यर्मिया 38:22 - नेवाः बाइबल

²² यहूदाया जुजुया दरबारय् त्‍वःताथकुपिं सकलें मिस्‍तय्‌त बेबिलोनयाम्‍ह जुजुया हाकिमतय्‌थाय् यंकी। उपिं मिसातय्‌सं छितः थथे धाइ, “‘छिं भलसा कयादीम्‍ह छिकपिनि पासापिन्‍सं छितः झंगः लानाः थःगु बसय् तल। छिगु तुति ध्‍याचलय् तुनेवं इमिसं छितः त्‍वःतावन।’

यर्मिया 38:22 ပူးပေါင်းရင်းမြစ်များ

अय्‍यूब 6:15

जिमि किजापिं बर्खाबलय्‌यागु खुसिचात थें भर काये मज्‍यूपिं जुल। न्‍ह्याना वनीगु खुसिचा थें।

भजनसंग्रहया सफू 41:9

छपाः हे भुइ नयाम्‍ह जिमि छम्‍ह स्‍याःन्‍याःम्‍ह पासा तकं जिगु विरोधय् वन। वयात जिं तसकं विश्‍वास यानातयागु खः।

भजनसंग्रहया सफू 69:14

जि दुना मवनेमा धकाः जितः तःजाःगु ध्‍याचलं थकयादिसँ। जिमि शत्रुतय्‌पाखें बचय् यानादिसँ जितः लःया किसिद्वम्‍बलं बचय् यानादिसँ।

भजनसंग्रहया सफू 69:2

जि तःजाःगु ध्‍याचलय् दुनावनाच्‍वनागु दु। जिगु तुतिं बँय् चुइ मफया च्‍वन। जि तःजाःगु लखय् लानाच्‍वनागु दु। किसिद्वम्‍बलय् जि दुनावनाच्‍वनागु दु।

यशैया 42:17

तर सुनां सुनां मूर्ति तय्‌के भलसा याइ, उपिं मूर्तितय्‌त थःगु द्यः मानय् याइ, इपिं लज्‍जा चायेमाली अले बदनाम जुइ।”

यर्मिया 13:21

वय्‌कलं छं थःम्‍हं हे स्‍यंपिं छिमि न्‍हापायापिं पासापिन्‍त हे छंगु च्‍वय्‌यागु थासय् तयादीबलय् छं छु धायेगु? मचा बुइकेत्‍यंम्‍ह मिसायात मचाबू ब्‍यथा जूगु थें छन्‍त मजुइ ला?

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

यर्मिया 27:14

‘बेबिलोनया जुजुया सेवा छिमिसं यायेमाली मखु’ धकाः धाइपिं अगमवक्तातय्‌गु खँ छिमिसं न्‍यने मते, छाय्‌धाःसा इमिसं ला छिमित मखुगु अगमवाणी ल्‍हानाच्‍वंगु दु।

यर्मिया 27:15

परमप्रभुं धयादी, ‘जिं इमित छ्वयागु मखु, अय्‌नं इमिसं जिगु नामय् मखुगु अगमवाणी ल्‍हानाच्‍वंगु दु। उकिं जिं छिमित देशं पितिनाछ्वये। छिपिं छिमित अगमवाणी ल्‍हाइपिं छिमि अगमवक्तातनापं नाश जुइ।’”

यर्मिया 38:19

अले सिदकियाह जुजुं यर्मियायात धाल, “बेबिलोनीतय्‌थाय् बिस्‍युं वंपिं यहूदायापिं खनाः जि ग्‍याः। छाय्‌धाःसा बेबिलोनीतय्‌सं जितः इमिगु ल्‍हातय् बिल धाःसा इमिसं जिलिसें बांमलाःगु व्‍यवहार याइ।”

यर्मिया 38:21

तर छिं वनेत इन्‍कार यात धाःसा परमप्रभुं जितः क्‍यनादीगु दर्शन थ्‍व हे खः,

यर्मिया 41:10

इश्‍माएलं मिस्‍पाय् ल्‍यंदुपिं सकलें मनूत अर्थात जुजुया सेनापति नबूजरदानं अहीकामया काय् गदल्‍याहया जिम्‍माय् बियाः अन त्‍वःताथकुपिं सकलें मनूत व जुजुया म्‍ह्याय्‌पिन्‍त ज्‍वनाः कुनाबिल। थुकथं नतन्‍याहया काय् इश्‍माएल थुपिं कैदीतय्‌त ज्‍वनाः पारि अम्‍मोनीतय्‌थाय् वनेत पिहां वन।

यर्मिया 43:6

मिजंपिं, मिस्‍त, मस्‍त, राजकुमारीत, जुजुया सेनापति नबूजरदानं शापानया छय् अहीकामया काय् गदल्‍याहया ल्‍हातय् लःल्‍हाःपिं फुक्‍कसित व अगमवक्ता यर्मियायात अले नेरियाहया काय् बारूकयात नं इमिसं यंकल।

यर्मिया 46:21

वया ज्‍यालाय्‌ वःपिं सिपाइँत तग्‍वारापिं साचात थें च्‍वं। इपिं छक्‍वलं फहिलाः बिस्‍युं वनी। इपिं दी मखु, छाय्‌धाःसा इमिके विपत्तिया दिं, इमिगु सजाँयया दिं वयाच्‍वंगु दु।

यर्मिया 46:5

तर जिं छु खनाच्‍वना? इपिं ला ग्‍यानाच्‍वंगु दु। इपिं लिचिलाच्‍वंगु दु। इमि सिपाइँत बुत। इपिं हथाय् पथासं बिस्‍युं वनाच्‍वंगु दु। इमिसं लिफः मस्‍वः, प्‍यखेरं आतंक हे आतंक दु,” परमप्रभुं धयादी।

यर्मिया 6:12

जिं थःगु ल्‍हाः थ्‍व देशय् च्‍वंपिनिगु विरोधय् ल्‍ह्वनेबलय् इमिगु छेँ, बुँ व मिस्‍त फुक्‍क मेपिनिगु जुइ,” परमप्रभुं धयादी।

यर्मिया 8:10

छाय्‌धाःसा जिं इमि कलाःपिं मेपिं मनूतय्‌त व इमिगु बुँ न्‍हूपिं मालिकतय्‌त बी। दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

विलाप 1:13

“वय्‌कलं स्‍वर्गं जिगु क्‍वँय् दुने मि कुर्का दिल, व मि जिगु दुने छ्वल। वय्‌कलं जिगु तुतिया लागि जाः तयादिल, अले जितः लितछ्वयादिल। वय्‌कलं जितः सुनसान यानाः त्‍वःतादिल अले न्‍हिच्‍छि हे बम्‍लाकादिल।

विलाप 1:2

चान्‍हय् व ह्वाँय्‌ह्वाँय् ख्‍वइगु, वयागु नेतालय् ख्‍वबि वयाच्‍वनीगु, वया प्रेमीत मध्‍ये वयात ह्यय्‌कीम्‍ह सुं नं मदु। वया दक्‍वं पासापिन्‍सं वयात विश्‍वासघात याःगु दु, आः इपिं वया शत्रु जूगु दु।

विलाप 5:11

सियोनय् मिसातय्‌त व यहूदाया शहरय् ब्‍याहा मजूपिं ल्‍यासेतय्‌त स्‍यंकाब्‍यूगु दु।

मीका 7:5

छम्‍ह जःलाखःलायात पत्‍याः याये मते। छम्‍ह पासायात विश्‍वास याये मते। थःनापं च्‍वनीम्‍ह कलाःलिसे होश यानाः जक खँ ल्‍हा।