यर्मिया 37:3 - नेवाः बाइबल

³ अय्‌नं सिदकियाह जुजुं शेलेम्‍याहया काय् यहूकल व मासेयाहया काय् सपन्‍याह पुजाहारीयात यर्मिया अगमवक्तायाथाय् थथे धाय्‌के छ्वल, “जिमिगु निंतिं परमप्रभु झी परमेश्‍वरयात प्रार्थना यानाब्‍यु।”

यर्मिया 37:3 ပူးပေါင်းရင်းမြစ်များ

१ राजा 13:6

जुजुं परमेश्‍वरया मनूयात धाल, “जिगु ल्‍हाः लनेमा धकाः परमप्रभु छिकपिनि परमेश्‍वरयात प्रार्थना यानादिसँ।” उकिं परमेश्‍वरया मनुखं परमेश्‍वरयात प्रार्थना यात। अले जुजुया ल्‍हाः न्‍हापा गथे खः अथे हे जुल।

प्रस्‍थान 10:17

उकिं जिगु पापयात हानं छकः क्षमा यानाब्‍यु। अले परमेश्‍वरयात थ्‍व महामारीयात जिथासं चीकाबीत प्रार्थना या।”

प्रस्‍थान 8:28

फारोनं धाल, “जिं छिमित मरुभूमिइ परमप्रभु छिमि परमेश्‍वरया निंतिं बां बीत वनेबी, तर यक्‍व तापाक्‍क धाःसा वने दइ मखु। आः जिगु निंतिं नं प्रार्थना या।”

प्रस्‍थान 8:8

अले फारोनं मोशा व हारूनयात सःतके छ्वयाः धाल, “परमप्रभुयात प्रार्थना यानाः फुक्‍क ब्‍यांचातय्‌त जि व जिमि मनूतय्‌थासं लित यंकि धा। अले परमप्रभुया निंतिं बां बीत छिमि मनूतय्‌त वनेबी।”

प्रस्‍थान 9:28

मलः जूगु व प्‍वँ गाःगु अप्‍वः जुइ धुंकल। आः परमप्रभुयात इनाप या। जिं छिमित वनेबी, छिमित पने मखु।”

यर्मिया 15:11

परमप्रभुं धयादिल, “हे यर्मिया, धात्‍थें हे जिं छन्‍त छंगु भिंया निंतिं बचय् याये। धात्‍थें हे जिं दुःख व संकटया इलय् छिमि शत्रुतय्‌त छलिसें बिन्‍ति याकेबी।

यर्मिया 2:27

इमिसं सिँयात धाइ, ‘छ जिम्‍ह अबु खः,’ अले ल्‍वहंयात धाइ, ‘छं जितः बुइकूगु खः।’ इमिसं थःगु ख्‍वाः मखु थःगु जँन्‍हुफाः जिपाखे स्‍वकूगु दु। अय्‌नं दुःख जुइबलय् इमिसं धाइ, ‘वयाः जिमित बचय् यानादिसँ!’

यर्मिया 29:21

जिगु नामं छिमित मखुगु अगमवाणी ल्‍हानाच्‍वंपिं कोलायाहया काय् आहाब व मासेयाहया काय् सिदकियाहया बारे दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी, “जिं थःम्‍हं हे इमित बेबिलोनयाम्‍ह जुजु नबूकदनेसरया ल्‍हातय् बी, वं छिमिगु न्‍ह्यःने हे इमित स्‍याइ।

यर्मिया 29:25

“दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – छं थःगु हे नामं यरूशलेमयापिं फुक्‍कं मनूतय्‌त व मासेयाहया काय् पुजाहारी सपन्‍याहयात व मेमेपिं फुक्‍क पुजाहारीतय्‌त पौ च्‍वल। छं सपन्‍याहयात थथे धाल,

यर्मिया 37:17

तःन्‍हु लिपा सिदकियाह जुजुं वयात सःतके छ्वत, अले थःगु दरबारय् यंकाः जुजुं सुं मदुगु थासय् वयात न्‍यन, “परमप्रभुपाखें छुं खँ दु ला?” यर्मियां धाल, “दु, छितः बेबिलोनयाम्‍ह जुजुया ल्‍हातय् लःल्‍हाइगु जुइ।”

यर्मिया 37:7

“परमप्रभु, इस्राएलयाम्‍ह परमेश्‍वरं थथे धयादी – छन्‍त जिथाय् न्‍यनेत छ्वयाहःम्‍ह यहूदाया जुजुयात थथे धा, ‘छन्‍त ग्‍वाहालि यायेत वःगु फारोया सेना हाकनं मिश्रय् हे लिहांवनी।

यर्मिया 38:1

मत्तानया काय् शपत्‍याह, पशहूरया काय् गदल्‍याह, शेलेम्‍याहया काय् यहूकल व मल्‍कियाहया काय् पशहूरं यर्मियां सकलें मनूतय्‌त थथे धयाच्‍वंगु ताल,

यर्मिया 42:1

सेनाया सकलें कप्‍तानत, कारेहया काय् योहानान व होशयाहया काय् येजन्‍याह, चिधंपिंनिसें ततःधंपिं सकलें मनूत यर्मिया अगमवक्तायात नापलाः वल।

यर्मिया 42:20

छिमिसं जितः परमप्रभु छिमि परमेश्‍वरयाथाय् छ्वयाः ‘जिमिगु निंतिं परमप्रभु झी परमेश्‍वरयात प्रार्थना यानादिसँ, जिमित वय्‌कलं धयादीगु छता छता खँ धयादिसँ, जिमिसं व याये’ धयाः छिमिसं थःम्‍हं थःत ध्‍वंलाःगु दु।

यर्मिया 52:24

बेबिलोनया सेनापतिं दकलय् तःधंम्‍ह पुजाहारी सरायाह व निगूगु थासय्‌याम्‍ह पुजाहारी सपन्‍याहयात व स्‍वम्‍ह पालेतय्‌त नं ज्‍वना यंकल।

गन्‍ती 21:7

मनूत मोशाया न्‍ह्यःने वयाः धाल, “जिमिसं परमप्रभु व छिगु विरोधय् खँ ल्‍हानाः पाप यानागु दु। जिमिगु न्‍ह्यःनें सर्पत चीकादिसँ धकाः परमप्रभुयात प्रार्थना यानादिसँ।” अले मोशां इमिगु लागिं प्रार्थना यात।

प्रेरित 8:24

अले सिमोनं थथे लिसः बिल – “छिं जितः धयादीगु छुं हे मजुइमा धकाः छिकपिन्‍सं हे प्रभुयात बिन्‍ति यानादिसँ।”

१ शमूएल 12:19

अले फुक्‍क मनूतय्‌सं शमूएलयात धाल, “जिपिं सीगुपाखें बचय् जुइमा धकाः परमप्रभु छिकपिनि परमेश्‍वरयाके जिपिं छिकपिनि दासतय्‌गु निंतिं प्रार्थना यानादिसँ। छाय्‌धाःसा जिमिसं थःपिनिगु निंतिं जुजु फ्‍वनाः अझ अप्‍वः पाप यानागु दु।”