यर्मिया 35:4 - नेवाः बाइबल

⁴ अले जिं इमित परमप्रभुया देगलय् परमेश्‍वरया भक्त यिग्‍दल्‍याहया काय् हानानया काय्‌पिनिगु क्‍वथाय् हया। थ्‍व क्‍वथा धाःसा हाकिमतय्‌गु क्‍वथाया लिक्‍क दु, गुगु शल्‍लूमया काय् मासेयाहया पालेया लुखाया च्‍वसं दु।

यर्मिया 35:4 ပူးပေါင်းရင်းမြစ်များ

१ राजा 12:22

तर परमेश्‍वरया मनू शमायाहयाथाय् परमप्रभुया थ्‍व वचन वल,

१ राजा 13:1

यारोबाम बलि बीत वेदी लिक्‍क दनाच्‍वंबलय् परमप्रभुया आज्ञाकथं परमेश्‍वरया छम्‍ह मनू यहूदां बेथेलय् वल।

१ राजा 13:26

व खँ न्‍यनाः बुराम्‍ह अगमवक्तां धाल, “व परमप्रभुया वचन मानय् मयाःम्‍ह अगमवक्ता खः। उकिं परमप्रभुं थःम्‍हं धयादी थें वयात हमला यानाः स्‍यायेत सिंह छ्वयादिल।”

१ राजा 17:18

विधवा मिसां एलियायात धाल, “अय् परमेश्‍वरया मनू! छाय् छिं जिलिसें थथे यानादियागु? छु छि जिगु पाप लुमंकाबीत व जिमि काय्‌यात स्‍यायेत थन झायागु ला?”

१ राजा 17:24

अले विधवा मिसां एलियायात धाल, “छि परमेश्‍वरया मनू खः, अले छिगु म्‍हुतुं पिहां वःगु परमप्रभुया वचन सत्‍य खः धकाः आः जिं सिल!”

१ राजा 20:28

उम्‍ह अगमवक्तां आहाब जुजुयाथाय् वयाः थथे धाल, “परमप्रभुं थथे धयादी, ‘अरामीतय्‌सं परमप्रभु ला डाँडायाम्‍ह परमेश्‍वर खः तर मैदानयाम्‍ह मखु धाःगु दु। उकिं जिं थ्‍व तःधंगु सेनायात छंगु ल्‍हातय् लःल्‍हानाबी। अले छं जि हे परमप्रभु खः हे धकाः म्‍हसी।’”

२ राजा 1:9

अले जुजुं सेनाया छम्‍ह कप्‍तानयात वया नेय्‌म्‍ह मनूतनापं वयाथाय् छ्वल। उबलय् एलिया पहाडया च्‍वकाय् च्‍वनाच्‍वंगु खः। कप्‍तानं एलियायात धाल, “अय् परमेश्‍वरया मनू, जुजुं थथे धयादी, ‘याकनं क्‍वय् क्‍वहां वा।’ ”

२ राजा 12:9

अले यहोयादा पुजाहारीं छगः सनू कयाः उकिया पुसाय् प्‍वाः खनाबिल। उकियात परमप्रभुया देगःया ध्‍वाखाया जवपाखे वेदीया लिक्‍क तयाबिल। अले मू लुखाय् पाः च्‍वनिपिं पुजाहारीतय्‌सं परमप्रभुया देगलय् हःगु फुक्‍क धिबा उकी तयाबीगु।

२ राजा 25:18

अङ्गरक्षकतय् सेनापतिं दकलय् तःधंम्‍ह पुजाहारी सरायाह व निगूगु थासय्‌याम्‍ह पुजाहारी सपन्‍याहयात व स्‍वम्‍ह पालेतय्‌त नं ज्‍वना यंकल।

२ राजा 5:14

अले नामान यर्दन खुसिइ क्‍वहां वन। परमेश्‍वरया मनुखं धाःथें हे वं न्‍हय्‌क तक खुसिइ लुकुंबिल। वयागु म्‍ह चिधिकःम्‍ह मचाया म्‍ह थें जुल। अले व शुद्ध जुल।

२ राजा 5:20

परमेश्‍वरया मनू एलीशाया च्‍यः गेहजीं मनमनं धाल, “जिमि मालिकं थ्‍व अरामी नामानयात वं हःगु छुं मकासें याउँक छ्वल, धात्‍थें परमप्रभु म्‍वाःम्‍ह खः थें, जिं नामानया ल्‍युने ब्‍वाँय् वनाः वयाके छुं कयाः हये।”

२ राजा 6:10

उकिं परमेश्‍वरया मनुखं क्‍यंगु थासय् इस्राएलया जुजुं जाँचय् यानाः स्‍वल। एलीशां जुजुयात तःकः मछि ख्‍याच्‍वः बियां तुं च्‍वन, उकिं अज्‍याःगु थासय् व होश यानाच्‍वन।

२ राजा 7:17

इस्राएलयाम्‍ह जुजुं थःत तिबः बीम्‍ह कप्‍तानयात शहरया ध्‍वाखा जिम्‍मा ब्‍यूगु खः। जुजुं वयागु छेँय् नापलाः वंबलय् परमेश्‍वरया मनुखं अगमवाणी याःथें व कप्‍तानयात ध्‍वाखाय् मनूतय्‌सं तुतिं न्‍हुत्तुन्‍हुयाः स्‍यात।

