यर्मिया 33:9 - नेवाः बाइबल

⁹ अले थुकिया निंतिं जिं यानागु फुक्‍क भिंगु भिंगु ज्‍याया बारे न्‍यनीपिं थ्‍व संसारया फुक्‍क जातितय्‌गु न्‍ह्यःने थ्‍व शहरं जितः नां, लसता व हनाबना हयाबी। जिं थुकिया लागि यानागु फुक्‍क भिंगु ज्‍याया बारे उपिं जातितय्‌सं न्‍यनी, अले जिं थुकियात बियागु गाक्‍क सुख शान्‍तिया कारणं इपिं ग्‍यानाः थुरथुर खाइ।’

यर्मिया 33:9 ပူးပေါင်းရင်းမြစ်များ

२ इतिहास 20:29

परमप्रभुं हे इस्राएलया शत्रुतलिसें लडाइँ यानादिल धयागु खँ न्‍यनाः देश देशया फुक्‍क जातियापिं मनूत परमेश्‍वर खनाः ग्‍यात।

नहेम्‍याह 6:16

जिमि शत्रुतय्‌सं थ्‍व खँ न्‍यंबलय् अले जःखः च्‍वंपिं फुक्‍क मेगु जातियापिन्‍सं थ्‍व खंबलय् इपिं तसकं लज्‍या चाल। अले थ्‍व ज्‍या जिमि परमेश्‍वरया ग्‍वाहालिं पूवंगु खः धकाः इमिसं सिल।

एस्‍तर 8:17

जुजुया उजं पौ थ्‍यंगु फुक्‍क प्रान्‍तय् व फुक्‍क शहरय् यहूदीतय्‌गु निंतिं लसता व नखःया दिं जुल। अले मेगु जातिया यक्‍व मनूत नं यहूदी जुल। छाय्‌धाःसा इमिके यहूदीतय्‌गु भय दुगुलिं खः।

भजनसंग्रहया सफू 130:4

तर छि क्षमा बियादीम्‍ह खः, अथे जुयाः हे छिगु भय काइ।

भजनसंग्रहया सफू 40:3

वय्‌कलं जितः छपु न्‍हूगु म्‍ये स्‍यनादिल, झी परमेश्‍वरयात तःधंकाः हालेगु म्‍ये। यक्‍वसिनं हे थ्‍व खनी, अले भय काइ। अले इमिसं परमप्रभुयाके भलसा तइ।

यशैया 43:21

व जातियात, जिगु प्रशंसाया घोषणा यायेमा धकाः जिं थःगु निंतिं दय्‌कागु खः।

यशैया 55:13

अनंलि कंमाया पलेसा सल्‍लाया सिमा, व न्‍हाय्‌कंमाया पलेसा मेहदीया सिमात बुया वइ। थथे परमप्रभुया हनाबनाया निंतिं जुइ। थ्‍व गुबलें नाश मजुइगु सदां सदांया निंतिं चिं जुइ।”

यशैया 60:5

अनंलि छ थ्‍व खनाः तसकं ज्‍वालं थी अले छंगु नुगः तसकं लय्‌ताइ। समुद्रया सम्‍पत्ति छन्‍थाय् हइ, जाति जातिया सम्‍पत्तित छन्‍थाय् वइ।

यशैया 62:1

यरूशलेमया धार्मिकता सुथ न्‍हापांया जः थें खनेमदुतले, अले वयागु मुक्ति च्‍यानाच्‍वंगु मिप्‍वाःया जः थें खनेमदुतले, सियोनया निंतिं जि सुम्‍क च्‍वने मखु। यरूशलेमया निंतिं जि सुम्‍क च्‍वने मखु।

यशैया 62:12

इमित “पवित्र जाति” धकाः धाइ, अले “परमप्रभुपाखें छुत्‍कारा दुपिं।” छन्‍त धाःसा “मालाः लुइकूगु” व “मत्‍वःतूगु शहर” धकाः धायेगु याइ।

यशैया 62:4

छन्‍त हाकनं “आजुबा” धकाः धाइ मखु। छंगु देशयात हाकनं “समामा” धकाः धाइ मखु, तर छन्‍त “हेप्‍सीबा” धकाः धाइ, अले छंगु देश “ब्‍युलाह” धकाः धाइ। छाय्‌धाःसा परमप्रभु छनापं तसकं लय्‌तायादीगु दु, अले छंगु देशं ब्‍याहा याःगु जुइ।

यशैया 62:7

परमप्रभुं थःगु ज्‍या सिधय्‌कामदीतले अले यरूशलेमयात पृथ्‍वीया गौरव दय्‌कामदीतले वय्‌कःयात आराम काय्‌के बियादी मते।

यशैया 64:2

मिं झाःत च्‍या थें अले लः ग्‍वाराग्‍वारां दाय्‌कू थें, थः शत्रुतय्‌त थःगु शक्ति क्‍यनेत अले जाति– जातितय्‌त थरथर खाकेत छि क्‍वहां झासँ।

यर्मिया 13:11

छाय्‌धाःसा गथे छपु जनी मनूया जँय् क्‍वातुक्‍क ची, अथे हे जिं इस्राएलया फुक्‍क घराना व यहूदाया फुक्‍क घरानायात जिगु नां, प्रशंसा व हनाबनाया निंतिं जिगु प्रजा जुइत चिनागु दु। तर इमिसं खँ मन्‍यं,’ परमप्रभुं धयादी।

यर्मिया 16:19

हे परमप्रभु, जिगु बल व जिगु किल्‍ला, दुःखया दिनय् जिगु शरण कायेगु थाय्, पृथ्‍वीयागु ताताःपाःगु थासं जाति जातितय्‌सं छिथाय् वयाः धाइ, “जिमि तापाःबाज्‍यापिन्‍के ला फताहा द्यःत, ज्‍यालगे मजूगु मूर्तित बाहेक मेगु छुं नं मदु।

