यर्मिया 34:5 - नेवाः बाइबल

⁵ छ याउँक सी। गथे छ स्‍वयाः न्‍ह्यःयापिं छिमि पुर्खा जुजुपिं सीबलय् इमिगु इज्‍जतया निंतिं मनूतय्‌सं मि च्‍याकूगु खः, अथे हे छंगु इज्‍जतया निंतिं नं इमिसं मि च्‍याकाः “हाय, मालिक” धाधां छंगु लागि नुगः मछिंकी। जिं थःम्‍हं नं थ्‍व बचं बी, परमप्रभुं धयादी।’”

यर्मिया 34:5 ပူးပေါင်းရင်းမြစ်များ

२ राजा 22:20

उकिं जिं छन्‍त छिमि पुर्खात थें सिनावनेबी, जिं छन्‍त याउँक थुने। थ्‍व थासय् जिं हयेगु विपत्ति छं स्‍वयेमाली मखु।’” अले इमिसं लिहां वयाः जुजुयात थ्‍व खबर बिल।

२ इतिहास 16:14

दाऊदया शहरय् वयात वं थःम्‍हं थःगु निंतिं ल्‍वहं कियाः दय्‌कातःगु चिहानय् थुनाबिल। इमिसं वयात थीथी कथंयागु नस्‍वाःगु मसलां जाःगु खाताय् तयाबिल। व मसला अत्तर दय्‌कीपिन्‍सं बांलाक तयार याःगु खः। अले इमिसं वयागु लुमन्‍तिइ ह्वाना ह्वाना मि च्‍याकल।

२ इतिहास 34:28

उकिं जिं छन्‍त छिमि पुर्खातनापं हे मुंके, छन्‍त थःगु चिहानय् याउँक थुनी।” “थ्‍व थाय् व थनच्‍वंपिं मनूतय्‌के जिं हयेगु विपत्ति स्‍वयेत छ म्‍वानाच्‍वनी मखु।” अथे जुयाः इमिसं थ्‍व लिसः जुजुयाथाय् हल।

यर्मिया 22:18

अथे जुयाः यहूदाया जुजु योशियाहया काय् यहोयाकीमया बारे परमप्रभुं थथे धयादी, “‘हाय, जिमि किजा! हाय, जिमि केहेँ!’ धयाः इपिं वयागु निंतिं ख्‍वइ मखु। ‘हाय, जिमि मालिक! हाय, वय्‌कःया गौरव!’ धयाः इपिं वयागु लागि ख्‍वइ मखु।

यर्मिया 34:4

“‘अय्‌नं हे यहूदायाम्‍ह जुजु सिदकियाह, परमप्रभुयागु थ्‍व वचन न्‍यँ। छंगु बारे परमप्रभुं थथे धयादी – छन्‍त तरवारं स्‍याइगु जुइ मखु।

विलाप 4:20

परमप्रभुया अभिषेक जूम्‍ह जुजु, जिमिगु प्राण इमिगु पन्‍जलय् लात। वय्‌कःयागु सुरक्षाय् जिपिं मेपिं जातितय्‌गु दथुइ सुरक्षित च्‍वने दइ धकाः जिमिसं बिचाः यानागु खः।

इजकिएल 17:16

“‘गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, व बेबिलोनय् सी। वयात बेबिलोनयाम्‍ह जुजुं गद्दीइ तःगु खः, वं वलिसें पाफःगु खँयात हेला याःगु खः, अले वं वलिसें याःगु सन्‍धि त्‍वाःथूगु खः।

दानिएल 2:46

अले जुजु नबूकदनेसरं दानिएलयात हनाबना तयाः बँय् भ्‍वसुलाः भागि यात। अले वयात देछा व धुपाँय् छायेगु आज्ञा बिल।

१ शमूएल 31:12

अले इमि तसकं बल्‍लाःपिं मनूत चच्‍छि न्‍यासि वनाः शाऊल व वया काय्‌पिनिगु सीम्‍ह बेथ-शानया पःखलं लिकयाः याबेशय् हल अले उपिं सीम्‍हत छ्वय्‌काछ्वत।