यर्मिया 34:4 - नेवाः बाइबल

⁴ “‘अय्‌नं हे यहूदायाम्‍ह जुजु सिदकियाह, परमप्रभुयागु थ्‍व वचन न्‍यँ। छंगु बारे परमप्रभुं थथे धयादी – छन्‍त तरवारं स्‍याइगु जुइ मखु।

यर्मिया 34:4 ပူးပေါင်းရင်းမြစ်များ

२ इतिहास 18:18

मीकायां हानं धाल, “उकिं आः परमप्रभुया थ्‍व वचन न्‍यनांदिसँ। जिं परमप्रभुयात थःगु सिंहासनय् च्‍वनादीगु व स्‍वर्गया फुक्‍क सेना वय्‌कःया जवय् व खवय् दनाच्‍वंगु खना।

यर्मिया 2:4

हे याकूबया घराना, इस्राएलया घराना, परमप्रभुया वचन न्‍यँ।

यर्मिया 32:5

वं सिदकियाहयात बेबिलोनय् यंकी, जिं वयागु न्‍याय मयाःतले व अन हे च्‍वनी।’ परमप्रभुं धयादी, ‘छिपिं बेबिलोनीतनापं ल्‍वाःसां छिपिं ताःलाइ मखु।’”

यर्मिया 34:3

वयागु ल्‍हातं छ बचय् जुइ फइ मखु। तर धात्‍थें हे छन्‍त ज्‍वनाः वयागु ल्‍हातय् बिइगु जुइ। छं बेबिलोनयाम्‍ह जुजुयात थःगु हे मिखां खनी। छं वलिसे चुलिंचू च्‍वनाः खँ ल्‍हाइ अले छ बेबिलोनय् वनी।

यर्मिया 34:5

छ याउँक सी। गथे छ स्‍वयाः न्‍ह्यःयापिं छिमि पुर्खा जुजुपिं सीबलय् इमिगु इज्‍जतया निंतिं मनूतय्‌सं मि च्‍याकूगु खः, अथे हे छंगु इज्‍जतया निंतिं नं इमिसं मि च्‍याकाः “हाय, मालिक” धाधां छंगु लागि नुगः मछिंकी। जिं थःम्‍हं नं थ्‍व बचं बी, परमप्रभुं धयादी।’”

यर्मिया 7:2

“परमप्रभुया देगःया मू लुखाय् दनाः थ्‍व खँ न्‍यंकि, “‘परमप्रभुया आराधना यायेत थ्‍व मू लुखां दुहां वःपिं छिपिं यहूदायापिं सकलें मनूत, परमप्रभुया वचन न्‍यँ।

होशे 4:1

अय् इस्राएलीत, परमप्रभुया वचन न्‍यँ! छाय्‌धाःसा थ्‍व देशय् च्‍वंपिन्‍त परमप्रभुया द्वपं दु – “थ्‍व देशय् विश्‍वास याये बहसू मदु। सदां दइगु दयामाया मदु, व परमेश्‍वरया बारे ज्ञान नं मदु।