यर्मिया 35:6 - नेवाः बाइबल

⁶ तर इमिसं लिसः बिल, “जिमिसं दाखमद्य त्‍वने मखु, छाय्‌धाःसा रेकाबया काय् जिमि पुर्खा योनादाबं जिमित थथे आज्ञा ब्‍यूगु खः, ‘छिमिसं व छिमि सन्‍तानतय्‌सं गुबलें दाखमद्य त्‍वने मते।

यर्मिया 35:6 ပူးပေါင်းရင်းမြစ်များ

उत्‍पत्ति 25:27

इपिं तःधि जुसेंलिं एसाव छम्‍ह बांलाःम्‍ह शिकारी व पिने जुयाः जुइम्‍ह जुल। याकूब धाःसा सोझाम्‍ह व छेँज्‍या जक याइम्‍ह जुल।

उत्‍पत्ति 36:7

इमिके यक्‍व सा द्वहं, फै-च्‍वलय् व मेमेगु यक्‍व वस्‍तुत दुगुलिं ज्‍वयेत थाय् मगानाः इपिं नापं च्‍वने मफुत।

२ राजा 10:15

येहू अनं वन। लँय् रेकाबया काय् यहोनादाबं वयात नापलात। येहूं वयात ज्‍वजलपा यानाः धाल, “छु झीगु मन छगू हे खः ला? छ सुयापाखे दु?” यहोनादाबं लिसः बिल, “जि छिपाखे दु।” येहूं धाल, “अथे खःसा छंगु ल्‍हाः जितः ब्‍यु।” वं अथे हे यात, येहूं वयात रथय् च्‍वनेत ग्‍वाहालि यात।

२ राजा 10:23

अले येहू व रेकाबया काय् यहोनादाब बालया देगलय् दुहां वन। येहूं बालयात पुजा याइपिं मनूतय्‌त धाल, “प्‍यखेरं स्‍व, थन छिपिंनापं बालयात पुजा याइपिं जक दु, परमप्रभुया सुं नं दास मदु धइगु खँ पक्‍का या।”

१ इतिहास 16:19

अबलय् छं ल्‍याखय् कम, यक्‍व हे कम, अले कनान देशय् परदेशी जुयाच्‍वंगु खः।

१ इतिहास 2:55

याबेसय् च्‍वंपिं शास्‍त्रीतय् सन्‍तान तिरातीत, शिम्‍मतीत व सुकातीत खः। थुपिं केनीत खः। इपिं रेकाबया घरानायाम्‍ह हम्‍मतया सन्‍तान खः।

भजनसंग्रहया सफू 105:12

अबलय् इपिं ल्‍याखय् कम, कनान देशय् इपिं परदेशी जक खः।

प्रस्‍थान 20:12

“छिमिसं थः मां-बौयात हनाबना या। अले परमेश्‍वरं छिमित बीत्‍यंगु देशय् छिपिं ताःईतक म्‍वाइ।

यर्मिया 35:10

तर जिपिं पालय् च्‍वंच्‍वनागु दु। जिमि पुर्खा योनादाबं जिमित आज्ञा ब्‍यूगु फुक्‍क खँ जिमिसं पालन यानागु दु।

यर्मिया 35:14

रेकाबया काय् योनादाबं थः काय्‌पिन्‍त दाखमद्य मत्‍वनेगु आज्ञा बिल अले इमिसं आज्ञा पालन यानावयाच्‍वंगु दु। थौं तक नं इमिसं दाखमद्य मत्‍वं। छाय्‌धाःसा इमिसं थः पुर्खाया आज्ञा पालन याःगु दु। तर जिं छिमित धयावयाच्‍वनागु दु अय्‌नं छिमिसं जिगु खँ न्‍यंगु मदु।

लेवी 10:9

“नापलायेगु पालय् वनेबलय् छ व छिमि काय्‌पिन्‍सं दाखमद्य वा थ्‍वँ त्‍वनाः वने मते, मखुसा छिपिं सी। थ्‍व छिमि पुस्‍तौं पुस्‍तातय्‌गु निंतिं न्‍ह्याबलेंया नियम खः।

लूका 1:15

थ्‍व मचा परमप्रभुया न्‍ह्यःने तसकं तःधं जुइ। वं अय्‌लाः थ्‍वँ छुं हे त्‍वनी मखु। मांया प्‍वाथंनिसें हे पवित्र आत्‍मां जायाच्‍वंम्‍ह जुइ।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

न्‍यायकर्ता 13:14

वं दाखया मां वःगु छुं नं नये मज्‍यू। दाखमद्य वा मेगु छुं नं काइगु त्‍वँसा वं त्‍वने मज्‍यू। वं अशुद्धगु नसा नये मज्‍यू। जिं छु छु आज्ञा बियागु दु वं व फुक्‍क मानय् यायेमाः।”

न्‍यायकर्ता 13:7

तर वं जितः धाल, ‘छं प्‍वाथय् दयाः छम्‍ह काय् बुइकी। थनिंनिसें छं दाखमद्य वा मेगु काइगु त्‍वँसा त्‍वने मते, अले अशुद्धगु नसा नये मते, छाय्‌धाःसा व मचा बूखुन्‍हुंनिसें सीगु दिं तक हे परमेश्‍वरया निंतिं अलग तःम्‍ह नाजिरी जुइ।’”