यर्मिया 34:16 - नेवाः बाइबल

¹⁶ तर आः छिमिसं मन हीकाः जिगु नांयात अशुद्ध याःगु दु। छिपिं सकसिनं थःपिन्‍सं इमिगु इच्‍छा कथं त्‍वःताः स्‍वतन्‍त्र यानाब्‍यूपिं थः दासदासीतय्‌त हाकनं जबरजस्‍ती थः दास दासी दय्‌कल।

यर्मिया 34:16 ပူးပေါင်းရင်းမြစ်များ

प्रस्‍थान 20:7

“जिगु नां कयाः मखुगु पाफयाः थः परमेश्‍वरया नां क्‍वह्यंके मते। म्‍वाय्‌कं म्‍वाय्‌कं वय्‌कःया नां काइम्‍हय्‌सित वय्‌कलं सजाँय बियादी।

यर्मिया 34:11

तर लिपा इमिसं थःगु मन हीकल अले थःम्‍हं स्‍वतन्‍त्र यानाब्‍यूपिं दासदासीतय्‌त हयाः हाकनं इमित दास दासी दय्‌कल।

इजकिएल 13:22

छिमिसं मखुगु खँ ल्‍हानाः धर्मीतय्‌त निराश यात, तर जितः इपिं निराश जूगु मयः। छिमिसं दुष्‍टतय्‌त थःगु मभिंगु पहःचहः मत्‍वःतेत हःपाः बिल, इमिसं मभिंगु पहःचहः त्‍वःतूगु जूसा इमिगु प्राण बचय् जुइगु।

इजकिएल 18:24

“तर धर्मी मनुखं थःगु धार्मिकता त्‍वःताः पापयात, अले दुष्‍ट मनुखं याःगु घच्‍चाइपुगु ज्‍या यात धाःसा छु व म्‍वाइ ला? वं न्‍हापा याःगु छुं नं धर्मया ज्‍या लुमंकीगु जुइ मखु। वयागु विश्‍वासघात व वं याःगु पापया कारणं व सी।

इजकिएल 20:39

“‘हे इस्राएलया घराना, छिमिगु बारे, परमप्रभु परमेश्‍वरं थथे धयादी – वनाः छिपिं सकसिनं थथःगु मूर्तियात पुजा या! तर लिपा छिमिसं धात्‍थें हे जिगु खँ न्‍यनी, अले छिमिसं जिगु पवित्र नांयात थःगु कोसेलि व मूर्तितपाखें गुबलें अशुद्ध याइ मखु।’

इजकिएल 3:20

“हाकनं सुं धर्मी मनू थःगु धार्मिकतां लिहां वयाः मभिंगु ज्‍या यात, धाःसा जिं वयागु न्‍ह्यःने लुफिं हाइगु ल्‍वहं तये अले इपिं सी। छं वयात ख्‍याच्‍वः मब्‍यूगुलिं इपिं थःगु हे पापया कारणं सी। इमिसं याःगु धर्मया ज्‍यायात लुमंकीगु जुइ मखु। इमिगु हियागु ल्‍याःचाः जिं छंके काये।

इजकिएल 39:7

“‘जिं थःगु पवित्र नां जिगु प्रजा इस्राएलया दथुइ क्‍यने। जिं थःगु पवित्र नांयात अपमान याकेबी मखु। अले जात जातिं जि परमप्रभु हे इस्राएलया पवित्र परमेश्‍वर खः धकाः सी।

लेवी 19:12

“‘जिगु नां कयाः मखुगु पाफयाः थः परमेश्‍वरया नां क्‍वह्यंके मते। जि परमप्रभु छिमि परमेश्‍वर खः।

मलाकी 1:12

“छिमिसं धाःसा ‘परमप्रभुया टेबिल अशुद्धगु खः’ अले ‘उकी दुगु नयेगु नसा नं अशुद्धगु खः’ धकाः धयाः ‘जिगु नां क्‍वह्यंकाच्‍वंगु दु।’

मलाकी 1:7

“छिमिसं अशुद्धगु नसा जिगु वेदीइ छानाः जितः अशुद्ध याःगु दु। “अय्‌नं छिमिसं न्‍यनी, ‘जिमिसं छितः गुकथं अशुद्ध यानागु दु?’ “परमप्रभुया टेबिल हनाबना यायेबहः मजू” धकाः धया।

१ शमूएल 15:11

“शाऊलयात जुजु यानाः जि तसकं पस्‍ताय् चाःगु दु, छाय्‌धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्‍छि ख्‍वयाः परमप्रभुयात बिन्‍ति यात।