यर्मिया 35:2 - नेवाः बाइबल

² “रेकाबीया छेँजःपिन्‍थाय् वनाः इपिंलिसें खँ ल्‍हा, अले इमित परमप्रभुया देगःया छकु क्‍वथाय् यंकाः दाखमद्य त्‍वंकि।”

यर्मिया 35:2 ပူးပေါင်းရင်းမြစ်များ

१ राजा 6:10

वं देगःया प्‍यखेरं चिचिकुगु क्‍वथा दय्‌कल। छगू छगू क्‍वथा २.२ मिटर तजाः। अले स्‍वसिमाया सिँया धलिमं देगःनापं स्‍वाःगु दु।

१ राजा 6:8

दकलय् क्‍वय् च्‍वंगु तँया लुखा देगःया दच्‍छिनपाखे दु। अनं दथुइयागु व दकलय् च्‍वय्‌यागु तँय वनेत स्‍वहाने दु।

१ इतिहास 2:55

याबेसय् च्‍वंपिं शास्‍त्रीतय् सन्‍तान तिरातीत, शिम्‍मतीत व सुकातीत खः। थुपिं केनीत खः। इपिं रेकाबया घरानायाम्‍ह हम्‍मतया सन्‍तान खः।

१ इतिहास 23:28

लेवीतय्‌गु ज्‍या परमप्रभुया देगःयागु आराधनाया ज्‍याय् हारूनया सन्‍तानतय्‌त ग्‍वाहालि बीगु खः। चुक व कोथाया रेखदेख यायेगु, फुक्‍क पवित्र ज्‍वलं शुद्ध यायेगु, परमेश्‍वरया देगःयागु आराधनाया मे मेगु ज्‍या यायेगु,

१ इतिहास 28:12

वं थःम्‍हं बिचाः याःगु चुकत, उकिया प्‍यखेरं च्‍वंगु क्‍वथात, परमेश्‍वरया देगःया ज्‍वलंत व परमप्रभुयात छाःगु देछात तइगु क्‍वथाया नक्‍सा नं बिल।

१ इतिहास 9:26

प्‍यम्‍ह मू पिवाः च्‍वनिपिं मनूत नं लेवीत जुइगु। परमेश्‍वरयागु देगःया क्‍वथा व सम्‍पत्ति इमिगु जिम्‍माय् खः।

१ इतिहास 9:33

म्‍ये हालीपिं व बाजं थाइपिं लेवीत गुपिं लेवीतय् परिवारया नायःत खः। इमिगु लागि अलग यानातःगु क्‍वथाय् च्‍वनीगु। इमिसं छुं नं ज्‍या याये म्‍वाः, छाय्‌धाःसा इमित चान्‍हय् नं न्‍हिनय् नं ज्‍या यायेत सःतिगु।

२ इतिहास 3:9

न्‍यासः व न्‍हयेगू (५७०) ग्राम लुँ कयाः नकिं दय्‌कल। वं च्‍वय्‌यागु कोथा कोथाया अंगः नं लुं भुनाबिल।

२ इतिहास 31:11

अले हिजकियां परमप्रभुया देगलय् धुकूत दय्‌केत आज्ञा बिल। अनंलि उपिं धुकूत दय्‌के सिधय्‌कल।

एज्रा 8:29

उकिं छिमिसं थुपिं ज्‍वलं यरूशलेमय् परमप्रभुया देगःया कोथाय् मू पुजाहारीत, लेवीत व इस्राएलीतय् नायःतय् न्‍ह्यःने लनाः इमित मब्‍युतले छिमिसं थुपिं फुक्‍क ज्‍वलंया रक्षा या।”

नहेम्‍याह 13:5

उकिं वं तोबियायात छकू तःकूगु क्‍वथा छ्यलेत ब्‍यूगु जुयाच्‍वन। न्‍हापा व क्‍वथाय् अन्‍नबलि, धुपाँय् व देगःया सामान अले लेवीत, म्‍ये हालीपिं व देगलय् पिवाःतय्‌गु निंतिं झिब्‍वय् छब्‍व अन्‍न, न्‍हूगु दाखमद्य, चिकं व पुजाहारीतय्‌गु निंतिं देछात तइगु खः।

यर्मिया 35:3

उकिं जि यर्मियाया काय्, हबसिन्‍याहया छय् याजन्‍याह व वया किजापिं, वया सकलें काय्‌पिं अर्थात रेकाबीतय् फुक्‍क छेँजःपिन्‍त काःवना।

यर्मिया 35:4

अले जिं इमित परमप्रभुया देगलय् परमेश्‍वरया भक्त यिग्‍दल्‍याहया काय् हानानया काय्‌पिनिगु क्‍वथाय् हया। थ्‍व क्‍वथा धाःसा हाकिमतय्‌गु क्‍वथाया लिक्‍क दु, गुगु शल्‍लूमया काय् मासेयाहया पालेया लुखाया च्‍वसं दु।

यर्मिया 35:8

जिमिसं थः पुर्खा रेकाबया काय् योनादाबं जिमित आज्ञा ब्‍यूगु फुक्‍क खँ पालन यानागु दु। जिमिसं थःपिन्‍सं गुबलें दाखमद्य मत्‍वना, जिमि कलाःपिं व काय् म्‍ह्याय्‌पिन्‍सं नं मत्‍वं।

इजकिएल 40:16

मू ध्‍वाखाया दुनेया लुखाछेँया फुक्‍क अंगलय् ग्‍वाखंत दु। पिवाःत च्‍वनीगु कोथाया अंगलय्, पिवाःत च्‍वनीगु कोथातय्‌गु दथुइच्‍वंगु अंगलय् व दलानया अंगलय् ग्‍वाखंत दु, पिवाः च्‍वनीगु कोथातय्‌गु दथुइया अंगलय् ताय्‌गः सिमाया किपात कियातःगु दु।