यर्मिया 39:18 - नेवाः बाइबल

¹⁸ ‘जिं छन्‍त बचय् याये। छन्‍त तरवारं स्‍याइ मखु, तर छ थःगु ज्‍यान बचय् यानाः बिस्‍युं वनी। छाय्‌धाःसा छं जितः भरोसा याःगु दु,’ परमप्रभुं धयादी।”

यर्मिया 39:18 ပူးပေါင်းရင်းမြစ်များ

१ इतिहास 5:20

इमिसं ग्‍वाहालिया लागि परमेश्‍वरयात प्रार्थना यात। इमिसं परमेश्‍वरयाके भलसा तःगुलिं वय्‌कलं इमित ग्‍वाहालि बियादिल। परमेश्‍वरं हग्रीत व इपिंनापं मिलय् जूपिं सकसितं इमिगु ल्‍हातय् लाकादिल।

अय्‍यूब 5:20

अनिकालया इलय् वय्‌कलं छन्‍त सीगुपाखें बचय् यानादी। वय्‌कलं छन्‍त लडाइँलय् तरवारपाखें बचय् यानादी।

भजनसंग्रहया सफू 147:11

तर परमप्रभु वय्‌कःया भय काइपिं खनाः अले वय्‌कःया सदां दइगु दया मायाय् भलसा काइपिं खनाः लय्‌तायादी।

भजनसंग्रहया सफू 2:12

वय्‌कःया काय्‌यात हनाबना ति। मखुसा वय्‌कः तंम्‍वयादी अले वय्‌कलं छिमित नाश यानादी। वय्‌कःया शरणय् वंपिं धाःसा धन्‍य जुइ।

भजनसंग्रहया सफू 33:18

तर सुनां परमप्रभुया भय काइ अले वय्‌कःया सदां दयाच्‍वनीगु दया मायाय् भलसा तइ, वयात वय्‌कलं बिचाः यानादी।

भजनसंग्रहया सफू 34:22

परमप्रभुं थः दासतय्‌त बचय् यानादी। वय्‌कःयागु शरणय् वइपिं दोषी ठहरय् जुइ मखु।

भजनसंग्रहया सफू 37:3

परमप्रभुयात विश्‍वास या, अले भिंगु या अले परमेश्‍वरं बियादीगु देशय् च्‍वनाः सुरक्षित जुयाच्‍वँ।

भजनसंग्रहया सफू 84:12

दक्‍व शक्ति दुम्‍ह परमप्रभु! धन्‍य खः छितः भरोसा याःपिं मनूत।

भजनसंग्रहया सफू 91:7

छंगु न्‍ह्यःने द्वःछिम्‍ह, अले छंगु जवपाखे झिद्वःम्‍ह क्‍वदलेफु अय्‌नं छन्‍त छुं जुइ मखु।

यशैया 26:3

परमप्रभु, सुनां सुनां थःगु मन क्‍वातुकी इमित पूवंक शान्‍ति बियादी छाय्‌धाःसा इमिसं छिके भलसा तइ।

यर्मिया 21:9

सु थ्‍व शहरय् च्‍वनाच्‍वनी व तरवार, अनिकाल वा महामारीं सी। तर सु पिहां वनाः छिमित घेरय् यानाच्‍वंपिं बेबिलोनीतय्‌थाय् शरण काःवनी व म्‍वाइ। वयागु जीवन धाःसा वयागु इनाम जुइ।

यर्मिया 38:2

“परमप्रभुं थथे धयादी ‘सु थ्‍व शहरय् च्‍वनी व तरवार, अनिकाल व महामारीं सी। तर गुम्‍ह बेबिलोनीतय्‌थाय् वनाः आत्‍मसमर्पण याइ व म्‍वाइ। वं थःगु ज्‍यान बचय् याइ, अले व म्‍वाइ।’

रोमी 2:12

व्‍यवस्‍था मसीकं पाप याःपिं मनूत नं व्‍यवस्‍था मदय्‌कं हे नाश जुइ। व्‍यवस्‍था स्‍यूपिं यहूदीतय्‌सं पाप यात धाःसा इमित व्‍यवस्‍थां हे न्‍याय याइ।

एफिसी 1:12

झीपिं ख्रीष्‍टयाके भरोसा तयापिं दक्‍वसिबय् न्‍हापां हे ल्‍ययातःपिं खः। उकिं परमेश्‍वरयात झीसं तःधंके।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।