभःत व ढालत नं दय्‌कल।

यशैया 22:11

छिमिसं निगू पःखाःया दथुइ पुलांगु पुखूया लः तयेगु निंतिं छगू तःधंगु पुखू दय्‌कल। तर छिमिसं थ्‍व दय्‌कूम्‍हय्‌सित मस्‍वः, अथवा यक्‍व न्‍हापा हे थथे यायेगु योजना दय्‌कादीम्‍हय्‌सित हनाबना मतः।

यशैया 22:3

छिमि फुक्‍क नायःत छकलं हे बिस्‍युं वन। धनुष वाण चले मयाःसां इमित ज्‍वन। शत्रुत तापाक हे च्‍वनाच्‍वंसां नं छिपिं बिस्‍युं वन अले फुक्‍कसित ज्‍वन।

यशैया 29:2

अय्‌नं जिं अरीएलयात घेरा लगय् याये अले व ख्‍वइ, दुखं च्‍वनी, व जिगु निंतिं वेदीइ च्‍यानाच्‍वंगु मि जुइ।

यर्मिया 32:4

यहूदाया जुजु सिदकियाह बेबिलोनीतय्‌गु ल्‍हातं बचय् जुइ मखु, धात्‍थें वयात बेबिलोनयाम्‍ह जुजुया ल्‍हातय् बिइगु जुइ। वं वलिसें चुलिंचू च्‍वनाः खँ ल्‍हाइ। इपिं छम्‍हय्‌सिनं मेम्‍हय्‌सित थथःगु मिखां स्‍वइ।

यर्मिया 32:5

वं सिदकियाहयात बेबिलोनय् यंकी, जिं वयागु न्‍याय मयाःतले व अन हे च्‍वनी।’ परमप्रभुं धयादी, ‘छिपिं बेबिलोनीतनापं ल्‍वाःसां छिपिं ताःलाइ मखु।’”

इजकिएल 12:12

“इमिगु दथुइ दुम्‍ह शासक सन्‍ध्‍याकाः इलय् थःगु सामान ब्‍वहलय् तयाः पिहांवनी। अले पःखाः तछ्यानाः पिने वनेत वयागु निंतिं छगू ह्वः खनी। अले थःम्‍हं त्‍वःताच्‍वंगु देश मखनेमा धकाः वं थःगु ख्‍वाः त्‍वपुइ।

इजकिएल 12:4

न्‍हिनय् इमिगु मिखाया न्‍ह्यःने हे देशं ज्‍वनाः यंकीबलय् यंकीगु सामान थें छं थःगु सामान पित हजि! अले बहनी इमिसं खंक हे छ ज्‍वंकाः तापाःगु देशय् वनेमाःम्‍ह मनू थें यानाः हुँ!

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

लेवी 26:36

“‘छिपिं म्‍वानाच्‍वंपिं, शत्रुतय्‌गु देशय् छिमिसं लप्‍ते हः कुतुवंगु सः ताइबलय् नं छिपिं तरवारं ल्‍यू वःगु धकाः ग्‍यानाः बिस्‍युं वनी। ल्‍यूवःपिं सुं मदुसां छिपिं बँय् क्‍वदइ।

आमोस 2:14

तसकं ब्‍वाँय् वनेफुम्‍ह नं उम्‍के जुइ फइ मखु, अले बल दुम्‍हय्‌सिनं नं थःगु बल छ्यले फइ मखु, लडाइँलय् वनीम्‍हय्‌सिनं नं थःत बचय् याये फइ मखु।

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।