यर्मिया 35:9 - नेवाः बाइबल

⁹ जिमिसं च्‍वनेत छेँ दय्‌कागु मदु, न जिमिके दाखक्‍यब, न बुँ दु न पुसा दु।

यर्मिया 35:9 ပူးပေါင်းရင်းမြစ်များ

२ राजा 5:26

तर एलीशां धाल, “व मनू रथं क्‍वहां वयाः छन्‍त नापलाः वःबलय् जिगु आत्‍मा छनापं मदु धकाः ला? थ्‍व धिबा, वसः, जैतून व दाखक्‍यब, दास दासी, फइ व सा द्वहं कायेगु ई मखु।

भजनसंग्रहया सफू 37:16

मभिंपिन्‍के यक्‍व दुगु स्‍वयाः भिंपिन्‍के भतिचा जक दुगु हे बांलाः,

यर्मिया 35:7

छिमिसं गुबलें छेँय् दय्‌के मते, पुसा नं तये मते वा दाखक्‍यब नं दय्‌के मते। छिमिसं थज्‍याःगु ज्‍या गुबलें याये मते। तर जिवंकाःछि हे छिपिं पालय् च्‍वँ। अले छिपिं चाचाःहिला जुयाच्‍वंगु थ्‍व देशय् ताःई तक च्‍वनी।’

गन्‍ती 16:14

छिं जिमित दुरु व कस्‍ति बाः वयाच्‍वंगु देशय् हयादीगु मदु। अले जिमिगु अधिकारय् बुँ व दाखया क्‍यब नं बियादीगु मदु। छु! छितः थुपिं मनूतय्‌त दासतय्‌त थें व्‍यवहार याये मास्‍ति वः ला? जिपिं वये हे मखु।”

१ तिमोथी 6:6

खः, दुगुलिं लुधंकाः परमेश्‍वरयात मानय् यानाः च्‍वनेगु हे तःमि जुइगु खः।