यर्मिया 39:14 - नेवाः बाइबल

¹⁴ मनूत छ्वयाः यर्मियायात पिवाःत च्‍वनीगु चुकं हल। वयात छेँय् यंकेगु जिम्‍मा इमिसं शापानया छय्, अहीकामया काय् गदल्‍याहयात बिल। थुकथं यर्मिया थः मनूतनापं हे च्‍वन।

यर्मिया 39:14 ပူးပေါင်းရင်းမြစ်များ

२ राजा 22:12

वं दकलय् तःधंम्‍ह पुजाहारी हिल्‍कियाह, शापानया काय् अहीकाम, मीकायाया काय् अक्‍बोर, छ्यान्‍जे शापान व जुजुनापं जुइम्‍ह असायाहयात थ्‍व उजं बिल,

२ राजा 22:14

पुजाहारी हिल्‍कियाह, अहीकाम, अक्‍बोर, शापान व असायाह दरबारया वसः स्‍वइम्‍ह हरहसया छय्, तिक्‍भाया काय् शल्‍लूमया कलाः अगमवादिनी हुल्‍दायाथाय् खँ ल्‍हायेत वन। व यरूशलेमया न्‍हूगु त्‍वालय् च्‍वनीगु खः।

२ इतिहास 34:20

वं हिल्‍कियाह, शापानया काय् अहीकाम, मीकाया काय् अब्‍दोन, छ्यान्‍जे शापान व जुजुयात सल्‍लाह बीम्‍ह असायाहयात थथे धाल,

भजनसंग्रहया सफू 105:19

वयागु म्‍हगस पूरा जुइगु ई मवतले व परमप्रभुया वचनं वयात सत्‍य साबित मयातले

यर्मिया 26:22

अले यहोयाकीमं मिश्र देशय् अक्‍बोरया काय् एल्‍नातान व वनापं छुं मनूत छ्वल।

यर्मिया 26:24

तर शापानया काय् अहीकाम यर्मियाया पंलित। उकिं वयात स्‍यायेत इमिसं मनूतय्‌गु ल्‍हातय् मब्‍यू।

यर्मिया 32:2

उबलय् बेबिलोनया जुजुया सेनां यरूशलेमयात घेरय् यानातःगु खः, यर्मिया अगमवक्तायात धाःसा यहूदाया जुजुपिनि दरबारय् पिवाःया चुकय् कुनातःगु खः।

यर्मिया 37:21

अले जुजु सिदकियाहया आज्ञां यर्मियायात पिवाःतय्‌गु चुकय् तल। अले शहरय् दक्‍व मरि सिमधःतले इमिसं वयात मरि छुइपिनिगु पसलं न्‍हियान्‍हिथं छपा छपा मरि बिइगु। थुकथं यर्मिया पिवाःतय्‌गु चुकय् च्‍वन।

यर्मिया 38:13

अले इमिसं उपिं खिपःया ग्‍वाहालिं यर्मियायात तुंथिं थकाल। अनंलि यर्मिया पिवाःत च्‍वनीगु चुकय् च्‍वन।

यर्मिया 38:28

थुकथं यर्मिया यरूशलेम कब्‍जा याःबलय् तक पिवाःत च्‍वनीगु चुकय् हे च्‍वन। थ्‍व गुकथं यरूशलेमयात कब्‍जा यात धयागु खँ खः।

यर्मिया 39:13

उकिं जुजुया सेनापति नबूजरदान, मू हाकिम नबुशजबान, तःधंम्‍ह हाकिम नेर्गल-सरेसर व बेबिलोनया जुजुया मेपिं सकलें हाकिमतय्‌सं

यर्मिया 39:15

पिवाःत च्‍वनीगु चुकय् कुनातःबलय् परमप्रभुया थ्‍व वचन यर्मियायाथाय् वल,

यर्मिया 40:1

जुजुया सेनापति नबूजरदानं यर्मियायात सिखलं चिनाः बेबिलोनय् यंकेत्‍यंपिं यरूशलेमयापिं व यहूदायापिं मेपिं कैदीतनापं लुइकूगु खः। वं वयात रामाय् त्‍वःता ब्‍यूबलय् परमप्रभुपाखें यर्मियायाथाय् वःगु वचन थ्‍व हे खः।

यर्मिया 40:5

अय्‌नं यर्मिया वनेत्‍यंबलय् नबूजरदानं लिफः स्‍वयाः धाल, “शापानया छय्, अहीकामया काय् गदल्‍याहयाथाय् हुँ! वयात बेबिलोनयाम्‍ह जुजुं यहूदाया शहरया बडाहाकिम ल्‍यःगु दु। अन वनापं मेपिं मनूतलिसें च्‍वँ, अथवा छन्‍त गन वने मंदु अन हुँ!” सेनापतिं वयात नयेगु सामान व कोसेलि बियाः त्‍वःताबिल।

यर्मिया 40:6

उकिं यर्मिया मिस्‍पाय् अहीकामया काय् गदल्‍याहयाथाय् वन, अले वलिसें देशय् त्‍वःताथकूपिंनापं च्‍वन।

यर्मिया 40:7

बेबिलोनयाम्‍ह जुजुं अहीकामया काय् गदल्‍याहयात देशया बडाहाकिम ल्‍यःगु दु अले ज्‍वनाः बेबिलोनय् मयंकूपिं देशयापिं दकलय् गरीबपिं मिजं, मिस्‍त व मस्‍त फुक्‍क वयागु ल्‍हातय् ब्‍यूगु दु धयागु खँ सेनायापिं सकलें कप्‍तानत व बस्‍ती बस्‍तीइ दुपिं सिपाइँतय्‌सं न्‍यन।

यर्मिया 41:1

न्‍हय्‌गूगु लाय् एलीशामाया छय्, नतन्‍याहया काय् जुजु खलःयाम्‍ह व जुजुया हाकिमत मध्‍ये छम्‍ह इश्‍माएल झिम्‍ह मनूत ज्‍वनाः मिस्‍पाय् अहीकामया काय् गदल्‍याहयाथाय् वल। इपिंनापं च्‍वनाः नयाच्‍वंबलय्,