यर्मिया 24:6

जिं इमित दया याये अले इमित हाकनं थ्‍व देशय् लित हये, जिं इमित नाश याये मखु तर जिं इमित दय्‌के, जिं इमित लिनाकाये मखु तर तयातये।

यर्मिया 26:6

जिं थ्‍व देगःयात शीलोयात थें नाश यानाबी, अले पृथ्‍वीयागु फुक्‍क जातितय्‌सं थ्‍व शहरया नां कयाः सराः बी।’”

यर्मिया 29:1

नबूकदनेसरं यरूशलेमं ज्‍वनाः बेबिलोनय् यंकूपिं मध्‍ये म्‍वानाच्‍वंपिं थकालित, पुजाहारीत, अगमवक्तात व फुक्‍कं मनूतय्‌त यर्मिया अगमवक्तां यरूशलेमं छ्वःगु पौया खँ थ्‍व हे खः।

यर्मिया 3:17

उबलय् यरूशलेमयात ‘परमप्रभुया सिंहासन’ धाइ। अले फुक्‍क जातित व हे यरूशलेमय् जिगु नांयात इज्‍जत यायेत मुनेगु याइ। अले इपिं जिराहा जुयाः थःगु मनया मभिंगु खँया ल्‍यू गुबलें जुइ मखु।

यर्मिया 3:19

“जिं मनमनं धया, “‘हे इस्राएल, जिं छिमित थः मस्‍त दय्‌केगु व छगू सुख हे सुख जुइगु, संसारया दकलय् बांलाःगु देश बीगु बिचाः यानागु खः।’ जिं छिमिसं जितः अबु धाइ, अले जिगु ल्‍यू जुइगु त्‍वःती मखु धकाः मतिइ तयागु खः।

यर्मिया 31:14

पुजाहारीतय्‌त जिं भिंगु भिंगु नसां प्‍वाः जाय्‌काबी। जि प्रजा जिगु भिंगु ज्‍यां लुधनी,” परमप्रभुं धयादी।

यर्मिया 31:4

हाकनं छकः जिं छिमित दय्‌के, हे कुमारी इस्राएल, छन्‍त हाकनं दय्‌कीगु जुइ। छ हाकनं भुस्‍या ज्‍वनाः लसता हनीपिंनापं प्‍याखं हुहुं पिहां वइ।

यर्मिया 32:42

“परमप्रभुं थथे धयादी – गथे जिं थुपिं मनूतय्‌के थज्‍याःगु तःधंगु विपत्ति हया, अथे हे जिं बचं बियागु फुक्‍क भिंगु खँ थुमित बी।

यर्मिया 33:14

“‘जिं थःम्‍हं इस्राएलया घराना व यहूदाया घरानायात बियागु बचं पूरा यायेगु ई वयाच्‍वंगु दु, परमप्रभुं धयादी।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

यर्मिया 44:8

छिपिं च्‍वंवःगु थ्‍व मिश्र देशय् मेपिं द्यःतय्‌त धुपाँय् च्‍याकाः जितः छाय् तं चाय्‌कागु? थथे यानाः छिमिसं थःत हे नाश याइ अले पृथ्‍वीया फुक्‍क जातिया मनूतय्‌सं छिमित हेस्‍याइ अले छिमिगु नां कयाः सराः बी।

यर्मिया 49:25

व नांजाःगु शहर, व जिगु लसताया शहर सुनसान जूगु दु।

इजकिएल 26:20

अबलय् जिं छन्‍त पातालय् वनेधुंकूपिं पुलांगु ईयापिं मनूतय्‌थाय् छ्वयाबी। जिं छन्‍त पृथ्‍वीया क्‍वय् सदांया निंतिं नाश जूगु थासय् च्‍वनेबी। अले छ हाकनं गुबलें म्‍वाःपिनिगु देशय् लिहां वयाच्‍वनी मखु।

इजकिएल 36:35

मनूतय्‌सं धाइ, “थ्‍व झिजांमिजां दंगु बुँ आः अदनया क्‍यब थें जुल। उपिं उजाड, नाश व ध्‍वस्‍त जूगु शहरत आः किल्‍लात व मनूतय्‌सं जाःगु दु।”

इजकिएल 39:13

देशयापिं सकलें मनूत मिलय् जुयाः इमित थुनी। अले जिगु महिमा जुइगु दिं इमिगु निंतिं छगू लुमनाच्‍वनीगु दिं जुइ, परमप्रभु परमेश्‍वरं धयादी।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

जकरिया 1:17

“अज्‍ज नं न्‍यंकि– दक्‍व शक्ति दुम्‍ह परमप्रभुं धयादी, ‘जिगु शहरत हाकनं च्‍वन्‍ह्याइ, अले परमप्रभुं सियोनयात हाकनं शान्‍ति बियादी अले यरूशलेमयात हाकनं ल्‍ययादी।’”

जकरिया 12:2

“जिं यरूशलेमयात उकिया जःखः च्‍वंपिं मनूतय्‌गु निंतिं छगू धेधे चुइकाबीगु दाखमद्यया ख्‍वला थें दय्‌काबी। यहूदा व यरूशलेम घेराय् लाइ।

व्‍यवस्‍था 30:5

वय्‌कलं छिमित छिमि पुर्खातय्‌गु देशय् हयादी। अले छिमिसं व देशयात अधिकार याइ। वय्‌कलं छिमिगु भिं यानादी अले छिमि पुर्खातय्‌गु ल्‍याः स्‍वयाः छिमिगु ल्‍याः अप्‍वः यानादी।