यर्मिया 38:17 - नेवाः बाइबल

¹⁷ अले यर्मियां सिदकियाहयात धाल, “दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, ‘छि बेबिलोनयाम्‍ह जुजुया हाकिमतय्‌थाय् वन धाःसा बचय् जुइ अले थ्‍व शहरयात छ्वय्‌काबी मखु, छि व छिगु परिवार बचय् जुइ।

यर्मिया 38:17 ပူးပေါင်းရင်းမြစ်များ

उत्‍पत्ति 12:13

उकिं छं छ जिमि केहेँ खः धकाः धा। अले इमिसं छंगु लागि जितः बांलाक व्‍यवहार याइ, जितः नं स्‍याइ मखु।”

२ राजा 24:12

यहूदाया जुजु यहोयाकीन, वया मां, वयात सल्‍लाहबीपिं, वया भारदारत सकसिनं थःपिन्‍त वयागु ल्‍हातय् लःल्‍हाना बिल। बेबिलोनयाम्‍ह जुजुं थः जुजु जूगु च्‍यागूगु दँय् यहोयाकीनयात ज्‍वनाः कुन।

२ राजा 25:27

एबील-मरोदक बेबिलोनयाम्‍ह जुजु जूगु दँय् वं यहोयाकीनयात झ्‍यालखानां त्‍वःतल। यहोयाकीनयात ज्‍वनाः बेबिलोनय् यंकूगु स्‍विन्‍हय्‌दँया झिंनिलाया निइन्‍हय्‌न्‍हु लिपा थथे जूगु खः।

१ इतिहास 17:24

अले व थापं जुइमा व छिगु नां न्‍ह्याबलेंया लागि तःधनेमा। अले मनूतय्‌सं थथे धाइ, ‘दक्‍व शक्ति दुम्‍ह परमप्रभु इस्राएलयाम्‍ह खः, वय्‌कः इस्राएलया लागि हे परमेश्‍वर खः।’ अले छिं जिगु घरानायात सदा तयातइ।

एज्रा 9:4

अले ज्‍वनायंकाः लित छ्वयाहःपिन्‍सं याःगु अपराधया कारणं इस्राएलया परमेश्‍वरयागु वचनपाखें ग्‍याःपिं सकल मनूत जिथाय् मुंवल। सन्‍ध्‍याया बां बीगु इलय् तक जि अथे हे वातां जुयाः च्‍वनाच्‍वना।

अय्‍यूब 23:13

“तर छकः वय्‌कलं क्‍वःछिनादी धुंकाः सुनां वय्‌कःया मनयात हीके फइ? वय्‌कःयात छु याये मास्‍ति वः, व वय्‌कलं यानादी।

भजनसंग्रहया सफू 80:14

हे दक्‍व शक्ति दुम्‍ह परमेश्‍वर, जिपिंपाखे हाकनं लिफः स्‍वयादिसँ। स्‍वर्गं जिमित क्‍वःस्‍वयादिसँ, अले जिमिगु दुःख खंकादिसँ। थ्‍व दाखमाया सुसाःकुसाः यानादिसँ

भजनसंग्रहया सफू 80:7

दक्‍व शक्ति दुम्‍ह परमेश्‍वर, जिमित हाकनं छिपाखे लित ब्‍वनाहयादिसँ। जिमित थःगु ख्‍वाःया जलं खय्‌कादिसँ। अले जक जिपिं बचय् जुइ।

यर्मिया 27:12

यहूदाया जुजु सिदकियाहयात जिं थ्‍व फुक्‍क खँ नं धया। जिं धया, “बेबिलोनयाम्‍ह जुजुया जुवा थःगु ककुइ ति अले वयात व वया मनूतय्‌त सेवा या। अले छ म्‍वाइ।

यर्मिया 27:17

इमिगु खँ न्‍यने मते। बेबिलोनयाम्‍ह जुजुया अधीनय् च्‍वनाः वयागु सेवा या, छिपिं म्‍वाइ। थ्‍व शहरयात छाय् नाश जुइके बीगु।

यर्मिया 27:8

“‘“अय्‌नं छुं जाति वा देशं बेबिलोनयाम्‍ह जुजुया सेवा मयात धाःसा वा वया जुवाया क्‍वय् थःगु ककु मतल धाःसा जिं उगु जातियात वयागु ल्‍हातं नाश मयाःतले तरवार, अनिकाल व महामारीं सजाँय बी, जि, परमप्रभुं धाये।

यर्मिया 38:2

“परमप्रभुं थथे धयादी ‘सु थ्‍व शहरय् च्‍वनी व तरवार, अनिकाल व महामारीं सी। तर गुम्‍ह बेबिलोनीतय्‌थाय् वनाः आत्‍मसमर्पण याइ व म्‍वाइ। वं थःगु ज्‍यान बचय् याइ, अले व म्‍वाइ।’

यर्मिया 39:3

अले बेबिलोनयाम्‍ह जुजुया सकलें हाकिमत वयाः दथुइच्‍वंगु ध्‍वाखाय् च्‍वन। इपिं हाकिमत थुपिं खः - सम्‍गरयाम्‍ह नेर्गल-सरेसर, मू हाकिम नेबो-सर्सेकिम, छम्‍ह तःधंम्‍ह हाकिम नेर्गल-सरेसर व बेबिलोनयाम्‍ह जुजुया मेपिं सकलें हाकिमत।

यर्मिया 40:9

शापानया छय्, अहीकामया काय् गदल्‍याहं इपिं व इमि मनूतय्‌त साहस बीत पाफयाः थथे धाल, “बेबिलोनीतय्‌गु सेवा यायेत ग्‍याये मते। देशय् च्‍वनाः बेबिलोनयाम्‍ह जुजुया सेवा या! छिमिगु भिं जुइ।

यर्मिया 44:7

“आः दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – यहूदापाखें मिजंपिं, मिस्‍त, चीधिकःपिं मस्‍त व ह्याउँमस्‍त नाश याकाः सुं छम्‍ह हे ल्‍यं मदय्‌क छिमिसं थःपिन्‍के थज्‍याःगु विपत्ति छाय् हयेगु?

इजकिएल 8:4

अन जिगु न्‍ह्यःने जिं मैदानय् दर्शनय् खनागु थें हे इस्राएलया परमेश्‍वरया महिमा दु।

आमोस 5:27

अथे जुयाः दमस्‍कसं नं उखे तापाक जिं छिमित ज्‍वंकाछ्वये,” परमप्रभुं धयादी, गुम्‍हय्‌सिगु नां दक्‍व शक्ति दुम्‍ह परमेश्‍वर खः।