यर्मिया 36:23 - नेवाः बाइबल

²³ यहूदीं भ्‍वँ थू प्‍वलाः च्‍वयातःगु स्‍वझ्‍वः प्‍यझ्‍वः ब्‍वनीगु, जुजुं व ब्‍वने धुंकूगु भाग चकुनं चानाः मकलय् तयाबीगु। व फुक्‍क भ्‍वँया थू मकलय् भस्‍म मजुतले वं अथे याना हे च्‍वन।

यर्मिया 36:23 ပူးပေါင်းရင်းမြစ်များ

१ राजा 22:27

अले वयात धा, ‘जुजुं थथे धयादी- थ्‍व मनूयात झ्‍यालखानाय् कुँ, अले जि याउँक लिहां मवतले वयात मरि व लः जक नके त्‍वंके या।’”

१ राजा 22:8

इस्राएलयाम्‍ह जुजुं यहोशापातयात धाल, “परमप्रभुयाके न्‍यनेत मेम्‍ह छम्‍ह मनू ला दु, तर व जितः तसकं मयः, छाय्‌धाःसा वं जिगु बारे भिंगु अगमवाणी ल्‍हाइ मखु। वं मभिंगु खँ जक धाइगु। व यिम्‍लाया काय् मीकाया खः।” यहोशापातं लिसः बिल, “जुजुं थथे धाये मज्‍यू।”

भजनसंग्रहया सफू 50:17

छन्‍त जिं स्‍यनेकने याःगु मयः, अले छं जिगु वचनयात क्‍वह्यंकीगु।

हितोपदेश 1:30

छिमिसं जिगु सल्‍लाह मन्‍यं! जिं न्‍वानागुलिइ छिमिसं च्‍यूताः मतः।

हितोपदेश 13:13

भिंगु सल्‍लाह मन्‍यंम्‍हय्‌सिनं दुःख सी माली, अले न्‍यंम्‍हय्‌सिनं सिरपाः कायेखनी।

हितोपदेश 19:21

मनूतय्‌गु नुगलय् थीथी कथंया ग्‍वसाः दयाच्‍वनी। तर परमप्रभुया ग्‍वसाः हे जक पूवनी।

हितोपदेश 21:30

परमप्रभुयागु विरोधय् सुं नं मनूया बुद्धि, ज्ञान व ग्‍वसाः ताःलाये फइ मखु।

हितोपदेश 29:1

न्‍ह्याक्‍व न्‍वाःसां मह्यूपिं मनूत न्‍ह्याक्‍व पनेत स्‍वःसां छन्‍हु आकाझाकां नाश जुयावनी।

हितोपदेश 5:12

अले छिमिसं धाइ, “जिं छाय् इलय् हे सय्‌के मफुत? छाय् जिं सुयागुं भिंगु खँयात नालाकाये मफुत?

यर्मिया 36:2

“छथू थूतुलातःगु भ्‍वँ कयाः उकी इस्राएल, यहूदा व मेगु फुक्‍क जातिया बारे जिं छन्‍त धयागु फुक्‍क खँ च्‍व। योशियाह जुजुया पालय् जिं छलिसें खँ ल्‍हानागु दिनंनिसें थौं तक जिं छु छु धया, व फुक्‍क खँ च्‍व।

यर्मिया 36:27

यर्मियां च्‍वकूगु थें बारूकं च्‍वःगु भ्‍वंया थू जुजुं छ्वय्‌काबी धुंकाः परमप्रभुया थ्‍व वचन यर्मियायाथाय् वल,

यर्मिया 36:28

“मेगु छथू भ्‍वँ कयाः यहूदाया जुजु यहोयाकीमं छ्वय्‌काब्‍यूगु न्‍हापायागु भ्‍वँतय् दुगु फुक्‍क वचन च्‍व!

प्रकाश 22:19

सुनानं थ्‍व अगमवाणीयागु सफुलिइ च्‍वंगु छुं वचन लिकाल धाःसा परमेश्‍वरं वयागु जीवनयागु सिमायागु फलया भाग नं मदय्‌कादी। अले वयात पवित्र शहरं पितिनी।