यर्मिया 37:17 - नेवाः बाइबल

¹⁷ तःन्‍हु लिपा सिदकियाह जुजुं वयात सःतके छ्वत, अले थःगु दरबारय् यंकाः जुजुं सुं मदुगु थासय् वयात न्‍यन, “परमप्रभुपाखें छुं खँ दु ला?” यर्मियां धाल, “दु, छितः बेबिलोनयाम्‍ह जुजुया ल्‍हातय् लःल्‍हाइगु जुइ।”

यर्मिया 37:17 ပူးပေါင်းရင်းမြစ်များ

१ राजा 22:15

व थ्‍यंक वःबलय् जुजुं वयाके न्‍यन, “मीकाया जिमिसं रामोत-गिलादय् हमला याये ला कि मयाये?” वं धाल, “हमला यानादिसँ! धात्‍थें छिकपिं त्‍याइ। छाय्‌धाःसा परमप्रभुं उकियात जुजुया ल्‍हातय् बियादी।”

१ राजा 22:16

आहाबं वयात धाल, “परमप्रभुया नामय् छु सत्‍य खः जितः व जक धा धकाः जिं छन्‍त ग्‍वकः पाफय्‌केगु?”

२ राजा 25:7

इमिसं सिदकियाहया काय्‌पिन्‍त वयागु हे न्‍ह्यःने हेस्‍यात। अनंलि इमिसं वयागु मिखा ल्‍ह्वकाबिल। वयात कँय्‌या सिखलं चिनाः बेबिलोनय् यंकल।

यर्मिया 15:11

परमप्रभुं धयादिल, “हे यर्मिया, धात्‍थें हे जिं छन्‍त छंगु भिंया निंतिं बचय् याये। धात्‍थें हे जिं दुःख व संकटया इलय् छिमि शत्रुतय्‌त छलिसें बिन्‍ति याकेबी।

यर्मिया 21:7

जि, परमप्रभुं धाये, अनंलि यहूदाया जुजु सिदकियाह, वया हाकिमत महामारी, तरवार व अनिकालं बचय्‌जूपिं थ्‍व शहरय् दुपिं मनूतय्‌त बेबिलोनया जुजु नबूकदनेसर व इमित स्‍यायेत स्‍वयाच्‍वंपिं शत्रुतय्‌गु ल्‍हातय् जिं लःल्‍हानाबी। वं इमित तरवारं स्‍याइ, वं इमित त्‍वःती मखु अले दया नं याइ मखु, माया नं याइ मखु।’

यर्मिया 24:8

“‘तर व नये तकं मज्‍यूगु थें च्‍वंगु तसकं बांमलाःगु यःमरितय्‌त थें जिं यहूदाया जुजु सिदकियाह, वया भारदारत व यरूशलेमयापिं ल्‍यनाच्‍वंपिन्‍त व्‍यवहार याये, इपिं चाहे थ्‍व हे देशय् च्‍वनाच्‍वंगु जुइमा वा मिश्रय् वंगु जुइमा,’ परमप्रभुं धयादी।

यर्मिया 25:35

उबलय् फैजवाःतय्‌त शरण कायेगु थाय् दइ मखु। बथांया नायःतय्‌गु निंतिं बिस्‍युं वनेगु थाय् दइ मखु।

यर्मिया 37:3

अय्‌नं सिदकियाह जुजुं शेलेम्‍याहया काय् यहूकल व मासेयाहया काय् सपन्‍याह पुजाहारीयात यर्मिया अगमवक्तायाथाय् थथे धाय्‌के छ्वल, “जिमिगु निंतिं परमप्रभु झी परमेश्‍वरयात प्रार्थना यानाब्‍यु।”

यर्मिया 38:5

सिदकियाह जुजुं लिसः बिल, “व छिमिगु हे ल्‍हातय् दु। जुजुं ला छिमिगु विरोधय् छुं याये फइ मखु।”

यर्मिया 52:8

तर बेबिलोनी सिपाइँतय्‌सं सिदकियाहयात लित अले वयात यरीहोया ख्‍यलय् नापलाकल। वया फुक्‍क सिपाइँत वयात त्‍वःताः बिस्‍युं वन।

इजकिएल 7:26

छगू विपत्तिया ल्‍यू मेगु विपत्ति वइ अले छगू बांमलाःगु खबरया ल्‍यू मेगु बांमलाःगु खबर वइ। इमिसं अगमवक्तातपाखें दर्शन कायेत स्‍वइ। पुजाहारीतपाखें व्‍यवस्‍थाया शिक्षा व धर्म गुरुतपाखें सल्‍लाह तनावनी।

गन्‍ती 23:17

अले व बालाकयाथाय् लिहां वन। बालाक व मोआबया नायःत थःगु होमबलिया न्‍ह्यःने दनाच्‍वन। बालाकं आय्‌बुयाः न्‍यन, “परमप्रभुं छु धयादीगु दु?”

मर्कूस 6:20

छाय्‌धाःसा यूहन्‍ना धर्मीम्‍ह व पवित्रम्‍ह मनू खः धकाः स्‍यूगुलिं ग्‍यानाः वं यूहन्‍नायात मस्‍यासे तयातःगु खः। यूहन्‍नाया खँ न्‍यनेबलय् वया नुगः ल्‍वाकः बाकः जूसां वयागु खँ न्‍यने यः।