यर्मिया 34:9 - नेवाः बाइबल

⁹ वं फुक्‍कसित थःगु हिब्रू जातिया दासदासीतय्‌त छुत्‍कारा बीत व सुनानं थः यहूदी मनूय्‌त दास दय्‌के मते धकाः आज्ञा ब्‍यूगु खः।

यर्मिया 34:9 ပူးပေါင်းရင်းမြစ်များ

उत्‍पत्ति 14:13

लडाइँनं बिस्‍युं वःम्‍ह छम्‍हय्‌सिनं वयाः हिब्रू अब्रामयात थ्‍व खँ कन। उबलय् व एमोरी मम्रें पिनाथकूगु सिमात दुथाय् च्‍वनाच्‍वंगु खः। उबलय् व मम्रेया दाजु एश्‍कोल व आनेरलिसे मिले जुयाः च्‍वनाच्‍वंगु खः।

उत्‍पत्ति 40:15

छाय्‌धाःसा धात्‍थें धायेमाल धाःसा जितः हिब्रूतय्‌गु देशं खुयाहःगु खः। अले जिं थन झ्‍यालखानाय् लाइगु ज्‍या नं छुं यानागु मदु।”

प्रस्‍थान 2:6

वं पिचा चाय्‌काः स्‍वःबलय् ख्‍वयाच्‍वंम्‍ह मचायात खनाः वयात माया वन, अले वं धाल, “थ्‍व सुं हिब्रूतय् मचा खः।”

प्रस्‍थान 3:18

“अले इस्राएलया थकालितय्‌सं छंगु खँ न्‍यनी। अनं लिपा छं इपिं नापं मिश्रया जुजुयाथाय् वनाः थथे धा, ‘हिब्रूतय् परमप्रभु परमेश्‍वरं जिमित नापलानादीगु दु। उकिं जिमित जिमि परमप्रभु परमेश्‍वरयात बां बीत स्‍वन्‍हुया लँपुया मरुभूमिइ वनेबियादिसँ धकाः इनाप याये।’

यर्मिया 25:14

छाय्‌धाःसा यक्‍व जातिं व ततःधंपिं जुजुपिन्‍सं इमित दास दय्‌की। जिं इमिगु ज्‍या व ल्‍हाःया ज्‍याकथं इमित फल बी।”

यर्मिया 27:7

वयागु थःगु जाति पतन जुइगु ई मवतले थ्‍व फुक्‍क जातिं वयागु, वया काय्‌यागु व वया छय्‌यागु सेवा याइ। अनंलि यक्‍व जाति व ततःधंपिं जुजुपिन्‍सं वयात थःगु बसय् तइ।

यर्मिया 30:8

“‘दक्‍व शक्ति दुम्‍ह परमप्रभुं धयादी, उखुन्‍हु जिं व जुवा इमिगु ककुं त्‍वथुलाबी, अले इमिगु सिखः कुचा कुचा यानाबी। इपिं हाकनं विदेशीतय् दास जुइ मखु।

यर्मिया 34:10

उकिं थ्‍व बाचाय् दुथ्‍याःपिं हाकिमत व मनूत सकसिनं थःथः दास दासीयात स्‍वतन्‍त्र यानाबीगु व हाकनं दास मदय्‌केगु खँ स्‍वीकार यात। इपिं मानय् जुल अले इमित स्‍वतन्‍त्र यानाबिल।

१ कोरिन्‍थी 6:8

छिपिं थःपिन्‍सं हे अन्‍याय याइगु। थः हे दाजुकिजापिन्‍त थगय् याइगु।

२ कोरिन्‍थी 11:22

इपिं हिब्रू खःसा, जि नं हिब्रू खः। इपिं इस्राएली खःसा, जि नं इस्राएली खः। इपिं अब्राहामया सन्‍तान खःसा, जि नं अब्राहामया सन्‍तान खः।

व्‍यवस्‍था 15:12

छिमि सुं हिब्रू दाजुकिजा वा तताकेहेँनं थःत थःम्‍हं छिमिगु ल्‍हातय् मिल अले वं खुदँ तक छिमिगु सेवा यात धाःसा न्‍हय्‌दँ क्‍यनीबलय् वयात त्‍वःताछ्वयेमाः।

फिलिप्‍पी 3:5

बुयाः च्‍यान्‍हु दुखुन्‍हु हे जितः म्‍हय् चिं तय्‌कूगु खः। जि बूसांनिसें हे इस्राएली खः, अज्‍ज ला बेन्‍यामीन कुलयाम्‍ह हिब्रू खः। धर्मयागु खँय् हे नं व्‍यवस्‍था मानय् याइम्‍ह फरिसी खः।

१ शमूएल 14:11

अथे जुयाः इपिं पलिश्‍तीतय्‌गु छाउनीइ खनेदय्‌क वन। अले पलिश्‍तीतय्‌सं धाल, “स्‍वसा, हिब्रूत थः सुचुला च्‍वंगु प्‍वालं पिहां वयाच्‍वंगु दु।”

१ शमूएल 4:6

पलिश्‍तीतय्‌सं नं व सः ताल अले इमिसं धाल, “हिब्रूतय्‌गु छाउनीइ थथे ततःसलं छाय् हाला हःगु?” अले इमिसं परमप्रभुया बाचाया सनू हिब्रूतय्‌गु पालय् थ्‍यंके हल धकाः सीकल।

१ शमूएल 4:9

हे पलिश्‍तीत, बल्‍ला व साहसी जु! तसकं बल्‍लाःपिं मनूतय्‌सं थें ज्‍या या, मखुसा गथे झीसं हिब्रूतय्‌त दास दासी यानागु खः अथे हे झीपिं हिब्रूतय्‌गु दास दासी जुइमाली। तसकं बल्‍लाःपिं मनूतय्‌सं थें लडाइँ या!”