यर्मिया 34:18 - नेवाः बाइबल

¹⁸ बाचा चिनेगु ज्‍याःझ्‍वलय् छिमिसं द्वहंयात निब्‍वयाना पाली, अले उकिया दथुं न्‍यासि वनी। तर छिपिं यरूशलेमया मनूतय्‌सं जिगु बाचा त्‍वःथूगु दु अले जिगु न्‍ह्यःने जिगु बाचाया शर्त पालन याःगु मदु। उकिं छिमिसं उम्‍ह द्वहंयात याः थें जिं छिमित याये।

यर्मिया 34:18 ပူးပေါင်းရင်းမြစ်များ

उत्‍पत्ति 15:10

अब्रामं फुक्‍कं हल। अले वं इमित बाम्‍हय् लाक्‍क पालाः निकू निकू यानाः जवय् खवय् लाकाः तयाबिल। वं सुकुभत्तु व बखुंयात धाःसा निकू मयाः।

उत्‍पत्ति 15:8

अब्रामं धाल, “परमप्रभु परमेश्‍वर, थ्‍व थाय् जिगु जुइ धकाः जिं गय् यानाः सीकेगु?”

भजनसंग्रहया सफू 50:1

दक्‍व शक्ति दुम्‍ह परमप्रभु परमेश्‍वरं पुर्बंनिसें पच्‍छिम तक संसारय् च्‍वंपिं फुक्‍क मनूतलिसे नवानादीगु दु, अले सःतादीगु दु।

होशे 6:7

इमिसं ला आदमं थें बाचा त्‍वाथल। इमिसं अन जिगु विरोधय् विश्‍वास यायेबहः मजुइक व्‍यवहार यात।

होशे 8:1

“तुरही पु! छम्‍ह इमा परमप्रभुया देगलय् च्‍वय् ब्‍वयाच्‍वंगु दु, छाय्‌धाःसा मनूतय्‌सं जिगु बाचा त्‍वथूगु दु, अले जिगु व्‍यवस्‍थाया विरोधय् विद्रोही जूगु दु।

रोमी 2:8

ल्‍वापु यानाजुइपिं, सत्‍य खँ मानय् मयाइपिं, दुष्‍ट ज्‍याखँ यानाजुइपिं मनूतय्‌त परमेश्‍वरया क्रोध व तःधंगु तं लाइ।

व्‍यवस्‍था 17:2

परमप्रभु छिमि परमेश्‍वरं छिमित बियादीगु शहरय् छिमिगु दथुइ च्‍वनीम्‍ह सुं मिसा वा मिजंनं परमप्रभु छिमि परमेश्‍वरयागु मिखाय् मभिंगु ज्‍या यानाः बाचायात त्‍वाथुलाः

यहोशू 23:16

परमप्रभु छिमि परमेश्‍वरं छिपिंलिसें चिनादीगु बाचा छिमिसं मानय् मयात धाःसा अले मेपिं द्यःतय्‌गु सेवा व पुजायात धाःसा वय्‌कलं थःगु तम्‍वय् छिमित सजाँय बियादी। अले वय्‌कलं छिमित बियादीगु थ्‍व भिंगु देशं छिपिं याकनं नाश जुयावनी।”

यहोशू 7:11

इस्राएलं पाप याःगु दु। जिं इपिंलिसें चिनागु बाचा इमिसं त्‍वाथूगु दु। देछायेमाःगु धनमालं इमिसं छुं काःगु दु, इमिसं खुया काःगु दु। इमिसं मखुगु खँ ल्‍हानाः उकियात थःगु धनमालनापं तःगु दु।