यर्मिया 38:5 - नेवाः बाइबल

⁵ सिदकियाह जुजुं लिसः बिल, “व छिमिगु हे ल्‍हातय् दु। जुजुं ला छिमिगु विरोधय् छुं याये फइ मखु।”

यर्मिया 38:5 ပူးပေါင်းရင်းမြစ်များ

२ शमूएल 19:22

दाऊदं लिसः बिल, “हे सरूयाहया काय्‌पिं, छिमिगु जिनापं छु स्‍वापु दु? छिपिं थौं जिगु विरोधी जूगु दु। आः जि इस्राएलया जुजु जूगु दु अथे जुयाः थौं सुं नं इस्राएलीत सी मखु।”

२ शमूएल 3:39

जि अभिषेक जूम्‍ह जुजु जूसां सरूयाहया थुपिं दयामदुपिं काय्‌पिनि न्‍ह्यःने जि बमलाःम्‍ह व शक्ति मदुम्‍ह जूगु दु। इपिं जिगु निंतिं तसकं हे बल्‍लाःपिं खः। परमप्रभुं मभिंगु ज्‍या याइपिन्‍त उकिया पाय्‌छिगु लिच्‍वः बियादीमा।”

हितोपदेश 29:25

ग्‍याःचिकु मनूतय्‌गु निंतिं स्‍वःतिपाँय् खः, सुनां परमप्रभुयात विश्‍वास याइ, वयात सुरक्षा दइ।

यर्मिया 26:14

जि ला छिकपिनिगु हे ल्‍हातय् दु, छिकपिन्‍त छु बांलाः व पाय्‌छि जू थें च्‍वं जितः व हे यानादिसँ।

यर्मिया 37:17

तःन्‍हु लिपा सिदकियाह जुजुं वयात सःतके छ्वत, अले थःगु दरबारय् यंकाः जुजुं सुं मदुगु थासय् वयात न्‍यन, “परमप्रभुपाखें छुं खँ दु ला?” यर्मियां धाल, “दु, छितः बेबिलोनयाम्‍ह जुजुया ल्‍हातय् लःल्‍हाइगु जुइ।”

दानिएल 6:16

उकिं जुजुं दानिएलयात ज्‍वनेगु आज्ञा बिल अले इमिसं वयात हयाः सिंहत तयातःगु तःजाःगु गालय् वांछ्वल। जुजुं दानिएलयात धाल, “छं न्‍ह्याबलें सेवा याइम्‍ह छिमि परमेश्‍वरं छन्‍त बचय् यायेमा।”

दानिएल 6:17

हानं छगः ल्‍वहं हयाः सिंहत तयातःगु तःजाःगु गाःयागु म्‍हुतु तिनाबिल। अले दानिएल पिहां मवयेमा धकाः जुजुं उकी थःगु हे अंगू छाप व थः भारदारतय्‌गु अंगू छाप तल।

१ शमूएल 15:24

शाऊलं शमूएलयात धाल, “जिं पापयात हँ! छु जिं परमप्रभुया आज्ञा व छिसं धाःगु खँ मन्‍यना ला। जि मनूतपाखें ग्‍याना, अले इमिगु खँ जिं न्‍यना।

१ शमूएल 29:9

आकीशं लिसः बिल, “छ जिगु निंतिं परमेश्‍वरया दूत थें जूगु दु धकाः जिं पत्‍याः यानागु दु, तर छ इपिं नापं लडाइँ याः वने मज्‍यू धकाः पलिश्‍तीतय् सेनापतितय्‌सं जिद्दी याःगु दु।