यर्मिया 39:1 - नेवाः बाइबल

¹ यरूशलेमयात थुकथं काल- सिदकियाह यहूदायाम्‍ह जुजु जूगु गुंगूगु दँया झिगूगु लाय् बेबिलोनयाम्‍ह जुजु थः फुक्‍क सेना ज्‍वनाः यरूशलेमय् हमला याः वल, अले उकियात कब्‍जा यायेत घेरय् यात।

यर्मिया 39:1 ပူးပေါင်းရင်းမြစ်များ

२ इतिहास 36:17

अथे जुयाः परमप्रभुं इमित हमला यायेत बेबिलोनयाम्‍ह जुजुयात हयादिल। व जुजुं यहूदाया ल्‍याय्‌म्‍हपिं मिजंतय्‌त देगः दुने तरवारं स्‍यात। वं ल्‍याय्‌म्‍हपिं, ल्‍यास्‍यपिं, बुरापिं, मिसा मिजं, कमजोरपिं सुयातं नं बाकि मतः। इपिं सकसितं परमेश्‍वरं वयागु ल्‍हातय् बियादिल।

यर्मिया 32:1

यहूदाया जुजु सिदकियाहं राज्‍य यानाच्‍वंगु झिगूगु दँय्, थ्‍व नबूकदनेसर जुजु जूगु झिंच्‍यागूगु दँ खः, परमप्रभुपाखें यर्मियायाथाय् वःगु वचन थ्‍व हे खः।

यर्मिया 34:1

बेबिलोनयाम्‍ह जुजु नबूकदनेसर व वया फुक्‍क सेना, वयागु अधीनय् दुपिं पृथ्‍वीया फुक्‍क राज्‍य व मनूतय्‌सं यरूशलेम व उकिया जःखः च्‍वंगु शहरतलिसें लडाइँ यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः,

यर्मिया 34:22

परमप्रभुं धयादी, ‘जिं थःम्‍हं हे आज्ञा बी, अले इमित थ्‍व शहरय् लित हये। इमिसं लडाइँ यानाः थ्‍व शहरयात त्‍याकाकाइ, अले थुकियात मिं नकाबी। अले जिं यहूदाया शहरयात मनू मदुगु सुनसान थाय् यानाबी।’”

यर्मिया 42:18

परमप्रभु, दक्‍व शक्ति दुम्‍ह इस्राएलया परमेश्‍वरं थथे धयादी, ‘गथे जिं जिगु तं यरूशलेमय् च्‍वंपिं मनूतय्‌के प्‍वंकागु खः, अथे हे छिपिं मिश्रय् वन धाःसा जिगु तं छिमिके प्‍वंके। जिं छिमित लिनाछ्वयागु फुक्‍क जातितय्‌गु दथुइ जिं छिमित सराः, भय, गिल्‍ला व निन्‍दाया पात्र दय्‌के। थ्‍व देश छिमिसं हाकनं खनी मखु।’

यर्मिया 52:1

सिदकियाह निइछदँ दुबलय् जुजु जूगु खः। वं यरूशलेमय् झिंछदँ शासन यात। वया मांया नां हमुतल खः। व लिब्‍नाय् च्‍वंम्‍ह यर्मियाया म्‍ह्याय् खः।

यर्मिया 6:6

दक्‍व शक्ति दुम्‍ह परमप्रभुं थथे धयादी, “यरूशलेमया सिमा पालाः पःखाः लिक्‍क घेरय् याइगु द्वम्‍बचात दय्‌कि! जिं थ्‍व शहरयात सजाँय बी छाय्‌धाःसा थन अत्‍याचार हे अत्‍याचार दु।

इजकिएल 33:21

जिमित ज्‍वनाहःगु झिंनिगूगु दँया झिगूगु लाया न्‍यान्‍हु दुखुन्‍हु यरूशलेमं बिस्‍युं वःम्‍ह छम्‍ह मनुखं जिथाय् वयाः धाल, “शहर नाश जुल।”

इजकिएल 4:3

अनंलि छपा नँपाता कयाः उकियात छ व शहरया दथुइ छगू नँयागु पःखाः थें तयाब्‍यु! अले थःगु ख्‍वाः शहरपाखे स्‍वय्‌कि! व घेराय् लाःगु दु, छं उकियात घेरय् यानाः का। इस्राएलया घरानायात थ्‍व छगू चिं जुइ।

इजकिएल 40:1

जिमित ज्‍वनाः बेबिलोनय् यंकूगु निइन्‍यागूगु दँया न्‍हापांगु लाया झिन्‍हु दुखुन्‍हु अर्थात बेबिलोनयापिन्‍सं यरूशलेम त्‍याकाकाःगु झिंप्‍यगूगु दँ लिपा परमप्रभुया शक्ति जिके वल, अले वय्‌कलं जितः अन यंकादिल।

इजकिएल 5:2

शहरयात घेरय् याःगु दिं सिधइबलय् सँयागु स्‍वब्‍वय् छब्‍वयात शहरया दुने मिइ छ्वय्‌काब्‍यु! मेगु स्‍वब्‍वय् छब्‍व सँयात शहरया प्‍यखेरं तरवारं कुचा कुचा यानाब्‍यु, ल्‍यं दुगु स्‍वब्‍वय् छब्‍वयात धाःसा फसय् ब्‍वय्‌काब्‍यु। छाय्‌धाःसा उमित जिं तरवार ज्‍वनाः लिनाछ्वये।

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”

व्‍यवस्‍था 28:36

परमप्रभुं छिमि जुजुयात छिमिसं व छिमि पुर्खातय्‌सं म्‍हमस्‍यूगु छगू जातिया दथुइ लिना छ्वयादी। अले इमिगु दथुइ च्‍वनाः छिमिसं सिँ व ल्‍वहंयापिं मेपिं द्यःतय्‌त पुजा याइ।