यर्मिया 33:22 - नेवाः बाइबल

²² आकाशया नगु ल्‍याः खाये मफइगु व समुद्र सिथय्‌या फि लने मफइगु थें अथे हे जिं जिम्‍ह दास दाऊदया सन्‍तान व जिगु सेवा याइपिं लेवीतय्‌गु ल्‍याः अप्‍वय्‌काबी।’”

यर्मिया 33:22 ပူးပေါင်းရင်းမြစ်များ

उत्‍पत्ति 13:16

जिं छिमि सन्‍तानयात पृथ्‍वीया धू थें यक्‍व दय्‌काबी। पृथ्‍वीया धू ल्‍याः खाये फुम्‍हय्‌सिनं जक छिमि सन्‍तान ल्‍याः खाये फइ।

उत्‍पत्ति 15:5

परमप्रभुं अब्रामयात पिने हयाः धयादिल, “आकाशय् स्‍व, अले नगुत ल्‍याः खाना स्‍व, छं ल्‍याः खाये फु ला?” वय्‌कलं हानं धयादिल, “छं सन्‍तान नं उलि हे दइ।”

उत्‍पत्ति 22:17

जिं छन्‍त आकाशय् च्‍वंगु नगु व फिसलय् च्‍वंगु फि थें यक्‍व सन्‍तान दय्‌काबी। इमिसं थः शत्रुतय्‌त बुकाः इमिगु शहर त्‍याकाकाइ।

उत्‍पत्ति 28:14

छिमि सन्‍तान पृथ्‍वीया धू थें जुइ। इपिं पुर्ब व पच्‍छिम, उत्तर व दच्‍छिन न्‍यनावनी। पृथ्‍वीया फुक्‍क मनूतय्‌सं छ व छिमि सन्‍तानपाखें आशिष काइ।

भजनसंग्रहया सफू 22:30

लिपा वइपिं सन्‍तानतय्‌सं नं परमप्रभुयागु सेवा याइ। लिपा वइपिन्‍सं नं वय्‌कःयागु खँ न्‍यना काइ

भजनसंग्रहया सफू 89:29

जिं वया वंशयात न्‍ह्याबलें तयातये, अले आकाश दतले वयागु सिंहासन दयाच्‍वनी।

यशैया 48:19

छिमि सन्‍तानत फि थें दइगु, अले छिमि काय्‌म्‍ह्याय्‌पिं अल्‍याख दइगु। इमिगु नां जिपाखें गुबलें हुयाछ्वयेगु जुइ मखुगु, अले इपिं जिगु न्‍ह्यःने नाश जुइ मखुगु।”

यशैया 66:21

अले इपिं मध्‍ये गुलिसित पुजाहारी व लेवी जुइत जिं ल्‍यये,” परमप्रभुं धयादी।

यर्मिया 30:19

अनयापिं मनूतय्‌सं प्रशंसाया म्‍ये हाली अले लय्‌ताइ। जिं इमिगु ल्‍याः अप्‍वय्‌काबी इमिगु ल्‍याः कम जुइ मखु। जिं इमित इज्‍जत बीके, सुनानं इमित क्‍वह्यंकी मखु।

यर्मिया 31:37

परमप्रभुं थथे धयादी, “च्‍वय्‌यागु आकाश नापय् याये फःसा जक अले क्‍वय्‌यागु पृथ्‍वीया जग माला लुइके फःसा जक इमिसं याःगु फुक्‍क खँया निंतिं जिं इस्राएलया सन्‍तानयात त्‍वःताबी।”

यर्मिया 33:18

अले लेवी पुजाहारीतय्‌गु वंशय् न्‍हियान्‍हिथं जिगु लागि होमबलि छाइम्‍ह, अन्‍नबलि छ्वय्‌किम्‍ह व मेमेगु बलि छाइम्‍ह न्‍ह्याबलें दया हे च्‍वनी।’”

यर्मिया 33:23

परमप्रभुया थ्‍व वचन यर्मियायाथाय् वल,

इजकिएल 37:10

उकिं वय्‌कलं जितः आज्ञा बियादीगु थें जिं अगमवाणी याना, अले सासः उपिं म्‍हय् दुहां वन, इपिं म्‍वात अले इपिं थथःगु तुतिइ दन, इपिं छगू तःधंगु सेना जुल।

इजकिएल 44:15

“‘तर सादोकया परिवारयापिं लेवीतय् सन्‍तान पुजाहारीतय्‌सं धाःसा इस्राएलीत जिपाखें फस्‍वया वंसां तबि जिगु पवित्र थासय् यायेमाःगु ज्‍या इमान्‍दार जुयाः याना हे च्‍वन। थुपिं धाःसा जिगु सेवा यायेत जिगु न्‍ह्यःने वयेगु यायेमा, अले जिगु न्‍ह्यःने दाः व हि छायेत वयेगु यायेमा, परमप्रभु परमेश्‍वरं धयादी।

होशे 1:10

“अथे जूसां इस्राएलीतय्‌गु ल्‍याः समुद्रया सिथय् च्‍वंगु फि थें जुइ, सुयात न नापय् याये फइ, न ल्‍याः खाये फइ। गन इमित थथे धाःगु खः, ‘छिपिं जिमि प्रजा मखु,’ अन इमित थथे धकाः धाइ, ‘छिपिं म्‍वाःम्‍ह परमेश्‍वरया सन्‍तान खः।’

जकरिया 10:8

जिं इमित सुलि पुयाः सःते, अले इमित छथाय् मुंके। जिं इमित लिफ्‍यानाः न्‍हापा गुलि दुगु खः उलि हे दय्‌काबी।

जकरिया 12:8

उखुन्‍हु हे परमप्रभुं यरूशलेमय् च्‍वंपिन्‍त रक्षा यानादी अले इपिं मध्‍ये तसकं बमलाःपिं दाऊद थें जुइ। दाऊदया घराना धाःसा परमेश्‍वर थें इमिगु न्‍ह्यःने वनाच्‍वंम्‍ह परमप्रभुया दूत थें जुइ।

जकरिया 2:4

वं धाल, “ब्‍वाँय् वनाः उम्‍ह ल्‍याय्‌म्‍हम्‍ह मनूयात धा, ‘मनूतय्‌गु व पशुतय्‌गु ल्‍याः यक्‍व अप्‍वः जूगुलिं यरूशलेम पःखाः मदुगु शहर जुइ।

हिब्रू 11:12

थुकथं सीत्‍यःम्‍ह बुराम्‍ह अब्राहामपाखें आकाशय् च्‍वंगु नगु थें यक्‍व, अले फिसलय् च्‍वंगु फि थें ल्‍याः खाये मफय्‌क सन्‍तान दत।