यर्मिया 37:18 - नेवाः बाइबल

¹⁸ हाकनं यर्मियां सिदकियाह जुजुयात धाल, “जिं छितः वा छिकपिनि भारदारतय्‌त वा छिकपिनि प्रजायात छु यानागु दु धकाः छिं जितः कालकोठरीइ कुनादियागु?

यर्मिया 37:18 ပူးပေါင်းရင်းမြစ်များ

उत्‍पत्ति 31:36

याकूब तंम्‍वल। अले वं लाबानयात हक्‍काः धाल, “जिं छु मभिंगु ज्‍या यानागु दु? जिं छु पाप यानागु दु धकाः छिं जितः थथे लिनादियागु?

हितोपदेश 17:13

भिंगुया पलेसा मभिंगु याइम्‍हय्‌सिया छेँनं मभिं धयागु गुबलें चिलावनी मखु।

हितोपदेश 17:26

भिंपिन्‍त दण्‍ड बीगु व बांलाःगु ज्‍या याःपिन्‍त सजाँय बीगु पाय्‌छि मजू।

यर्मिया 26:19

“छु! यहूदाया जुजु हिजकिया वा यहूदाया मेपिं सुनानं वयात स्‍यात ला? छु! जुजुं परमप्रभुयागु भय मकाः ला? परमप्रभुयाके दया मफ्‍वं ला? अले इमित नाश यायेत दय्‌कादीगु योजनायात वय्‌कलं पूरा यानाः मदिल। तर आः झीसं ला थःके तःधंगु सर्वनाश हयेत्‍यनागु मदु ला?”

दानिएल 6:22

जिं द्वंकागु मदु धकाः परमेश्‍वरं स्‍यूगुलिं वय्‌कलं थः दूत छ्वयाहयाः सिंहतय्‌गु म्‍हुतु तिनादिल। सिंहतय्‌सं जितः घाःपाः याःगु मदु। महाराज, जिं छःपिनिगु नं छुं स्‍यंकागु मदु।”

यूहन्‍ना 10:32

वय्‌कलं इमित धयादिल – “बाःयापाखें जिं छिकपिन्‍त यक्‍व हे भिंगु ज्‍या यानाः क्‍यनागु दु, उकी मध्‍ये छुकिं यानाः छिकपिन्‍सं जितः ल्‍वहँतं कय्‌केत्‍यना?”

प्रेरित 23:1

पावलं सभाय् चाकःछिं स्‍वयाः धाल – “दाजुकिजापिं, परमेश्‍वरया न्‍ह्यःने जिं थौं तक थःगु नुगः यचुकाः भिंगु ज्‍या याना वयाच्‍वनागु दु।”

प्रेरित 24:16

अय्‌जूगुलिं जिं मनूतय्‌गु न्‍ह्यःने नं परमेश्‍वरयागु न्‍ह्यःने नं थःत यचुकाः ज्‍या याना जुया।”

प्रेरित 25:11

जिं ज्‍यान सजाँय बीमाय्‌क छुं मभिंगु यानागु दुसा जि सीत नं न्‍ह्यचिलागु दु। इमिसं जितः पाः याःगु छुं नं सत्‍य मखुसेंलि जितः सुनानं इमिगु ल्‍हातय् लाके फइ मखु। जिं कैसरयात बिन्‍ति याये।”

प्रेरित 25:25

ज्‍यान सजाँय बीमाय्‌क वं अथे द्वंकूगु जिं छुं हे लुइके मफुत। वं कैसरयात बिन्‍ति याःगुलिं जिं वयात अन हे छ्वयेगु मतिइ तयागु दु।

प्रेरित 25:8

अले पावलं धाल – “जिं यहूदीतय्‌गु व्‍यवस्‍था, देगः, व कैसरयात मभिंकाः छुं नं धयागु मदु।”

प्रेरित 26:31

इपिं थथे हा हां पिहां वन – “थ्‍व मनुखं स्‍याये हे माःगु व कुने हे माःगु ला छुं नं ज्‍या याःगु मदु खनी।”

गलाती 4:16

सत्‍य खँ कनागुलिं जि छिमि शत्रु जुल ला?