२ राजा 7:2

जुजुयात तिबः बियाच्‍वंम्‍ह कप्‍तानं परमेश्‍वरया मनूयात धाल, “स्‍वइदिसँ, परमप्रभुं स्‍वर्गया झ्‍याः चाय्‌कादिल धाःसां थथे जुइ फइ ला?” एलीशां लिसः बिल, “व छं थःगु हे मिखां खनी, तर छं उकिं नयेदइ मखु।”

१ इतिहास 9:27

चान्‍हय् इपिं परमेश्‍वरया देगःया लिक्‍क च्‍वनीगु खः। छाय्‌धाःसा देगःया रक्षा यायेगु व सुथ पतिक देगःया ध्‍वाखात चाय्‌केगु ज्‍या इमिगु खः।

२ इतिहास 8:14

दाऊदं आज्ञा ब्‍यू थें वं पुजाहारीतय्‌त सेवाया ज्‍या यायेत पुचः पुचः यानाः पलिस्‍था यात। लेवीतय्‌त नं इमिगु प्रशंसा याय्‌गु ज्‍या व न्‍हियान्‍हिथं पुजाहारीतय्‌त ग्‍वाहालि बीगु ज्‍या बियातःगु दु। वं ध्‍वाखा पिवाःतय्‌गु ज्‍या याइपिं पुचः पुचःकथं तयातःगु दु। सोलोमनं परमेश्‍वरया मनू दाऊदं आज्ञा ब्‍यू थें फुक्‍क अथे हे यानातःगु दु।

भजनसंग्रहया सफू 84:10

हे परमेश्‍वर, छन्‍हु छिगु चुकय् च्‍वनेगु मेथाय् द्वःछिन्‍हु स्‍वयाः भिं। दुष्‍टतय्‌गु पालय् च्‍वनेगु स्‍वयाः जिमि परमेश्‍वरया देगःया ध्‍वाखा पिवाः जुइगु यः।

यर्मिया 21:1

सिदकियाह जुजुं मल्‍कियाहया काय् पशहूर व मासेयाहया काय् पुजाहारी सपन्‍याहयात यर्मियायाथाय् छ्वःबलय् परमप्रभुपाखें यर्मियायाथाय् वःगु वचन थ्‍व हे खः। इमिसं धाल,

यर्मिया 26:10

थ्‍व खँ न्‍यनाः यहूदाया हाकिमत जुजुया दरबारं परमप्रभुया देगलय् वल, अन परमप्रभुया देगःयागु न्‍हूगु मू लुखाया न्‍ह्यःने च्‍वन।

यर्मिया 35:3

उकिं जि यर्मियाया काय्, हबसिन्‍याहया छय् याजन्‍याह व वया किजापिं, वया सकलें काय्‌पिं अर्थात रेकाबीतय् फुक्‍क छेँजःपिन्‍त काःवना।

यर्मिया 52:24

बेबिलोनया सेनापतिं दकलय् तःधंम्‍ह पुजाहारी सरायाह व निगूगु थासय्‌याम्‍ह पुजाहारी सपन्‍याहयात व स्‍वम्‍ह पालेतय्‌त नं ज्‍वना यंकल।

इजकिएल 40:38

फुक्‍क मू ध्‍वखाःया दलानया न्‍ह्यःने लुखा दुगु क्‍वथा दु। अन इमिसं होमबलि सिलीगु।

इजकिएल 43:8

इमिसं थःगु लुखाखलु जिगु लुखाखलुया लिक्‍क व थःगु लुखाया थांत जिगु लुखाया थांया न्‍ह्यःने दय्‌कूबलय् जिगु व इमिगु दथुइ छगू पःखाः तःबलय् इमिगु घच्‍चाइपुगु व्‍यवहारपाखें इमिसं जिगु पवित्र नांयात अपवित्र यात। उकिं तंम्‍वय् जिं इमित नाश याना।

व्‍यवस्‍था 33:1

थः सिनावने न्‍ह्यः परमेश्‍वरया मनू मोशां इस्राएलीतय्‌त ब्‍यूगु सुवाः थ्‍व खः।

१ तिमोथी 6:11

अय् तिमोथी, परमेश्‍वरया मनू, छ थज्‍याःगु मभिंगु खं तापाक च्‍वनाच्‍वँ। परमेश्‍वरया न्‍ह्यःने धर्मी ठहरय् जुइगु, वय्‌कःयात मानय् यानाच्‍वनेगु व भिंम्‍ह जुयाच्‍वनेगु खँय् मन बिया च्‍वँ।

२ तिमोथी 3:17

परमेश्‍वरया मनूतय्‌सं न्‍ह्याथें ज्‍याःगु भिंगु ज्‍याखँ नं याये फयेमा धकाः धर्मशास्‍त्र बियातःगु खः।

यहोशू 14:6

यहूदायापिं छुं मिजंत गिलगालय् यहोशूयात नापलाः वल। अले कनज्‍जी यपुन्‍नेया काय् कालेबं वयात धाल, “परमेश्‍वरया मनू मोशायात कादेश-बर्नेय् परमप्रभुं छिगु व जिगु बारे धयादीगु खँ छिं सि हे स्‍यू।

१ शमूएल 2:27

परमप्रभुया छम्‍ह अगमवक्ता एलीयाथाय् वयाः थथे धाल, “परमप्रभुं थथे धयादी, ‘छु छिमि पुर्खात मिश्रय् फारोया दास जुयाच्‍वंबलय् जि इमिथाय् खनेदय्‌क मवया ला?