6 यर्मिया अगमवक्तायाथाय् परमप्रभुयागु थ्व वचन वल,
“स्वयादिसँ, शहर कब्जा यायेत बेबिलोनीतय्सं प्यखेरं घेरय् याःगु दु। तरवार, अनिकाल व महामारीया कारणं शहर इमिगु ल्हातय् लाइ। छिं धयादीगु फुक्क खँ आः पूवन, व छिं खं।
यहूदाया जुजु सिदकियाहं वयात थथे धयाः कुनातःगु खः, “छं छाय् थथे धयाः अगमवाणी ल्हानागु, ‘परमप्रभुं थथे धयादी – जिं थःम्हं हे थ्व शहर बेबिलोनया जुजुया ल्हातय् बीत्यनागु दु, वं थ्व का हे काइ।
अबलय् मिश्रयाम्ह जुजु फारोया सेना मिश्र देशं पिहां वःगु खः। थ्व खँ न्यनाः यरूशलेमयात घेरय् यानाच्वंपिं बेबिलोनी सेना यरूशलेमं लिचिल।
“परमप्रभु, इस्राएलयाम्ह परमेश्वरं थथे धयादी – छन्त जिथाय् न्यनेत छ्वयाहःम्ह यहूदाया जुजुयात थथे धा, ‘छन्त ग्वाहालि यायेत वःगु फारोया सेना हाकनं मिश्रय् हे लिहांवनी।
