यर्मिया 38:10 - नेवाः बाइबल

¹⁰ अले जुजुं कूशी एबेद-मेलेकयात थथे धकाः आज्ञा बिल, “थनं स्‍विम्‍ह मनूनापं यंकाः यर्मिया अगमवक्ता अन सी न्‍ह्यः हे वयात तुंथिं लिका।”

यर्मिया 38:10 ပူးပေါင်းရင်းမြစ်များ

एस्‍तर 5:2

जुजुं एस्‍तर रानीयात चुकय् दनाच्‍वंगु खन। एस्‍तर रानीयात खनाः लय्‌ताल, अले ल्‍हातय् दुगु लुँया राजदण्‍ड व पाखे ल्‍ह्वन। एस्‍तर वनाः राजदण्‍डयागु च्‍वकाय् ज्‍वंवन।

एस्‍तर 8:7

जुजु अहासूरसं रानी एस्‍तर व यहूदी मोर्दकैयात धाल, “हामानं थथे यहूदीतय्‌त नाश यायेगु कुतः याःगलिं हे ला खनि जिं हामानया फुक्‍क सम्‍पत्ति एस्‍तरयात बियागु, अले फाँसीया निंतिं सिँयागु थामय् यख्‍खाबियागु खः।

भजनसंग्रहया सफू 75:10

परमेश्‍वरं धयादी, “दुष्‍टतय्‌गु शक्ति जिं न्‍हंकाबी। अले धर्मीतय्‌गु शक्ति अप्‍वय्‌काबी।”

हितोपदेश 21:1

जुजुया नुगः परमप्रभुया ल्‍हातिइ दु, गुबलय् मंदइ उबलय् वय्‌कलं थ्‍वयात खुसिचाया लः थें हीकादी।

यर्मिया 38:11

उकिं एबेद-मेलेकं उपिं मनूतय्‌त दरबारया धुकू क्‍वथाया क्‍वय्‌यागु छगू क्‍वथाय् यंकल। अनं भ्‍वाथः भ्‍वाथःगु वसः लिकाल, अले वं तुंथिइ यर्मियाया लागि खिपतं चिनाः व फुक्‍क क्‍वकयाबिल।

यर्मिया 38:7

अले दरबारय् च्‍वनाच्‍वंम्‍ह छम्‍ह हाकिम कूशी एबेद-मेलेकं यर्मियायात तुंथिइ क्‍वफात धयागु खँ न्‍यन। उबलय् जुजु बेन्‍यामीनया ध्‍वाखाय् च्‍वनाच्‍वंगु खः।

यर्मिया 38:9

“हे जिमि प्रभु, हे महाराज! थुपिं मनूतय्‌सं यर्मिया अगमवक्तायात तुंथिइ क्‍वफानाबियाः मभिंगु ज्‍या यात। अन व नये मखंक सी, छाय्‌धाःसा शहरय् आः छपा नं मरि मन्‍त।”