यर्मिया 35:1 - नेवाः बाइबल

¹ यहूदाया जुजु योशियाहया काय् यहोयाकीमं राज्‍य यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः।

यर्मिया 35:1 ပူးပေါင်းရင်းမြစ်များ

२ राजा 23:34

फारो नेकोनं योशियाहया मेम्‍ह काय् एल्‍याकीमयात वया बौया थासय् जुजु दय्‌कल। वयागु नां हिलाः यहोयाकीम तल। वं यहोआहाजयात धाःसा मिश्र देशय् यंकल। व अन हे सित।

२ राजा 23:35

फारो नेकों फ्‍वंगु लुँ व वहः पुलेत यहोयाकीमं देशयापिं मनूतय्‌के कर काल। देशयापिं मनूतय्‌के इमिगु हैसियत कथं वहः व लुँ वं फारोयात बीत कर काल।

यर्मिया 1:3

योशियाहया काय् यहोयाकीम जुजु जुयाच्‍वंबलय् परमप्रभुया वचन वयाथाय् हाकनं वल। अनंलि परमप्रभुया वचन यहूदायाम्‍ह जुजु योशियाहया काय् सिदकियाहं राज्‍य यानाच्‍वंगु झिंछगूगु दँया न्‍याला दुबलय् तक, यरूशलेमयापिं मनूतय्‌त ज्‍वनाः देशं पिने मयंकुतले वया हे च्‍वन।

यर्मिया 25:1

यहूदाया जुजु योशियाहया काय् यहोयाकीमं राज्‍य यानाच्‍वंगु प्‍यंगूगु दँय् (थ्‍व दँ नबूकदनेसर बाबेलया जुजु जूगु न्‍हापांगु दँ खः) यहूदाया फुक्‍क मनूतय्‌गु बारे परमप्रभुया वचन यर्मिया अगमवक्तायाथाय् वल.

यर्मिया 26:1

योशियाहया काय् यहूदायाम्‍ह जुजु यहोयाकीमया शासनया शुरुया इलय् थ्‍व वचन परमप्रभुपाखें वल,

यर्मिया 27:20

गुगु सामान बेबिलोनया जुजु नबूकदनेसरं यहोयाकीमया काय्, यहूदाया जुजु यहोयाकीनयात यरूशलेमं ज्‍वनाः यहूदा व यरूशलेमयापिं ततःधंपिं मनूतलिसें बेबिलोनय् यंकूबलय् मयंकूगु खः,

यर्मिया 36:1

यहूदाया जुजु योशियाहया काय् यहोयाकीमं राज्‍य यानाच्‍वंगु प्‍यंगूगु दँय् परमप्रभुपाखें यर्मियायाथाय् वःगु वचन थ्‍व हे खः,

यर्मिया 36:29

यहूदायाम्‍ह जुजु यहोयाकीमयात थथे नं धा, ‘परमप्रभुं थथे धयादी – छं व भ्‍वंया थू छ्वय्‌काः थथे धाल, “छाय् छं व भ्‍वंया थूलय् बेबिलोनयाम्‍ह जुजु धात्‍थें वइ, अले थ्‍व देशयात नाश यानाः थनयापिं मनूत व पशुतय्‌त स्‍याइ धकाः च्‍वयागु?”

यर्मिया 36:9

यहूदाया जुजु योशियाहया काय् यहोयाकीमं राज्‍य यानाच्‍वंगु न्‍यागूगु दँया गुंगूगु लाय् यरूशलेमय् दुपिं सकलें मनूत व यहूदाया शहर शहरं वःपिं सकसिगु निंतिं परमप्रभुया न्‍ह्यःने छगू अपसं च्‍वनेगु ई घोषणा यात।

यर्मिया 46:2

यूफ्रेटिस खुसि सिथय् च्‍वंगु कर्कमीशय् योशियाहया काय् यहूदाया जुजु यहोयाकीमं राज्‍य यानाच्‍वंगु प्‍यंगूगु दँय् बेबिलोनया जुजु नबूकदनेसरं त्‍याकूम्‍ह मिश्र देशयाम्‍ह जुजु फारो नेकोया सेनाया बारे,

दानिएल 1:1

यहूदा देशय् यहोयाकीम जुजु जूगु स्‍वंगूगु दँय् बेबिलोन देशयाम्‍ह जुजु नबूकदनेसरं यरूशलेमय् वयाः उकियात घेरय्‌ यात।