यर्मिया 38:21 - नेवाः बाइबल

²¹ तर छिं वनेत इन्‍कार यात धाःसा परमप्रभुं जितः क्‍यनादीगु दर्शन थ्‍व हे खः,

यर्मिया 38:21 ပူးပေါင်းရင်းမြစ်များ

२ इतिहास 36:12

वं परमप्रभु थः परमेश्‍वरया मिखाय् मभिंगु ज्‍या यात। परमप्रभुया वचन न्‍वंवाइम्‍ह यर्मिया अगमवक्ताया न्‍ह्यःने वं थःत क्‍वमिलु मयाः।

अय्‍यूब 23:13

“तर छकः वय्‌कलं क्‍वःछिनादी धुंकाः सुनां वय्‌कःया मनयात हीके फइ? वय्‌कःयात छु याये मास्‍ति वः, व वय्‌कलं यानादी।

अय्‍यूब 34:33

छिं पस्‍चाय् चायेत इन्‍कार यानादी धाःसा छु परमेश्‍वरं छिगु इच्‍छा कथं छितः सिरपाः बीमाः ला? थ्‍व ला छिं हे क्‍वःछिमा, जिं मखु, उकिं छिं छु स्‍यू जितः धयादिसँ!

प्रस्‍थान 16:28

अले परमप्रभुं मोशायात धयादिल, “गुबलय् तक छिमिसं जिगु नियमयात मानय् मयायेगु?

यर्मिया 26:15

तर थ्‍व खँ छिकपिन्‍सं पक्‍का सीकाति जितः स्‍यानादिल धाःसा थःके, थःगु शहरय् व थनच्‍वंपिं मनूतय्‌के दोष मदुम्‍हय्‌सिगु हिया दोष हइ, छाय्‌धाःसा परमप्रभुं हे थ्‍व फुक्‍क वचन न्‍यंकेत जितः छिमिथाय् छ्वयाहयादीगु खः।”

यर्मिया 38:20

यर्मियां लिसः बिल, “इमिसं छितः इमिगु ल्‍हातय् बी मखु। जिं छितः धयागु परमप्रभुया वचन पालन यानादिसँ, छिगु भिं जुइ, छि बचय् जुइ।

यर्मिया 38:22

यहूदाया जुजुया दरबारय् त्‍वःताथकुपिं सकलें मिस्‍तय्‌त बेबिलोनयाम्‍ह जुजुया हाकिमतय्‌थाय् यंकी। उपिं मिसातय्‌सं छितः थथे धाइ, “‘छिं भलसा कयादीम्‍ह छिकपिनि पासापिन्‍सं छितः झंगः लानाः थःगु बसय् तल। छिगु तुति ध्‍याचलय् तुनेवं इमिसं छितः त्‍वःतावन।’

यर्मिया 5:3

हे परमप्रभु, छिगु मिखां सत्‍य ममाली ला? छिं इमित कय्‌कादिल, अय्‌नं इमि नुगः मछिं मजू, छिं इमित क्‍वत्‍यलादिल, अय्‌नं इमिसं थःत भिंकेगु वास्‍ता मयाः। इमिसं थःगु ख्‍वाःयात ल्‍वहं स्‍वयाः छाकल। अले पस्‍ताय् चायेत मानय् मजू।

इजकिएल 2:7

छं इमित जिगु वचन धा, इमिसं चाहे न्‍यनेमा वा मन्‍यनेमा छाय्‌धाःसा इपिं विद्रोही खः।

गन्‍ती 24:13

‘बालाकं जितः लुँ व वहलं जाःगु थःगु लाय्‌कू ब्‍यूसां परमप्रभुया उजं त्‍वःताः जिं थःयसें भिं मभिं छुं नं याये मफु। परमप्रभुं छु धयादिल व हे जक जिं धाये फइ।’

प्रेरित 18:6

यहूदीतय् नायःतय्‌सं वयात विरोध यानाः तसकं बेइज्‍जत यात। अले वं थःगु लनय् च्‍वंगु धू थाथा यानाः इमित थथे धाल – “छिकपिं नाश जुल धाःसा थुकिया दोष छिकपिन्‍त हे लाइ, जितः लाइ मखु। आवंलि यहूदीमखुपिन्‍थाय् वनाः न्‍यंके।”

हिब्रू 12:25

होश या, छिपिंलिसे नवानादीम्‍हय्‌सिगु खँ मन्‍यंसे च्‍वने मते। थ्‍व संसारय् च्‍वनाः परमेश्‍वरयागु खँ न्‍यंकीम्‍हय्‌सिगु खँ मन्‍यंपिन्‍त ला मल्‍यंकू धासेंलि स्‍वर्गं हे नवानादीम्‍हपाखे फस्‍वया जुइपिन्‍त जक ल्‍यंकी ला?