यर्मिया 36:12 - नेवाः बाइबल

¹² अनंलि व दरबारय् दरबारयाम्‍ह छ्यान्‍जेयागु क्‍वथाय् क्‍वहां वन। अन दरबारयापिं थुपिं हाकिमत च्‍वनाच्‍वंगु दु – छ्यान्‍जे एलीशामा, शमायाहया काय् दलायाह, अक्‍बोरया काय् एल्‍नातान, शापानया काय् गमर्याह, हनन्‍याहया काय् सिदकियाह व मेपिं सकलें हाकिमत।

यर्मिया 36:12 ပူးပေါင်းရင်းမြစ်များ

२ राजा 22:12

वं दकलय् तःधंम्‍ह पुजाहारी हिल्‍कियाह, शापानया काय् अहीकाम, मीकायाया काय् अक्‍बोर, छ्यान्‍जे शापान व जुजुनापं जुइम्‍ह असायाहयात थ्‍व उजं बिल,

२ राजा 22:14

पुजाहारी हिल्‍कियाह, अहीकाम, अक्‍बोर, शापान व असायाह दरबारया वसः स्‍वइम्‍ह हरहसया छय्, तिक्‍भाया काय् शल्‍लूमया कलाः अगमवादिनी हुल्‍दायाथाय् खँ ल्‍हायेत वन। व यरूशलेमया न्‍हूगु त्‍वालय् च्‍वनीगु खः।

२ राजा 22:3

थः जुजु जूगु झिंच्‍यागूगु दँय् योशियाह जुजुं मशुल्‍लामया छय्, असल्‍याहया काय् छ्यान्‍जे शापानयात थथे धयाः परमप्रभुया देगलय् छ्वत,

२ राजा 24:8

यहोयाकीन झिंच्‍यादँ दुबलय् जुजु जुल। वं यरूशलेमय् स्‍वला राज्‍य यात। वया मांया नां यरूशलेमयाम्‍ह एल्‍नातानया म्‍ह्याय् नहूस्‍ता खः।

यर्मिया 26:10

थ्‍व खँ न्‍यनाः यहूदाया हाकिमत जुजुया दरबारं परमप्रभुया देगलय् वल, अन परमप्रभुया देगःयागु न्‍हूगु मू लुखाया न्‍ह्यःने च्‍वन।

यर्मिया 26:22

अले यहोयाकीमं मिश्र देशय् अक्‍बोरया काय् एल्‍नातान व वनापं छुं मनूत छ्वल।

यर्मिया 26:24

तर शापानया काय् अहीकाम यर्मियाया पंलित। उकिं वयात स्‍यायेत इमिसं मनूतय्‌गु ल्‍हातय् मब्‍यू।

यर्मिया 36:25

एल्‍नातान, दलायाह व गमर्याहं जुजुयात उपिं भ्‍वंया थू छ्वय्‌कादी मते धकाः बिन्‍ति याःसां वं इमिगु खँ मन्‍यन।

यर्मिया 38:4

अले हाकिमतय्‌सं जुजुयात धाल, “थ्‍व मनूयात स्‍याये हे माः, छाय्‌धाःसा थ्‍वं थज्‍याःगु खँ ल्‍हानाः थ्‍व शहरय् ल्‍यनाच्‍वंपिं सिपाइँतय्‌त व मनूतय्‌त निराश याःगु दु। थ्‍वयात थुपिं मनूतय्‌त भिंकेगु मखु कि स्‍यंके मास्‍ति वः।”

यर्मिया 41:1

न्‍हय्‌गूगु लाय् एलीशामाया छय्, नतन्‍याहया काय् जुजु खलःयाम्‍ह व जुजुया हाकिमत मध्‍ये छम्‍ह इश्‍माएल झिम्‍ह मनूत ज्‍वनाः मिस्‍पाय् अहीकामया काय् गदल्‍याहयाथाय् वल। इपिंनापं च्‍वनाः नयाच्‍वंबलय्,