यर्मिया 37:20 - नेवाः बाइबल

²⁰ तर आः हे जिमि प्रभु महाराज, जिगु बिन्‍ति स्‍वीकार यानादिसँ। जितः जोनाथनया छेँय् हाकनं छ्वयादी मते। मखुसा जि अन सी।”

यर्मिया 37:20 ပူးပေါင်းရင်းမြစ်များ

भजनसंग्रहया सफू 119:170

जिगु बिन्‍ति छिथाय् थ्‍यनेमा, छिगु बचंकथं जितः छुत्‍कारा बियादिसँ।

यर्मिया 26:15

तर थ्‍व खँ छिकपिन्‍सं पक्‍का सीकाति जितः स्‍यानादिल धाःसा थःके, थःगु शहरय् व थनच्‍वंपिं मनूतय्‌के दोष मदुम्‍हय्‌सिगु हिया दोष हइ, छाय्‌धाःसा परमप्रभुं हे थ्‍व फुक्‍क वचन न्‍यंकेत जितः छिमिथाय् छ्वयाहयादीगु खः।”

यर्मिया 36:7

सके इमिसं परमप्रभुयात प्रार्थना याइ ला। सकसिनं थथःगु मभिंगु पहःचहः त्‍वःती ला, छाय्‌धाःसा परमप्रभुं थ्‍व जातिया विरोधय् हये धयादीगु तं तःधं।”

यर्मिया 38:26

छं इमित थथे धा, ‘जितः जोनाथनया छेँय् सीत छ्वयादी मते धकाः जिं जुजुयात बिन्‍ति जक यानाच्‍वनागु खः।’”

यर्मिया 38:28

थुकथं यर्मिया यरूशलेम कब्‍जा याःबलय् तक पिवाःत च्‍वनीगु चुकय् हे च्‍वन। थ्‍व गुकथं यरूशलेमयात कब्‍जा यात धयागु खँ खः।

यर्मिया 42:2

अले इमिसं वयात धाल, “जिमिगु बिन्‍ति न्‍यनादिसँ, जिपिं बचय् जूपिनिगु निंतिं परमप्रभु छिकपिनि परमेश्‍वरयात प्रार्थना यानादिसँ। छाय्‌धाःसा न्‍हापा यक्‍व दुपिं जिपिं आः कम हे जक ल्‍यनाच्‍वंगु छिं खँ हे खं।