यर्मिया 36:4 - नेवाः बाइबल

⁴ उकिं यर्मियां नेरियाहया काय् बारूकयात सःतल अले बारूकं परमप्रभुं यर्मियायात धयादीगु फुक्‍क खँ यर्मियायागु म्‍हुतुं न्‍यनाः भ्‍वँतय् च्‍वल।

यर्मिया 36:4 ပူးပေါင်းရင်းမြစ်များ

यशैया 30:8

आः हुँ, वइतिनिगु ईया निंतिं सदां साक्षी जुइमा धकाः इमिगु निंतिं छगू ग्‍वरलय्, छगू सफूया थूलय् व च्‍व।

यशैया 8:1

परमप्रभुं जितः धयादिल, “तःपागु ग्‍वरः छपा का अले उकी हंचां कियाः ‘महेर-शालल-हाज-बज’ धकाः च्‍व।”

यर्मिया 25:13

“अले जिं व देशय् जिं व देशया बारे धयागु फुक्‍क खँ, अर्थात थ्‍व सफुलिइ च्‍वयातःगु फुक्‍क खँ पूवंके, गुगु खँ यर्मियां फुक्‍क जातिया विरोधय् अगमवाणी ल्‍हाःगु दु।

यर्मिया 30:2

“परमप्रभु, इस्राएलया परमेश्‍वरं थथे धयादी, ‘जिं छन्‍त धयागु फुक्‍क खँ छगू सफुलिइ च्‍व।

यर्मिया 32:12

अले जिमि ककाया काय् हनमेल, बुँ न्‍यानागु भ्‍वँतय् सही याःपिं साक्षीत व पिवाःया चुकय् च्‍वंपिं फुक्‍क यहूदी मनूतय् न्‍ह्यःने व भ्‍वँ जिं नेरियाहया काय्, महसेयाहया छय् बारूकयात बिया।

यर्मिया 36:14

सकलें हाकिमतय्‌सं कूशीया छुइ, शेलेम्‍याहया छय्, नतन्‍याहया काय् यहूदीयात बारूकयात थथे धाय्‌के छ्वत, “छं गुगु भ्‍वँया थू मनूतय्‌त ब्‍वनान्‍यंकागु खः व ज्‍वनाः वा।” उकिं नेरियाहया काय् बारूक थःगु ल्‍हातय् व भ्‍वँ ज्‍वनाः इमिथाय् वन।

यर्मिया 36:21

जुजुं यहूदायात भ्‍वंया थू काय्‌के छ्वत। वं व एलीशामाया क्‍वथां हल। अले वं जुजुयात व वया जःखः दनाच्‍वंपिं हाकिमतय्‌त ब्‍वना न्‍यंकल।

यर्मिया 36:23

यहूदीं भ्‍वँ थू प्‍वलाः च्‍वयातःगु स्‍वझ्‍वः प्‍यझ्‍वः ब्‍वनीगु, जुजुं व ब्‍वने धुंकूगु भाग चकुनं चानाः मकलय् तयाबीगु। व फुक्‍क भ्‍वँया थू मकलय् भस्‍म मजुतले वं अथे याना हे च्‍वन।

यर्मिया 36:26

उकिया पलेसा जुजुं थःकाय् यरहमेल, अज्रीएलया काय् सरायाह व अबदीलया काय् शेलेम्‍याहयात च्‍वमि बारूक व यर्मिया अगमवक्तायात ज्‍वनाः हयेगु आज्ञा बिल। तर परमप्रभुं इमित सुचुकादीगु खः।

यर्मिया 36:27

यर्मियां च्‍वकूगु थें बारूकं च्‍वःगु भ्‍वंया थू जुजुं छ्वय्‌काबी धुंकाः परमप्रभुया थ्‍व वचन यर्मियायाथाय् वल,

यर्मिया 36:28

“मेगु छथू भ्‍वँ कयाः यहूदाया जुजु यहोयाकीमं छ्वय्‌काब्‍यूगु न्‍हापायागु भ्‍वँतय् दुगु फुक्‍क वचन च्‍व!

यर्मिया 36:32

अले यर्मियां मेगु छथू भ्‍वँ हयाः नेरियाहया काय् च्‍वमि बारूकयात बिल। वं यहूदायाम्‍ह जुजु यहोयाकीमं छ्वय्‌काब्‍यूगु भ्‍वंया थूयागु फुक्‍क वचन यर्मियाया म्‍हुतुं न्‍यँन्‍यं उकी च्‍वल। उपिं वचनय् उपिं वचन थें ज्‍याःगु मेमेगु वचन नं तन।

यर्मिया 36:6

उकिं छ अपसंया दिं परमप्रभुया देगलय् हुँ अले जिगु म्‍हुतुं न्‍यनाः छं भ्‍वँतय् च्‍वःगु परमप्रभुया खँ मनूतय्‌सं ताय्‌क ब्‍वनान्‍यंकि।

यर्मिया 43:3

तर बेबिलोनीतय्‌सं जिमित स्‍यायेमा वा ज्‍वनाः बेबिलोनय् यंकेमा धयागु मतिइ तयाः नेरियाहया काय् बारूकं छन्‍त जिमिगु विरोधय् ग्‍वाकूगु खः।”

यर्मिया 51:59

यहूदाया जुजु सिदकियाहं राज्‍य यानाच्‍वंगु प्‍यंगूगु दँय् मासेयाहया छय्, नेरियाहया काय् मू हाकिम सरायाह जुजुलिसें बेबिलोनय् वंबलय् यर्मियां वयात थ्‍व वचन बिल।

यर्मिया 51:60

बेबिलोनय् याकनं वइगु विपत्तित यर्मियां छथू भ्‍वँतय् च्‍वःगु खः, वं च्‍वःगु फुक्‍क खँ बेबिलोनया बारे खः।

इजकिएल 2:9

अले जिं स्‍वया, जिं छपु ल्‍हाः जिपाखे न्‍ह्यज्‍याकाच्‍वंगु खना। उकी थूतुलातःगु भ्‍वं छथू दु,

दानिएल 7:1

बेलसजर बेबिलोनयाम्‍ह जुजु जूगु न्‍हापांगु दँय्, चान्‍हय् दानिएलं म्‍हगस व दर्शन खन। वं व म्‍हगसया मू खँ च्‍वल।

जकरिया 5:1

हाकनं जिं थस्‍वयाबलय् छगू भ्‍वंया थु ब्‍वयाच्‍वंगु खना।

रोमी 16:22

थ्‍व पौ च्‍वःम्‍ह जि तर्तियसयागु नं प्रभुयात विश्‍वास यानाच्‍वंपिं छिमित ज्‍वजलपा धयाहःगु दु।